රට මුහුණ දී සිටින විපත මැද ජීවන් තොන්ඩමන් කොළඹ මහ හෝටලයක මහ මගුළක් ගනී!
චෙන්නායි හි පැවති සුඛෝපභෝගී විවාහ මංගල්‍යයකින් පසු මේ සතියේ දිවයිනට පැමිණි විපක්ෂ පාර්ලිමේන්තු මන්ත්‍රී සහ ලංකා කම්කරු කොංග්‍රසයේ (CWC) මහලේකම් ජීවන් තොණ්ඩමන්, දිට්වා සුළි කුණාටුවෙන් රටම දැවැන්ත විනාශයකට මුහුණ දෙන අතරතුර ඊයේ සවස කොළඹදී විවාහ මංගල්‍යයෙන් පසු උත්කර්ෂවත් උත්සවයක් පැවැත්වීය.
උඩරට ඔහුගේම මැතිවරණ කොට්ඨාශය අධික වර්ෂාවෙන් සහ තද සුළංවලින් දැඩි ලෙස පීඩාවට පත් විය. රට පුරා මිලියන සංඛ්‍යාත ජනතාවක් පීඩාවට පත් විය. ඒ් අතර වාරයේ තොණ්ඩමන් කොළඹ සුඛෝපභෝගී හෝටලයක මහා සැමරුමක් පැවැත්වීය, එයට හිටපු ජනාධිපතිවරයකු වන රනිල් වික්‍රමසිංහ සහ දේශපාලනික වශයෙන් ධනවත් පුද්ගලයින් කිහිප දෙනෙකු සහභාගී වී තිබේ.
මේ මඟුළ ගෙන ඇත්පුතේ අවම වශයෙන් පුද්ගලයින් 123 දෙනෙකු මිය ගොස් ඒ හා සමාන පිරිසක් සොයා ගැනීමට නැති සහ රටේ ප්‍රදේශ කිහිපයක් තවමත් විනාශකාරී ගංවතුර හා නායයෑම් සමඟ පොරබදමින් සිටින අවස්ථාවකය.
ජනාධිපතිවරයා විසින්ම හදිසි තත්වයක් ප්‍රකාශයට පත් කිරීමට සිදු වූ දරුණු විනාශයක් මධ්‍යයේ සිය ජනයා ද විපතට පත්ව සිටියදී ජනතාවට උපකාර කිරීම වෙනුවට මහා උත්සවයක් පැවැත්වීමට තොණ්ඩමන් තීරණය කිරීමෙන් පෙනී යන්නේ ඔහු තුළ කිසිදු සහකම්පනයක් නැති බවය. තොන්ඩමන් පරම්පරාව මහා ධනපතියන් වූයේ වතු කම්කරු ජනයාගේ දහඩිය සහ ශමය නිසාය.
