පොළොන්නරුව දිස්ත්‍රික්කයට මායිම්ව පිහිටි මඩකලපුවේ ගම්මානයක් වන ඕතුචේනයි ප්‍රදේශයේ දෙමළ ජනතාව පසුගිය සඳුදා පොළොන්නරුව සහ කොළඹ අතර අධිවේගී මාර්ගය අවහිර කරමින් තම ප්‍රදේශයේ සිදුවෙමින් පවතින වැලි ගොඩදැමීමට එරෙහිව විරෝධය පළ කළහ.
වඩමුනෙයි ගම්මානයට නුදුරින් පිහිටි ඕතුචේන ප්‍රදේශය ද දුර්වල මාර්ග පද්ධතියකින් පීඩා විඳිමින් සිටින අතර විරෝධතාකරුවන් ඉල්ලා සිටියේ තම ගම්මානය සහ වැලිකද අතර මාර්ගය ප්‍රතිසංස්කරණය කරන ලෙසයි.
ඕතුචේනයි සහ වඩමුනෙයි අවට ප්‍රදේශයේ පවුල් 800ක් පමණ වාසය කරන අතර ඒ ආසන්න ගංගා ද්‍රෝණියක් වන මාදුරු ඔයේ වැලි ගොඩදැමීමට ශ්‍රී ලංකා රජය අවසර දී ඇත.
ප්‍රදේශවාසීන් තර්ක කරන්නේ, අවසර ලත් සහ නීත්‍යානුකූල ප්‍රමාණය ඉක්මවා යන අතර බර වාහන පනහකට වඩා වැඩි ප්‍රමාණයක් තම ගම්මාන අසල, විශේෂයෙන් ඕතුචේනයි සහ වැලිකන්ද අතර ප්‍රධාන මාර්ග හරහා ගමන් කරන අතර, මාර්ගවලට විශාල හානියක් සිදු කර ඒවා භාවිතයට නුසුදුසු තත්ත්වයට පත් කරන බවයි.
මාස ගණනාවක් තිස්සේ අදාළ බලධාරීන්ට කළ පැමිණිලිවලින් ප්‍රතිඵලයක් නොලැබීම හේතුවෙන් ප්‍රදේශවාසීන් මාර්ගය අවහිර කරමින් විරෝධතාවයේ නිරත වීමට තීරණය කර තිබේ.
අලි ඇතුන්ගේ වාසභූමියට බාධා කරමින් පරිසරයට ද හානි සිදු කරන අවිචාරවත් වැලි ගොඩදැමීමට එරෙහිව විරෝධතාවයට සිය ගණනක් ජනතාව සහභාගි වූහ.
වැලිකන්ද පොලිසිය එම ස්ථානයට පැමිණ ප්‍රදේශයේ හානියට පත් මාර්ග ප්‍රතිසංස්කරණය කරන බවට ගම්වාසීන්ට සහතික වීමත් සමඟ විරෝධතාව අවසන් විය. තම ප්‍රදේශයේ වැලි ගොඩදැමීම පාලනයකින් තොරව අඛණ්ඩව සිදු වුවහොත් තම විරෝධතාව යළි අඛණ්ඩව ක්‍රියාත්මක කරන බවද විරෝධතාකරුවෝ ප්‍රකාශ කළහ.
(ටැමිල් ගාර්ඩියන් පුවතක සිංහල පරිවර්ථනයකි)