ජාතික ජන බලවේගය, සමගි ජන බලවේගය පරදවන බව ජනමත සමීක්ෂණයක් කියයි!

ජාතික ජන බලවේගයේ 2023 ස්ත්‍රී දින විරෝධතාවය.

ශ්‍රී ලංකා මත විමසුම් සමීක්ෂණ (SLOTS) ආයතනයේ නවතම වාර්තාව අනුව ජාතික ජන බලවේගය, සමගි ජන බලවේගය පරදා ඉදිරියට යමින් තිබේ.

මෙම මත විමසුම පවත්වන ලද්දේ මහ මැතිවරණ ඡන්ද අභිප්‍රාය සළකා බලමිනි.

2023 පෙබරවාරියේ කරන ලද  නවතම ශ්‍රී ලංකා මත විමසුම් සමීක්ෂණ (SLOTS) මත විමසීමෙන් පෙන්නුම් කරන්නේ ජාතික වශයෙන් ඡන්දදායකයින් NPP/JVP සහ SJB වටාත්, උතුරු පළාතේ ITAK සහ SJB වටාත් රොක්වන අතර SLPP, SLFP සහ UNP සඳහා වන සහයෝගය පහත වැටීමක් පෙන්නුම් කරන බවයි.

2023 පෙබරවාරි මස පවත්වන ලද සම්මුඛ පරීක්ෂණ 421 ක් සහ 2021 අගෝස්තු 31 සිට 12 මාර්තු 2023 දක්වා සිදු කරන ලද සම්මුඛ පරීක්ෂණ 10,050 මත පදනම් වූ ඇස්තමේන්තු. ඇස්තමේන්තු MRP ආකෘතියකින් ලබාගෙන ඇති අතර දෝෂ ආන්තිකය 2-5% ලෙස තක්සේරුකර තිබේ.

සමස්තයක් ලෙස ගත් කල, පෙබරවාරි මාසයේදී NPP/JVP සහයෝගය ඉහළ ගොස් ඇති අතර, එය සමගි ජන බලවේගය සඳහා ඇති 30% ක කැමැත්ත සමඟ සසඳන විට, මහ මැතිවරණයක්දී ඡන්ද දායකයින්ගෙන් 43%ක් ජාතික ජන බලවේගයට පැහැදිලි වාසියක් ලබා දෙයි. SLPP, UNP සහ ITAK බොහෝ දුරට පිටුපසින් සිටී.   එම පක්ෂ 4% මට්ටමේ සිටින අතර, ශ්‍රීලනිප සහය 2% ලෙස පැවතුනි.

ඡන්ද දායකයින්ගේ උද්යෝගයේ හිඩැසක් නොතිබුනේ නම්, ඔවුන් ඡන්දය දීමට ඇති ඉඩ අඩු බව නොපැවසුවේ නම් පෙබරවාරියේ NPP/JVP වැඩි ප්‍රතිශතය මීට වඩා ඉහළ යා හැකිව තිබූ බව එම වාර්තාව ප්‍රකාශ කරයි.

NPP/JVP  ඉදිරියට පැමිණ ඇත්තේ, එය SJB සමඟ කරට කර දිව ගිය මාස තුනකට පසුවය. ඊට ප්‍රතිවිරුද්ධව, පෙබරවාරි මාසයේදී SJB සඳහා සහයෝගයේ වැඩි වීමක් සිදු නොවීය. IHP හි නවතම MRP විශ්ලේෂණයෙන් පෙනී යන්නේ 2022 පෙබරවාරි මාසයේ සිට SLPP සහය අවසන් වරට ඉහළ ගිය මාස 12 තුළ NPP/JVP ලකුණු 30ක් සහ SJB ලකුණු 11ක් ලබාගෙන ඇති බවයි. මේ අතර, ශ්‍රී ලංකා පොදුජන පෙරමුණට සහ ශ්‍රීලනිපයට පිළිවෙළින් ලකුණු 28ක් සහ ශ්‍රීලනිප 15ක් අහිමි වී ඇති අතර, එජාපයේ සහයෝගය උච්චාවචනය වී ඇති නමුත් අවසන් වන්නේ ලකුණු දෙකකින් පමණි.

මෙම මාස දොළහ තුළ, NPP/JVP සඳහා වූ සහය උච්චාවචනය වූයේ, 2022 අප්‍රේල් සහ ජූලි මාසයේදීය. පසුව  පහත ගිය නමුත්ම  දිගු කාලීනව එහි සහයෝගය ක්‍රමානුකූලව ඉහළ ගොස් ඇත. ඊට වෙනස්ව, SJB සඳහා සහය වැඩිවීම මන්දගාමී නමුත් වඩා ස්ථාවරය.

NPP/JVP සඳහා වන සහයෝගයේ උච්චාවචනයන් පෙන්නුම් කරන්නේ පාවෙන ඡන්දදායකයින්ගේ අනුප්‍රාප්තික පෙරළියෙන් එය අනුක්‍රමිකව ප්‍රතිලාභ ලබා ඇති බවයි. 2022 පෙබරවාරි-අප්‍රේල් කාලය තුළ එය ශ්‍රී ලංකා පොදුජන පෙරමුණ සහ ශ්‍රීලනිප අත්හල ජන්දදායකයින්ගේ සහාය ලබා ගත්තේය. පසුව 2022 මැයි-ජූලි කාලය තුළ ශ්‍රී ලංකා පොදුජන පෙරමුණ අතහැර දැමූ වැඩි ඡන්ද දායකයින් ප්‍රමාණයක ප්‍රතිලාභ ලැබීය.  ඉතා මෑතක දී 2022 ඔක්තෝම්බර් මාසයේ සිට එය ශ්‍රී ලංකා පොදුජන පෙරමුණට සහ එජාපයට සහය අඩු වීමෙන් වාසි ලබාගෙන ඇත.

උතුරු පළාතේ, ITAK ක්‍රමයෙන්  වැඩි සහයෝගක් ලබාගෙන ඇති අතර, SJB සහ JVP ද එම පලාතේ ජයග්‍රහණ අත්කර ගනී. අනෙකුත් පළාත්වල NPP/JVP සහ SJB බහුතර බලය ලබා ගනී.

2022 නොවැම්බර්-පෙබරවාරි කාලය තුළ පවත්වන ලද සම්මුඛ පරීක්ෂණ 2,332 මත පදනම්ව. 2023. ඇස්තමේන්තු MRP ආකෘතියකින් ව්‍යුත්පන්න කර ඇත. දෝෂයේ මායිම් (MOE) එක් එක් පළාත සඳහා වෙන වෙනම දක්වා ඇත.

පසුගිය මාස තුනේ සමස්ත ප්‍රවණතාවලින් පෙනී යන්නේ, ඡන්දදායකයින්ගේ මනාපයන් අස්ථාවර  වූ  සහ ඡන්දදායකයින් ජාතික පක්ෂ පහකට බෙදී ගිය ගෝඨාභය රාජපක්ෂ ජනාධිපති ධුරයේ බිඳවැටීමේ ආසන්නයේ සිට ඡන්දදායකයන් ඉදිරියට යමින් සිටින බවයි. NPP/JVP සහ SJB දැන් බොහෝ ඡන්දදායකයින්ගේ මූලික තේරීම් ලෙස මතු වී ඇති බව පෙනේ. ඔවුන්ට සහ ඉලංකෙයි තමිල් අරසු කච්චි ITAK වෙත ඡන්දදායකයින් දහයෙන් අට දෙනෙකුගේ පමණ සහයෝගය ලැබේ. අනෙකුත් ප්‍රමුඛ ජාතික පක්ෂ තුන – ශ්‍රී ලංකා පොදුජන පෙරමුණ, ශ්‍රීලනිප සහ එජාපය – තවමත් මහ මැතිවරණයකදී ආසන කිහිපයක් දිනා ගැනීමට ඉඩ ඇති නමුත් එම පක්ෂ තුනම දිස්ත්‍රික්ක ගණනාවක ආසනයක් හෝ දිනා ගැනීමට අපොහොසත් වනු ඇත.

( ජනමත විමසුම්  සියයට සියක්ම නිවැරදි නොවන අතර ඒවායෙහි අඩු ලුහුඩුකම් තිබිය හැක)/

සම්පූර්ණ වාර්තාව ඉංග්‍රිසියෙනි.

Full report here https://ihp.lk/publications/docs/SLOTSReport202306.pdf