GoHomeGota 2022 ෆේස්බුක් සමූහයහි ඇඩ්මින් මණ්ඩලය නියෝජනය කරමින් හේෂිත හිරුෂාන්, දිනුෂා සිරිවර්ධන හා කෞශල මධුමාල් මධුමාල් සම්බන්ධ වූ අතර PlanB කණ්ඩායමෙන් මහීල් බණ්ඩාර, භාග්‍යා සෙනෙවිරත්න හා කිත්සර ගුණරත්න සම්බන්ධ විය.
තමන් පුද්ගලිකව මුහුණ දුන් සිත්තැවුල් හා කම්පා නිසාත් තම තරුණ සිහින බොද වීමේ ඛේදවාචකය නිසාත් කිසිදු දේශපාලන පක්ෂයක මැදිහත් වීමකින් තොරව තරුණ තරුණියන් එක්ව ආරම්භ කල ෆේස්බුක් සමූහක් බව ඇඩ්මින් මඩුල්ල කියා සිටි අතර ඔවුන් තම සාමාජිකයන් වෙත අවධාරණය කර කියා සිටියේ මෙම අරගලය සාමකාමී අරගලයක් බවයි.
මේ අරගලය ලේ කදුලු හා විලාපයන් මත අවසන් වුවොත් මෙහි ජයග්‍රහණයක් නොමැති බවත් තනි පුද්ගලයෙකු මත කරන අරගලයක් නොව අවුරුදු 74ක මලගමක් වූ Plan එකට විරුද්ධව කරන අරගලක් බවත් PlanB කණ්ඩායම ද අවධාරණය කර සිටි.
හිටපු අමාත්‍ය මංගල සමරවීර මැතිවරණ දේශපාලනයෙන් සමුගෙන ‘# සැබෑ දේශප්‍රේමියෝ’ මෙහෙයුම ආරම්භකළ මොහොතේ එහි ක්‍රියාකාරී සාමාජිකයකුව සිටි මහීල් බණ්ඩාර ඇතුළු පිරිසක් මංගලගේ අභාවයෙන් පසුව PlanB නමින් තරුණ සමුහිකයක් ආරම්භ කළේය.