Saturday, May 21, 2022

අලුත් ත්‍රස්ත නීති හෙලා දකිිනඑක්සත් ජාතීන්ගේ විශේෂ නියෝජිතයෝ ජනාධිපතිට ප්‍රශ්න මාලාවක් ඉදිරිපත් කරති.

ශ්‍රී ලංකා රජය විසින් ත්‍රස්තවාදය වැලැක්වීමේ පනත යටතේ සම්මත කරගැනීමට සැලසුම් කර ඇති අලුත්ම රෙගුලාසි දැඩි දෝෂ දර්ශනයට ලක් කර තිබෙන එක්සත් ජාතීන්ගේ සංවිධානයෙහි විශේෂ නියෝජිතයින්ම  ඒම  නියෝග හකුලා ගන්නා ලෙස ජනාධිපති ගෝඨාභය රාජපක්ෂ ගෙන් ඉල්ලා තිබේ.

මේ වසරේ මාර්තු 12 දා ජනාධිපතිවරයා විසින් ප්‍රකාශයට පත් කරන ලද ‘දැඩි ආගමික මතවාද දැරීමෙන් මුදවා ගැනීමේ නියෝග’ නම් ගැසට් පත්‍රයේ රෙගුලාසි “පූර්ණ නිරවද්‍යතාවෙන් හා නෛතික නිශ්චිතභාවයෙන් තොර, ප්‍රකාශනයේ නිදහස, මතවාද සහ ආගමික විශ්වාස හා ගැටෙන්නක්” බව ජාත්‍යන්තර මානව හිමිකම් විශේෂඥයන් හත් කට්ටුවක් විසින් අගෝස්තු 9 දා ජනාධිපතිවරයාට යවා ඇති ලිපියක සඳහන් වේ.
එක්සත් ජාතීන්ගේ විවේචනය සම්බන්ධයෙන් ජනාධිපතිවරයාගෙන් පිළිතුරුද ඉල්ලන එම ලිපිය එවා ඇත්තේ මීළඟ ජිනීවා මානව හිමිකම් සමුළුව පැවැත්වීමට මාසයකට වඩා දින කීපයක් තිබියදීය.
  නව රෙගුලාසි යටතේ ක්‍රියාත්මක කිරීමට යන පියවර ආණ්ඩුව විසින් මානව හිමිකම් අරබයා අනුගමනය කිරීමට බැඳී සිටින ජගත් සම්මුති මාලාවක්ම උල්ලංඝනය කිරීමක් බව පිටු 13කින් සමන්විත ලිපිය සිහිපත් කර දෙයි. 
ඒ අතර මානව හිමිකම් පිළිබඳ විශ්ව ප්‍රකාශනය (UDHR), සිවිල් සහ දේශපාලන අයිතිවාසිකම් පිළිබඳ ජාත්‍යන්තර ප්‍රඥප්තිය (ICCPR)  ආර්ථික, සමාජීය සහ සංස්කෘතික අයිතිවාසිකම් පිළිබඳ ජාත්‍යන්තර ප්‍රඥප්තිය (ICESCR), බලහත්කාරයෙන් අතුරුදහන් කිරීමෙන් සියලුදෙනා ආරක්ෂා කිරීම සඳහා වන ජාත්‍යන්තර ප්‍රඥප්තිය (ICPPED) මෙන්ම ජාතික, වාර්ගික, ආගමික හා භාෂාමය සුලුතරයන් පිළිබඳ 1992 ප්‍රකාශනය සහ ආගම හෝ විශ්වාසය පදනම් කොටගෙන කෙරෙන්නාවූ සකලවිධ නොරිස්සීම් සහ වෙනස්කම් පෑම් මුලිනුපුටා දැමීම පිළිබඳ 1981 ප්‍රකාශනය විශේෂයෙන් සඳහන් කොට තිබේ.  
ත්‍රස්තවාදය වැළක්වීමේ පනතට අලුතින් එකතු කරන්නට යන රෙගුලාසි යටතේ සැකපිට අත් අඩංගුවට ගනු ලබන අයකු, නඩු පැවරීමකින් තොරව ‘පුනරුත්ථාපනය’ නමින් හැඳින්වෙන ක්‍රියාවලියකට යොමු කිරීමට සලසා ඇති ප්‍රතිපාදන නීතියෙන් කටයුතු නොකොට පුද්ගල නිදහස අහිමි කිරීමට නිල වශයෙන්ම ඉඩ සලසන බවට විශේෂඥ මණ්ඩලය කනස්සල්ල පල කර තිබේ.
අතුරුදහන් කිරීමේ අවදානම
 110581955 019078452 1 නව රෙගුලාසි යොදාගෙන අත්අඩංගුවට ගන්නා සැකකරුවන් අතුරුදහන් වීමේ සහ වධබන්ධනයට ලක්වීමේ අවදානමටද මුහුණ පාන බවට එක්සත් ජාතීන්ගේ සංවිධානය බිය පල කරයි.
“පුද්ගලයන් පැය 24ක් දක්වා කාලයක් රඳවා තබාගැනීමට නීතිය ක්‍රියාවේ යෙදවීමට සම්බන්ධ නැති ආයතනවලට අවසර දෙන රෙගුලාසියේ 3 වැනි වගන්තිය බලහත්කාරයෙන් අතුරුදහන් කිරීම හා වධහිංසා පැමිණවීම, අමානුෂික සහ අවමාන සහගත සැලකීම පිලිබඳ අවදානම මතුකරයි,”  යනුවෙන් එක්සත් ජාතීන්ගේ විශේෂඥයෝ පවසති.
“ඊටත් අමතරව, නීතිමය ක්‍රියා පටිපාටියකින් තොරව ‘පුනරුත්ථාපනය’ නමින් හඳුන්වමින් පුද්ගලයන්ගේ නිදහස අහිමි කිරීම සඳහා නිල වශයෙන් ඉඩකඩ සැලසීම සඳහා රෙගුලාසිවල ප්‍රතිපාදන ගණනාවක්ම අඩංගු කර තිබීම අත්තනෝමතික ලෙස රඳවා තබා ගැනීමේ ගණයට ජාත්‍යන්තර නීතිය යටතේ වැටෙනු ඇති අතර එය විශේෂඥයන්ගේ මහත් කනස්සල්ලට හේතු වෙයි.”
ශ්‍රී ලංකාව විසින් ඉටු කිරීමට පොරොන්දු දී ඇති ජාත්‍යන්තර මානව හිමිකම් වලට අනුගත වන පරිදි මෙම රෙගුලාසි නැවත සලකා බලන හෝ මුළුමනින්ම අහෝසි කරන ලෙස හෝ විශේෂඥ මණ්ඩලය රජයෙන් ඉල්ලා සිටී.
යුද්ධාවසානයෙදී එල්ටීටීඊ සාමාජිකයන් ලෙස සැකකොට රඳවාගන්නා ලද පිරිස් පුනරුත්ථාපනය කිරීම හිතුමතේ සිරකොට තබාගෙන ලිංගික හිංසනය ඇතුළු වධහිංසා පමුණුවමින් දෙමළ ජනතාවට එරෙහිව දියත් කරන ලද මර්දනීය පියවරක් ලෙසින් මීට ඉහතදී එක්සත් ජාතීන්ගේ දෝෂ දර්ශනයට ලක්වී තිබේ.
නව ත්‍රස්ත මර්දන රෙගුලාසි ද “හිතුමතේ රඳවා ගනු ලැබිය හැකි පුද්ගලයන්ගේ – විශේෂයෙන්ම ආගමික හා වාර්ගික සුළුතරයන්ගේ- අයිතිවාසිකම් හා නිදහස අනතුරේ හෙලීමේ අවදානමක් මතු කරන අතර, පලදායී නිසි කාර්ය පටිපාටියකින් තොරව දේශපාලන විසම්මුතියට සීමා පැනවීමට ඉඩ සලසයි,” යනුවෙන් දැඩි ආගමික මතවාද දැරීමෙන් මුදවා ගැනීමේ නියෝග සම්බන්ධයෙන් එජා යි විශේෂඥ මණ්ඩලය අනතුරු අඟවයි.
ත්‍රස්තවාදය වැලැක්වීමේ නාමයෙන් ශ්‍රී ලංකාවේ මානව හිමිකම් තවදුරටත් ඛාදනය වීම වලක්වා ලනු පිණිස නව රෙගුලාසි අකුලා දැමීමේ අරමුණ ඇතිව එය දැඩි ලෙස පරීක්ෂාවට ලක් කරන ලෙස එක්සත් ජාතීන්ගේ සංවිධානය ජනාධිපතිවරයාට නිර්දේශ කර සිටී.
ඒ සමගම ත්‍රස්තවාදය වැළක්වීමේ පනත (PTA) අහෝසි කරන ලෙස නැවතත් ඉල්ලා සිටින එක්සත් ජාතීන්ගේ සංවිධානය, පනත ක්‍රියාවේ යෙදවීම වහාම අත්හිටුවන ලෙස ද යෝජනා කරයි.
තම ලිපියේ අවධානය යොමුවී ඇති මානව හිමිකම් උල්ලංඝනය වීම් සම්බන්ධයෙන් මතු කොට ඇති ප්‍රශ්න මාලාවට නිල වශයෙන් පිළිතුරු දෙන මෙන් ද එක්සත් ජාතීන්ගේ විශේෂඥ මණ්ඩලය ජනාධිපතිවරයාගෙන් ඉල්ලා තිබේ.
කල් පවතින සාමය සහ සංහිඳියාව සාක්ෂාත් කරගනු සඳහා වගවීම සහ මානව සංවර්ධනය සහතික කරගනු පිණිස එක්සත් ජාතීන් සමග හවුලේ වැඩ කිරීමට කැපවී ඉන්නා බව ජනාධිපති ගෝඨාභය රාජපක්ෂ පසුගිය දා නිවේදනය කර තිබුණි.
Michelle Bachelet
එක්සත් ජාතීන්ගේ මානව හිමිකම් ප්‍රධානී මිෂෙල් බැෂලේ
ත්‍රස්තවාදය මර්දනය සඳහා යැයි පවසා අලුතින් හඳුන්වා දෙනු ලබන නීති මුස්ලිම් සහ දෙමළ ජාතිකයන්ට එරෙහිව ශ්‍රී ලංකාවේ ආණ්ඩුව විසින් ගනු ලබන සංහිඳියාව අනතුරේ හෙලන පියවර ලෙසින් ජූනි මාසයේ පැවති මානව හිමිකම් මණ්ඩලයේ 47 වැනි සැසිවාරය හමුවේ එක්සත් ජාතීන්ගේ මානව හිමිකම් ප්‍රධානී මිෂෙල් බැෂලේගේ බලවත් දෝෂ දර්ශනයට ලක් විය.
48 වැනි ජගත් මානව හිමිකම් සමුළුව සැප්තැම්බර් 13 දා ආරම්භ වීමට නියමිතය.
මතබේදයට තුඩුදී තිබෙන නව රෙගුලාසිවල නෛතික භාවය අභියෝගයට ලක් කරමින් ගොනු කරන ලද පෙත්සම් කිහිපයක් සලකා බැලූ ශ්‍රේෂ්ඨාධිකරණයේ විනිසුරු තුන් කට්ටුවක් විසින් එම රෙගුලාසි ක්‍රියාවේ යෙදවීම තහනම් කිරීමේ නියෝගයක් අගෝස්තු 5 දා පනවන ලදී.
විකල්ප ප්‍රතිපත්ති කේන්ද්‍රයේ විධායක අධ්‍යක්ෂ ආචාර්ය පාක්‍යසෝති සරවනමුත්තු, මාධ්‍යවේදීන් හා මානව හිමිකම් ක්‍රියාකාරිකයන් වන රුවන් ලක්නාත් ජයකොඩි , කවින්ධ්‍ය ක්‍රිස්ටෝපර් තෝමස් සහ ශ්‍රීන් සරූර්  විසින්ගොනු කොට තිබූ පෙත්සම්වල වගඋත්තරකරුවන් ලෙස නීතිපතිවරයා, පොලිස්පතිවරයා, පුනරුත්ථාපන කොමසාරිස්වරයා සහ ආරක්ෂක අමාත්‍යාංශයේ ලේකම්වරයා නම් කර තිබිණි.
පෙත්සම් විභාගයට ගන්නේද යන තීන්දුව ශ්‍රේෂ්ඨාධිකරණය විසින් අගෝස්තු 24 දා ප්‍රකාශයට පත් කිරීමට නියමිතය.
The Leader  අඩවියෙනි.
ලිපිය ඉංග්‍රීසි බසින්: UNSPs on deregulation act

Archive

Latest news

ගෝටා- බැසිල්, සිය අගමැති වික්‍රමසිංහ පුකෙන් යවයි!

ජායාරූපය: සිරිසේන-රනිල් ආණෟඩුව විසින් රැපියල් මිලියන 200ක් වංචා කරන ලදැයි අත්අඩංඟුවට ගෙන නඩු පවරණ ලද  සහ තමා බැසිල් වෙනුවෙන් එල්ටීඊයට මුදල් ලබා දුන් බව...

වික්‍රමසිංහ රාජපක්ෂ පවුලට සහ පොහොට්ටුවට ඇති හොඳම විසඳුමයි – ජාතික ජන බලවේගය, රනිල්ට පිළිතුරු දෙයි.

කාටූනය: දාස හපුවලාන, ලංකාදීප. 2022 මැයි 16 වැනි දින ජාතිය අමතමින් අග්‍රාමාත්‍ය රනිල් වික්‍රමසිංහ මහතා ඉදිරි මාස කිහිපය තුළ රටට මුහුණදීමට සිදුවන ගැටලු කිහිපයක් ගෙනහැර...

දුර කතන උදුරා ගත් පාර්ලිම්න්තු චන්ඩි : කතානායකගේ අවනීතිය සහ ගෝටාගේ අගමැති!

ඡායාරූපය: බලහත්කාරයට ලක් කල මාධ්‍යවේදීන් දෙදෙනා ප්‍රගීත් සහ කසුන් (බීබීසී සිංහල) ගෝටා - රනිල් ආණ්ඩුවේ මංත්‍රීවරුන් තිදෙනෙකු විසින් පාර්ලිමේන්තු වාර්තාකරුවන් දෙදෙනෙකුගේ දුරකතන උදුරා ගැනීම සම්බන්ධයෙන්...

ගෝටාගේ අගමැති වික්‍රමසිංහ ජාත්‍යන්තරයට කී -රාජපක්ෂලාට දඩුවම් නැති ගෝටා ඉවත් නෙකරන –  අපූරු කතා

ගෝඨාභය රාජපක්ෂ විස්න් පත් කරන ලද අගමැත වන රනිල් වික්‍රමසිංහ ඊයේ  බ්‍රිතාන්‍යයේ  මුල්පෙල රූපවාහිනි නාලිකාවක් සමඟ සාකච්ඡාවකට සහභාගි විය. එම වීඩියෝව මෙම ලිපිය අවසානයේ...

Related news

ගෝටා- බැසිල්, සිය අගමැති වික්‍රමසිංහ පුකෙන් යවයි!

ජායාරූපය: සිරිසේන-රනිල් ආණෟඩුව විසින් රැපියල් මිලියන 200ක් වංචා කරන ලදැයි අත්අඩංඟුවට ගෙන නඩු පවරණ ලද  සහ තමා බැසිල් වෙනුවෙන් එල්ටීඊයට මුදල් ලබා දුන් බව...

වික්‍රමසිංහ රාජපක්ෂ පවුලට සහ පොහොට්ටුවට ඇති හොඳම විසඳුමයි – ජාතික ජන බලවේගය, රනිල්ට පිළිතුරු දෙයි.

කාටූනය: දාස හපුවලාන, ලංකාදීප. 2022 මැයි 16 වැනි දින ජාතිය අමතමින් අග්‍රාමාත්‍ය රනිල් වික්‍රමසිංහ මහතා ඉදිරි මාස කිහිපය තුළ රටට මුහුණදීමට සිදුවන ගැටලු කිහිපයක් ගෙනහැර...

දුර කතන උදුරා ගත් පාර්ලිම්න්තු චන්ඩි : කතානායකගේ අවනීතිය සහ ගෝටාගේ අගමැති!

ඡායාරූපය: බලහත්කාරයට ලක් කල මාධ්‍යවේදීන් දෙදෙනා ප්‍රගීත් සහ කසුන් (බීබීසී සිංහල) ගෝටා - රනිල් ආණ්ඩුවේ මංත්‍රීවරුන් තිදෙනෙකු විසින් පාර්ලිමේන්තු වාර්තාකරුවන් දෙදෙනෙකුගේ දුරකතන උදුරා ගැනීම සම්බන්ධයෙන්...

ගෝටාගේ අගමැති වික්‍රමසිංහ ජාත්‍යන්තරයට කී -රාජපක්ෂලාට දඩුවම් නැති ගෝටා ඉවත් නෙකරන –  අපූරු කතා

ගෝඨාභය රාජපක්ෂ විස්න් පත් කරන ලද අගමැත වන රනිල් වික්‍රමසිංහ ඊයේ  බ්‍රිතාන්‍යයේ  මුල්පෙල රූපවාහිනි නාලිකාවක් සමඟ සාකච්ඡාවකට සහභාගි විය. එම වීඩියෝව මෙම ලිපිය අවසානයේ...