ආණ්ඩුවේ ජනමාධ්‍ය ඇමති නලින්ද ජයතිස්සගේ ප්‍රධානත්වයෙන් පසුගියදා පැවැති ජනමාධ්‍ය සාකච්ඡාවේදී මාධ්‍යවේදීන් බොහොමයක් ප්‍රශ්ණ කෙරුවේ ඉන්ටඩික් පොලිස්පති ගේ අතුරුදන් වීම ගැනය.
ජනමාධ්‍ය ඇමති බොහෝ අවස්ථාවල මාධ්‍යවේදීන්ගේ ප්‍රශ්ණ වලට පිළිතුරු සපයන්නේ සෝපාහාසාත්මක සිනාවක් මුවඟ රඳවා ගනිමිනි.ඇතැම් අවස්ථාවල හරිම උද්ච්ච විදියටය.රජයේ මාධ්‍ය සාකච්ඡාවට නිරන්තරයෙන් සහභාගිවන ඔහු ගේ ශරීර භාෂාවෙන් අනාවරණය කෙරෙන්නේ අපේ ආණ්ඩුව වට්ටන්නට උඹලාට නොහැකි යැයි පැවසෙන හැඩයේ චණ්ඩි ස්වරූපයකි.
මෙදා පැවැති මාධ්‍ය සාකච්ඡාවේදී මාධ්‍යවේදීන් දෙතුන් දෙනෙකු අතුරුදන් වී සිටින ඉන්ටඩික් පොලිස්පති ගේ ප්‍රශ්ණයට හිටපු අමාත්‍ය ටිරාන්ගේ අලස් ගේ නමද ඈඳා ගනිමින් ජනමාධ්‍ය ඇමතිවරයාගෙන් ප්‍රශ්ණ අසන්නට පටන් ගත් විට ඔහු මෙතෙක් වේලාවක් පිළිතුරු දෙමින් සිටි සැහැල්ලු හා බරසාර ස්වරූපය සම්පූර්ණයෙන්ම වෙනසකට බඳුන් වූ බව පැහැදිලිව දකින්නට ලැබුණි.
ඇමති නලින්ද ගේ මුහුණ කළු විය.ඇස් ලොකු විය.සිනාව අතුරුදන් විය.එසේම ඔහු ඒ ප්‍රශ්ණ වලට පිළිතුරු සැපයීමේදී ටිරාන් අලස් ගේ නම නිකමට හෝ පැවසුුවේද නැත.
ටිරාන් අලස් ගේ නම පවා සදහන් කරන්නට ජාජබයේ ඇත්තන් කැමති නැත.ඒ ජාජබය පණට පණසේ ආදරය කරන සහෝදර ටිරාන් ගේ නම කැත වෙනවාට බියෙන් හා සැකයෙන් වෙන්නට පුළුවන.
ඒ අකමැත්ත ගැන හරියටම උදාහරණයකට ගත හැක්කේ වැස්සක් කඩා වැටෙන්නට පෙර පොළොවෙන් මතුවන මෙරුන් යන නමින් හැඳින්වෙන සත්ව විශේෂයයි. මේ මෙරුන් ගෙට එන ඒමේදී ගැමියන් මෙරුවන්ගේ නමින් මේ සත්වයා හැඳින්වීමට බිය වේ. එසේ කියනු එම සතුන්ට ඇසුනහොත් උන් වැඩි වැඩියෙන් එතියි විශ්වාසයක් ගැමියන් අතර පවතී. ඒ නිසාම ගැමියන් උන් හඳුන්වන්නේ ආවෝ ගියෝ කීමෙනි.
මාධ්‍ය සාකච්චාවෙහි නිල වීඩියෝව. ( එහි දුර්වල බොඳ වූ රෑපරාමු මාධ්‍ය උපදේශකයින්ට පෙනේවා)