පුවත් කෙහෙළියගේ දුරකතන බිල 231,000ක්; දැන් සනීපද? – මහාධිකරණ විනිසුරු By Sri Lanka Brief - 08/03/2024 353 FacebookTwitterWhatsAppPinterestEmail ඡාායරූපය: දැන් සනීපද? කෙහෙළිය රඹුක්වැල්ල ජනමාධ්‍ය ඇමති ලෙස කටයුතු කළ සමයේ ඔහුගේ ජංගම දුරකතන ගාස්තුව රාජ්‍ය මුද්‍රණ නීතිගත සංස්ථාවෙන් ගෙවා දැමීම පිළිබඳ නඩු විභාගයේදී “දැන් එහෙනම් විත්තිකරුට සනීප වෙලා ඇති නේ?“ යනුවෙන් මහාධිකරණ විනිසුරු ප්‍රශ්න කර තිබේ. අල්ලස් හෝ දූෂණ කොමිෂන් සභාව පවරා තිබෙන මෙම නඩුව ඊයේ (07) විභාගයට ගත් අවස්ථාවේ කොළඹ ප්‍රධාන මහාධිකරණ විනිසුරු හමුවේ වැඩි දුරටත් හෙළිවී තිබුණේ කෙහෙළිය රඹුක්වැල්ල අධිකරණයට ඉදිරිපත් වී නැති බව ය. විත්තිකරුගේ නීතිඥවරයා දැනුම් දී ඇත්තේ පාර්ලිමේන්තුවේ පැවැත්වෙන විශේෂ සැසිවාරයක් සඳහා සහභාගී වීමට විත්තිකරු ගොස් ඇති බවයි. ජනාධිපති චක්‍රලේඛ උල්ලංඝණය කරමින් මෙම ජනමාධ්‍ය ඇමති විසින් රුපියල් 230,984.45ක පෞද්ගලික දුරකතන ගාස්තුව රාජ්‍ය මුද්‍රණ නීතිගත සංස්ථාවෙන් ගෙවා තිබීම අල්ලස් පනත යටතේ ගැනෙන වරදක් ලෙස අධිකරණය හමුවේ චෝදනා ගොනු කර තිබේ. (Lanka Truth)
