හිටපු ජනාධිපති මහින්ද රාජපක්ෂගේ හිටපු පෞද්ගලික ලේකම්වරයෙකු වන උදිත ලොකුබණ්ඩාරට සම්බන්ධ බව කියන බලපත්‍ර රහිත ගිනි අවියක් පොලිසිය විසින් අත්අඩංගුවට ගෙන තිබේ. මෑතකදී නුගේගොඩ පැවති විපක්ෂ විරෝධතා රැලියක් අතරතුර වේදිකාවේ අත්බෑගයක මෙම අවිය සඟවා තිබූ ජායාරූප මගින් පැහැදිළි වේ. ඔහු එම රැළියෙහි නාමල් රාජපක්ෂගේ අංගාරක්ෂකයකු ලෙස ඔහු අසලින්ම සිටියේය.
දි අයිලන්ඩ් පුවත්පත වාර්තා කරන්නේ හිටපු පාර්ලිමේන්තු මන්ත්‍රී සහ හිටපු ජනාධිපති මහින්ද රාජපක්ෂගේ පෞද්ගලික ලේකම් උදිත ලොකුබණ්ඩාර අඟහරුවාදා (25) නුගේගොඩ කොට්ඨාශ අපරාධ විමර්ශන ඒකකය විසින් අත්අඩංගුවට ගන්නා ලදී.
දිවයින පුවත්පතට අනුව, නුගේගොඩ කොට්ඨාශ අපරාධ විමර්ශන ඒකකය අඟහරුවාදා (25) මෙම අත්අඩංගුවට ගැනීම සිදු කළේය. මහජන රැස්වීමකදී පිස්තෝලයක් සඟවා තැබූ බවට එල්ල වන චෝදනා මත ලොකුබණ්ඩාරගෙන් මෙම සතිය මුලදී ප්‍රශ්න කරන ලදී. කොම්පඥඥවීිදියේ පිහිටි ඔහුගේ නිවසින් ගිනි අවිය සොයා ගත් බවත්, ඒ වන විට වලංගු බලපත්‍රයක් නොතිබූ බවත් පොලිසිය තහවුරු කර තිබේ.
බලධාරීන් සඳහන් කළේ බලපත්‍රලාභී ගිනි අවි භාර දිය යුතු බවට වූ නියෝගයක් යටතේ ලොකුබණ්ඩාර සතුව ලියාපදිංචි පිස්තෝලයක් සහ රිවෝල්වරයක් තිබූ බවත්, දෙකම ආරක්ෂක අමාත්‍යාංශයට භාර දුන් බවත්ය.
මාසයකට පමණ පෙර, මෙම ආයුධවලින් එකක් බලපත්‍රය අලුත් කිරීම සඳහා උපදෙස් සහිතව ඔහුට ආපසු ලබා දෙන ලදී. කෙසේ වෙතත්, නුගේගොඩ රැලියට සහභාගී වීමට පෙර වාර්ෂික බලපත්‍රය ලබා ගැනීමට ඔහු අපොහොසත් වූ බව විමර්ශකයින් පවසයි.
විරෝධතාවය අතරතුර නාමල් රාජපක්ෂ මන්ත්‍රීවරයා අසල ලොකුබණ්ඩාර සිටින ඡායාරූප අන්තර්ජාලයේ සංසරණය වෙමින් පවතින අතර, ඔහු තම ගමන් මල්ලේ පිස්තෝලයක් සඟවාගෙන සිටිනු දක්නට ලැබේ. මෙම වාර්තාවලින් පසුව, අපරාධ විමර්ශන ඒකකය ප්‍රශ්න කිරීම සඳහා ලොකුබණ්ඩාර කැඳවා පසුව අවිය අත්අඩංගුවට ගෙන ඇත. ඔහු සිය ගිනි අවියේ කොකා මත ඇඟිල්ල තබා ගෙන සිටිනු ඉති පැහැදිළිව පෙනේ. එම ඡාායරූපය කවරක් විසින් ගන්නා ලද්දේද යන්න සඳහන් නොවේ.
පොලිසිය විධිමත් පරීක්ෂණයක් ආරම්භ කර ඇති අතර එහි නිගමනයෙන් පසු නීතිමය පියවර ගන්නා බව ප්‍රකාශ කර ඇත.
බටහිර දකුණු පළාත් නියෝජ්‍ය පොලිස්පති සමන්ත් විජේසේකර සහ ජ්‍යෙෂ්ඨ පොලිස් අධිකාරී මංගල දෙහිදෙනිය යන මහත්වරුන්ගේ අධීක්ෂණය යටතේ විමර්ශනය සිදු කෙරේ. පරීක්ෂණය අවසන් වූ පසු ලොකුබණ්ඩාරට එරෙහිව නීතිමය පියවර ගන්නා බව ජ්‍යෙෂ්ඨ පොලිස් නිලධාරියෙක් පවසා තිබේ.
