Wednesday, February 21, 2024

SLOTS ජනමත සමික්ෂනය: ජනාධිපතිවරණ සටනේ අනුර කුමාර දිගටම ඉදිරියෙන්

සියයට සියයක්ම නිවරදි   විය නොහැකි නමුත් මේ රෑප සටහන පෙන්වන්නේ මෙරට දේශපාලන දිශානතියයි.

සෞඛ්‍ය ප්‍රතිපත්ති ආයතනයේ  ශ්‍රී ලංකා මත විමසුම් සමීක්ෂණ (SLOTS) ඇස්තමේන්තු අනුව 2023 ඔක්තෝම්බර් මාසයේදී ජනාධිපතිවරණ ජන්දදායක කැමැත්ත පෙන්නුම් කරන්නේ NPP/JVP නායක  අනුර කුමාර දිසානායකට ඡන්ද දායකයින්ගෙන් අඩකට වඩා (51%) ද SJB නායක සජිත් ප්‍රේමදාසට (30%) ක්ද සහ ජනාධිපති රනිල් වික්‍රමසිංහට 13%ක් ඇති බවයි.

පසුගිය මාස හතර තුල අනෙක් පක්ෂ/ අපේක්ෂකයින්ට ඇති කැමැත්ත අඩුවූ අතර ජාතික ජනබලවේගයට ඇති කැමැත්ත ඉහළ ගොස් තිබේ.

පොදු ජන පෙරමුණ එක දිගටම සියයට 6ක මට්ටමේ රැදී සිටින බවද සමික්ෂන  වාර්තා පෙන්වයි.

ශ්‍රී ලංකා   විමසුම් සමීක්ෂණ ව්‍යාපෘති අධ්‍යක්ෂ වෛද්‍ය රන්නන්-එලිය පවසන්නේ “ අපගේ  ඇස්තමේන්තු බොහෝ අවිනිශ්චිතතාවයන්ට යටත් වුවද, ඒකාබද්ධ SJB-UNP එරෙහිව වුවද ඔක්තෝම්බර් මාසයේදී ජනාධිපතිවරණයක් පැවැත් වී නම් අනුර කුමාර ජයග්‍රහණය කිරීමට ඉඩ තිබූ බව පෙනෙන බවයි.

මෙය NPP/JVP ප්‍රතිපත්ති වලට සහාය දැක්වීමට වඩා බොහෝ ඡන්දදායකයින් සුපුරුදු පරිදි දේශපාලන සංස්ථාපිතය සහ ව්‍යාපාරය ප්‍රතික්ෂේප කරන බව සිය අදහස බව ඔහු දක්වයි. ජාතික ජන බලවේගය සමඟ තරඟ කරන අනෙක් සම්ප්‍රදායික පක්ෂ සමහර විට බරපතල ආත්ම ගවේශණයක් කල යුතුව ඇතැයි ද ඔහු පවසයි.

ශ්‍රී ලංකා   විමසුම් සමීක්ෂණ ව්‍යාපෘති  සටහන:

2023 ඔක්තෝබර් MRP ඇස්තමේන්තු පදනම් වී ඇත්තේ 2023 ඔක්තෝම්බර් මාසයේදී පවත්වන ලද සම්මුඛ පරීක්ෂණ 567 ක් සහ 2021 ඔක්තෝබර් 1 සිට 12 නොවැම්බර් 2023 දක්වා සිදු කරන ලද සම්මුඛ පරීක්ෂණ 13,935 ක් මත වන අතර, අනුර කුමාර දිසානායක, සජිත් ප්‍රේමදාස, රනිල් වික්‍රමසිංහ සහ අනෙක් අපේක්ෂකයා සඳහා 3-4% ක දෝෂයක් තක්සේරු කර ඇත. 

වයස, ස්ත්‍රී පුරුෂ භාවය, ජනවාර්ගිකත්වය, සමාජ ආර්ථික තත්ත්වය, අධ්‍යාපනය, භූගෝලීය පිහිටීම සහ 2019 ජනාධිපතිවරණයේ සහ 2020 මහ මැතිවරණයේ ඡන්දය ප්‍රකාශ කිරීම සම්බන්ධයෙන් නියැදිය ජාතික ජනගහනයට ගැළපෙන බව සහතික කිරීමට සියලු ඇස්තමේන්තු සකස් කර ඇත.

Archive

Latest news

Related news