තරිඳු ජයවර්ධන.
තමා නාවික හමුදාවේ නිලධාරී නිවස්නයේ භෝජනාගාරයේ සිටිය දී ආරක්ෂක මාණ්ඩලික ප්‍රධානී අද්මිරාල් රවීන්ද්‍ර විජේගුණරත්න මහතා සමඟ පැමිණි පිරිසක් මෙලෙස තර්ජනය කළ බවට එම නිලධාරියා කොටුව පොලිසියට කළ පැමිණිල්ලේ සඳහන් වන බව පොලිස් මාධ්‍ය ප්‍රකාශක පොලිස් අධිකාරී නීතීඥ රුවන් ගුණසේකර මහතා පැවසීය.
ආරක්ෂක මාණ්ඩලික ප්‍රධානී සමඟ පැමිණි පිරිස තමා අල්ලා ගැනීමට උත්සාහ කරද්දී තමා පැණ ගිය බව ද එම නිලධාරියා පොලිසියට කළ පැමිණිල්ලේ සඳහන් වෙතැයි පොලිස් ආරංචි මාර්ග කියයි.
අද (25) දහවල් 2ට පමණ මෙම සිද්ධිය වී ඇතැයි ද පොලිසිය සඳහන් කරයි.
ඔහුට පහර දීමක් සිදුවී ඇති බවට ද නාවික හමුදාවේ ආරංචි මාර්ග ප්‍රකාශ කරයි. කෙසේ වෙතත් පොලිසිය කියනුයේ ඔහුට තර්ජනය කිරීමක් පමණක් සිදුව ඇති බවයි.