සීමාසහිත W. M. Mendis සහ Co. Limited ඇතුළු ප්‍රමුඛ පෙළේ මත්පැන් නිෂ්පාදකයින් 5 දෙනෙකුට නොවැම්බර් 30 වනදා වන විට රුපියල් බිලියන 8.5 ක හිඟ බදු නොගෙවන්නේ නම්, ඔවුන්ගේ මත්පැන් නිෂ්පාදන බලපත්‍රය අහිමි වීමේ අවදානමකට මුහුණ දීමට සිදුවනු ඇති බව වාර්තා වේ.
මහා භාණ්ඩාගාරයේ උපදෙස් අනුව රට තුළ ඇති මහා පරිමාණ මත්පැන් නිෂ්පාදන කම්හල් පහක හිඟ බදු මාසය අවසන් වන විට ගෙවන ලෙස මතක් කරමින් සුරාබදු දෙපාර්තමේන්තුව නොවැම්බර් මස මුලදී නව අනතුරු ඇඟවීමක් නිකුත් කළේය.
කළුතර සිනර්ජි ඩිස්ටිලරීස්, කුරුණෑගල වයඹ ඩිස්ටිලරීස්, ෆින්ලන්ඩ් ඩිස්ටිලරීස්, හිඟුරාන ඩිස්ටිලරීස් (පෞද්ගලික) සහ සීමාසහිත ඩබ්ලිව්.එම්. මෙන්ඩිස් සහ සමාගම, රන්දෙණිගල ඩිස්ටිලරීස් ලංකා (පෞද්ගලික) ලිමිටඩ් යන සමාගම්වලට වසර දෙකක කාලයක් තුළ රජයට බදු ගෙවීම පැහැර හැර තිබේ.
කුරුණෑගල වයඹ ඩිස්ටිලරීස් අයත් වන්නේ පොහොට්ටු ප්‍රබලයකු වන ජොන්ස්ටන් ප්‍රනාන්දුටය. මහින්ද රාජපක්ෂ යටතේ ළුයාජ මතට තිත ව්‍යාපාරය දියත් කළ කාලයට පෙර සිටම පොන්ස්ටන් ප්‍රධාන පෙළේ අරක්කු නිශ්පාදකයකු විය.
නිෂ්පාදකයින් හය දෙනාගෙන් රන්දෙණිගල ඩිස්ටිලරීස් ලංකා (පෞද්ගලික) සමාගම විසින් සුරාබදු දෙපාර්තමේන්තුවට ගෙවිය යුතු මුදල් පසුගියදා ගෙවා ඇති අතර ඉතිරි නිෂ්පාදකයින් පස්දෙනාට එම මුදල් ගෙවන ලෙස බලධාරීන් විසින් නැවත දැනුම් දී තිබුණි.
සුරාබදු දෙපාර්තමේන්තුවේ ජ්‍යෙෂ්ඨ නිලධාරියෙක් පවසන්නේ රුපියල් බිලියන 8.5ක සමස්ත හිඟ මුදල්වලින් ඩබ්ලිව්.එම්.මෙන්ඩිස් සහ සමාගම විසින් මහා භාණ්ඩාගාරයට ගෙවිය යුතු විශාලතම රුපියල් බිලියන 5.5ක ණය මුදල බවයි.
මාසය අවසන් වන විට එම සමාගම් හිඟ මුදල් ගෙවීමට අපොහොසත් වුවහොත් එම සමාගම්වල මත්පැන් නිෂ්පාදනය කිරීමේ බලපත්‍රය අත්හිටුවන බවත්, පසුව ඔවුන්ට එරෙහිව නීතිමය පියවර ගන්නා බවත් එම දන්වා තිබේ.
