Monday, August 8, 2022

තනි පුද්ගලයකු බසයට ගිනි තබත්දී බලා සිටි සහ මාධ්‍යවේදීන්ට පහර දුන් පොලිස් නිලධාරීන් ගැන විමර්ශනයක් කරනු! – තරුණ ජනමාධ්‍යවේදීන්ගේ සංගමය

තනි පුද්ගලයකු ගොස් බස් රථයට ගිනි තබද්දී පොලිසිය, හමුදාව, පොලිස් විශේෂ කාර්ය බළකාය මෙන්ම බුද්ධි අංශය එය වලක්වා නොගෙන ගිනි තැබීමට ඉඩදී බලා සිටීම බරපතල තත්ත්වයක් වන අතර සාමකාමී උද්ඝෝෂණය කඩා කප්පල් කිරීම සඳහා එලෙස කළ බවට අපි විශ්වාස කරන බව සදහන් කරන ශ්‍රී ලංකා තරුණ ජනමාධ්‍යවේදීන්ගේ සංගමය ඒ පිළිබදව මෙන්ම අත් අඩංගුවට ගන්නා ලද ජනමාධ්‍යවේදීන්ට පහරදීම පිළිබඳව නිසි විමර්ශනයක් පවත්වා වගි කියයුත්තන්නට දඩුවම් කරන ලෙස පොලිස්පතිවරයාගෙන් ඉල්ලා සිටී.

මානව හිමිකම් කොමිසමේ සභාපතිනියටද පිටපත් කරන ලද එම  ලිපිය පහත දැක්වේ.

2022 අප්‍රේල් මස 02 වැනි දා

චන්දන වික්‍රමරත්න මහතා,
පොලිස්පති,
පොලිස් මූලස්ථානය,
කොළඹ.
පොලිස්පතිතුමනි,

භාෂණයේ ප්‍රකාශනයේ නිදහස ඇතුළු මූලික අයිතිවාසිකම් උල්ලංඝණය කිරීම සහ ඔබගේ පක්ෂග්‍රාහී හැසිරීම සම්බන්ධවයි

මිරිහාන පොලිස් වසමේ දී මාර්තු 31 වැනිදා සවස පැවැති සාමකාමී විරෝධතාවයට ශ්‍රී ලංකා පොලිසියෙන්, පොලිස් විශේෂ කාර්ය බළකායෙන් සහ යුද හමුදාවෙන් යෙදවා කඳුළු ගෑස් ගැසීම, වෙඩි තැබීම සහ පහරදීම සිදු කිරීමත්, පිරිසක් අත්අඩංගුවට ගෙන මිරිහාන පොලිසියේ රඳවා තබා ගනිමින් අමානුෂික ලෙස පහරදීමත් සම්බන්ධයෙන් ශ්‍රී ලංකා තරුණ ජනමාධ්‍යවේදීන්ගේ සංගමය ලෙස අපි දැඩි පිළිකුළෙන් යුතුව හෙළා දකින අතර ඒ සම්බන්ධයෙන් වහාම සාධාරණ පරීක්ෂණයක් කරන ලෙස ඉල්ලා සිටිමු.

මෙම සාමකාමී විරෝධතාවය අතරතුර යුද හමුදා බස්රථයට ගිනි තැබීම පොලිසියේ/හමුදාවේ/ ආරක්ෂක අංශවල හෝ ඔවුන්ගේ ආශිර්වාදය සහිතව සිදුවූවක් බවට ඊයේ ජ්‍යෙෂ්ඨ නීතිඥවරු රැසක් අධිකරණයට කරුණු දක්වමින් ප්‍රකාශ කළහ.

තනි පුද්ගලයකු ගොස් බස් රථයට ගිනි තබද්දී පොලිසිය, හමුදාව, පොලිස් විශේෂ කාර්ය බළකාය මෙන්ම බුද්ධි අංශය එය වලක්වා නොගෙන ගිනි තැබීමට ඉඩදී බලා සිටීම බරපතල තත්ත්වයක් වන අතර සාමකාමී උද්ඝෝෂණය කඩා කප්පල් කිරීම සඳහා එලෙස කළ බවට අපි විශ්වාස කරමු.

වධහිංසාවන්ට ලක් කළ මාධ්‍යවේදීන් තිදෙනෙක්

මෙම සාමකාමී විරෝධතාව ආවරණය කිරීමට ගිය ජනමාධ්‍යවේදීන් ද ඇතුළව පිරිසක් පොලිසිය විසින් අත්අඩංගුවට ගනු ලැබ පහර දීමෙන් පසු අප්‍රේල් පළමු වැනිදා අලුයම මිරිහාන පොලිස් ස්ථානයට ගෙනැවිත් පහර දෙන බවට අපට තොරතුරක් ලැබිණි. ඒ අනුව අලුයම 3.56ට ශ්‍රී ලංකා තරුණ ජනමාධ්‍යවේදීන්ගේ සංගමය ලෙස අපි ශ්‍රී ලංකා මානව හිමිකම් කොමිෂන් සභාවට ලිපියක් යවමින් ඔබට පිටපතක් යොමු කළෙම. කොමිසමේ හදිසි ඇමතුම් අංකයටද දැනුම් දුන්නෙමු. එසේ තිබියදී පොලිසිය විසින් ඔවුන්ට පහර දී උදෑසන 11 පමණ වන තුරු වෛද්‍ය ප්‍රතිකාරවත් ලබා නොදී තබා ගැනීම සුළුවෙන් තැකිය නොහැකි බරපතල තත්ත්වයකි.

මෙම සිදුවීම් මාලාවට අදාලව පුරවැසියන්ගේ භාෂණයේ ප්‍රකාශනයේ අයිතිය මෙන්ම තවත් මූලික අයිතිවාසිකම් රැසක් බරපතල ලෙස උල්ලංඝණය වී ඇති අතර එලෙස කටයුතු කරමින්

01) මිරිහාන පොලිස් ස්ථානය තුලදී පුද්ගලයන්ට පහරදීම සම්බන්ධයෙන් සහ එය වළක්වා නොගැනීම සම්බන්ධයෙන් එදින රාත්‍රී මිරිහාන පොලිස් ස්ථානයේ සිටි සහ එය අධීක්ෂණය කළ නිලධාරීන් ද, 

02) සාමකාමී උද්ඝෝෂණය කඩා කප්පල් කිරීම සඳහා පහර දුන් පොලිස් සහ හමුදා සාමාජිකයන්ද, පහරදීමට නියෝග කළ උසස් නිලධාරීන් ද, පහරදීම අධීක්ෂණය කළ නිලධාරීන් ද, 

03) බස් රථය ගිනි තැබීමට ඉඩ දී බලා සිටි පොලිස්, හමුදා සහ විශේෂ කාර්ය බළකා නිලධාරීන් ද,

විමර්ශනයකින් පසු අත්අඩංගුවට ගෙන අධිකරණයට ඉදිරිපත් කරන ලෙස ඉල්ලා සිටිමු.

මීට පෙර ඔබ වෙත කළ ඇතැම් පැමිණිලි සම්බන්ධයෙන් මේ වනතුරුත් කිසිම විමර්ශනයක් සිදු කර නැති පසුබිමක, ජනතාවගේ ආරක්ෂකයා විය යුතු රටේ පොලිස්පතිවරයා ජනතාවගේ අයිතිවාසිකම් මර්දනය කරන පිරිස් ආරක්ෂා කිරීමට කටයුතු කිරීම සම්බන්ධයෙන් විරෝධය පළ කරන අතර,  පවතින තත්ත්වය තේරුම් ගනිමින් මින් ඉදිරියට හෝ ජනතා අයිතිවාසිකම් මර්දනය කරන පිරිසට එරෙහිව නීතිය ක්‍රියාත්මක කරන ලෙස ඉල්ලා සිටිමු.

ස්තුතියි.
මෙයට,
විශ්වාසී,

ශ්‍රී ලංකා තරුණ ජනමාධ්‍යවේදීන්ගේ සංගමය
[email protected]

පිටපත්
සභාපති – HRc

Archive

Latest news

ජූලි 08 ඇදිරි නීතිය නීති විරෝධියි; තරුණ ජනමාධ්‍යවේදියෝ පොලිස්පතිට එරෙහිව ශ්‍රේෂ්ඨාධිකරණයට යති.

නීතියේ ප්‍රතිපාදනවලින් බැහැරව පොලිස්පතිවරයා විසින් පසුගිය ජූලි 08 වැනිදා පොලිස් ඇඳිරිනීතිය පැනවීමෙන් මූලික අයිතිවාසිකම් කඩවූ බවට ප්‍රකාශ කරන්නැයි ඉල්ලා තරුණ ජනමාධ්‍යවේදීන්ගේ සංගමය නියෝජනය කරමින්...

පොලිස් ඇමැති ටිරන් අලස් යළි මුදල් කොල්ලයක; මිලියන 17ක් නීති විරෝධීව ලබා ගනී.

බැසිල් රාජපක්ෂ විසින් බෑගවල දමා  බාර දුන්  කේටි ගණනක මුදලක් එල්ටීටීඊ සංවිධානයට ලබා දීමට මැදිහත් කරුවකු වූ වර්තමාන මහජන ආරක්ෂක ඇමති එනම් පොලිසිය බාර...

රනිල් රාජපක්ෂ: අරගලකරුවන්ට කොකා පෙන්වා පොදු සමා ප්‍රෝඩාවකින් භීෂනය සාධාරණ කිරීම

ඡායාරූපය: රනිල් රාජපක්ෂ මර්දනයට එරෙහි විරෝධය දෙස් විදෙස් ක්‍රියාවලියකි. ( ඡායාරූපය- @Amaliniii) රනිල් රාජපක්ෂ ඊයේ එනම් 05දා අරගලකරුවන් කණ්ඩායමක් සමඟ පැවැත් වූ සාකච්ඡාවක දී ඔවුන්ට...

2022 ජූලි මහජන විප්ලවය සහ රනිල් රාජපක්ෂගේ ප්‍රති විප්ලවය – සුනන්ද දේශප්‍රිය

දිනයකට තනතුරට පත් (වෘත්තීය සමිති මර්දන) ජනරාල් සමන් රාජපක්ෂ පසු දා පොලීසිය විසින් අත්අඩංගුවට ගත් ජෝශප් ස්ටාලින්ට ඇප ලබා දෙන බවත් ජෝශප් වෙනුවෙන් තමා...

Related news

ජූලි 08 ඇදිරි නීතිය නීති විරෝධියි; තරුණ ජනමාධ්‍යවේදියෝ පොලිස්පතිට එරෙහිව ශ්‍රේෂ්ඨාධිකරණයට යති.

නීතියේ ප්‍රතිපාදනවලින් බැහැරව පොලිස්පතිවරයා විසින් පසුගිය ජූලි 08 වැනිදා පොලිස් ඇඳිරිනීතිය පැනවීමෙන් මූලික අයිතිවාසිකම් කඩවූ බවට ප්‍රකාශ කරන්නැයි ඉල්ලා තරුණ ජනමාධ්‍යවේදීන්ගේ සංගමය නියෝජනය කරමින්...

පොලිස් ඇමැති ටිරන් අලස් යළි මුදල් කොල්ලයක; මිලියන 17ක් නීති විරෝධීව ලබා ගනී.

බැසිල් රාජපක්ෂ විසින් බෑගවල දමා  බාර දුන්  කේටි ගණනක මුදලක් එල්ටීටීඊ සංවිධානයට ලබා දීමට මැදිහත් කරුවකු වූ වර්තමාන මහජන ආරක්ෂක ඇමති එනම් පොලිසිය බාර...

රනිල් රාජපක්ෂ: අරගලකරුවන්ට කොකා පෙන්වා පොදු සමා ප්‍රෝඩාවකින් භීෂනය සාධාරණ කිරීම

ඡායාරූපය: රනිල් රාජපක්ෂ මර්දනයට එරෙහි විරෝධය දෙස් විදෙස් ක්‍රියාවලියකි. ( ඡායාරූපය- @Amaliniii) රනිල් රාජපක්ෂ ඊයේ එනම් 05දා අරගලකරුවන් කණ්ඩායමක් සමඟ පැවැත් වූ සාකච්ඡාවක දී ඔවුන්ට...

2022 ජූලි මහජන විප්ලවය සහ රනිල් රාජපක්ෂගේ ප්‍රති විප්ලවය – සුනන්ද දේශප්‍රිය

දිනයකට තනතුරට පත් (වෘත්තීය සමිති මර්දන) ජනරාල් සමන් රාජපක්ෂ පසු දා පොලීසිය විසින් අත්අඩංගුවට ගත් ජෝශප් ස්ටාලින්ට ඇප ලබා දෙන බවත් ජෝශප් වෙනුවෙන් තමා...