2020 හෙරොයින් ළඟ තබා ගැනීමේ නඩුවක් සම්බන්ධයෙන් ත්‍රස්තවාදය වැළැක්වීමේ පනත යටතේ හිටපු ජනාධිපති ගෝඨාභය රාජපක්ෂ විසින් නිකුත් කරන ලද රැඳවුම් නියෝගයක් නීති විරෝධී බවට තීන්දුවක් ශ්‍රේෂ්ඨාධිකරණය අද ප්‍රකාශයට පත කළේය.
සිද්ධීයක් සම්බන්ධයෙන් පෑලියගොඩ විශේෂ විමර්ශන ඒකකය විසින් අත්අඩංගුවට ගත් පොකුණුවිට, හේනගම ප්‍රදේශයේ කාන්තාවක් ගොනු කළ මූලික අයිතිවාසිකම් පෙත්සමක් සලකා බැලීමෙන් පසු අද (මාර්තු 18) තීන්දුව ප්‍රකාශයට පත් කරන ලදී.
ඊට අමතරව, පෙත්සම්කරුගේ මූලික අයිතිවාසිකම් උල්ලංඝනය කිරීම සම්බන්ධයෙන් රුපියල් 100,000 ක වන්දියක් ගෙවන ලෙස අධිකරණය රජයට නියෝග කළේය.
අයදුම්පත ඉදිරිපත් කරන අවස්ථාවේ දී ආරක්ෂක අමාත්‍යවරයා ලෙස කටයුතු කිරීමට එවකට ජනාධිපති ගෝඨාභය රාජපක්ෂට බලයක් නොතිබූ බව ශ්‍රී ලංකා ශ්‍රේෂ්ඨාධිකරණය අද තීරණය කළේය මන්ද විසිවන ආණ්ඩුක්‍රම ව්‍යවස්ථා සංශෝධනය තවමත් බලාත්මක වී නොතිබුණි.
මේ සම්බන්ධයෙන් එකස් අඩවියෙහි සටහනක් තබන නීතිඥ සංජය විල්සන් ජයසේකර සඳහන් කරන්නේ ගොඨභය රාජපක්ෂ විසින් කවිවර අහ්නාෆ් ජසීම්ට එරෙහිව රැඳවුම් නියෝගයක් නිකුත් කළ කාලය මෙය වූ බවයි.
එබැවින්, එවකට ජනාධිපති ගෝඨාභය රාජපක්ෂ විසින් 2020 පෙබරවාරි 06 වන දින නිකුත් කරන ලද අපකීර්තිමත් රැඳවුම් නියෝගය ආණ්ඩුක්‍රම ව්‍යවස්ථාවට පටහැනි වන අතර එම නිසා කිසිදු නීතිමය වලංගු භාවයකින් තොර යැයි ඔහු සඳහන් කරයි.
අහ්නාෆ් ජසීම්ගේ පෙත්සමේදී එම කරුණම පේනවා දුන් බව කියා සිටින ඔහු අහ්නාෆ්ට එරෙහිව නිකුත් කරන ලද රැදවුම් කිරීමේ නියෝග ශුන්‍ය සහ බලරහිත බව ප්‍රකාශ කළ බවද සඳහන් කරයි. අද දෙන ලද තීරණයඅනුව අධිකරණය, අහ්නාෆ්ගේ දීර්ඝ කාලීන රඳවා තබා ගැනීම නීති විරෝධී බව අධිකරණය තීරණය කරනු ඇතැයි අපට විශ්වාස යැයි ඔහු සඳහන් කරයි.
