බේබිලාට දුන් බව කී පසු “ කොළඹට ගෙනා ටT 56 ගිනි අවි 76ක පරීක්ෂණය නතර කළේ ජෙනරාල් කමල් ගුණරත්න කී නිසා”
ඡායාරූපය: මෙම ගිනි අවි පිළිබඳ රහස දැනසිටි කොස්ගොඩ තාරක අනීතිව ඝාතනය කරන ලද්දේ ඔහුගේ මව නීතිඥයකු හරහා කරන ලද ඉල්ලීම නොසළකාය.
( Sri Lanka brief/07.12.2024) ඊයේ එනම් 16දා පැවති උසස් පොලිස් නිලධාරි සමාලෝචන රැස්වීමේ දී කොස්ගොඩ තාරකට සම්බන්ධ යැයි සොයා ගත් ස්වයංක්‍රීය ගිනි අවි ඇතුලු ටී-56 76ක් පිළිබඳ පරීක්ෂණය තමා නතර කළේ එවකට ආරක්ෂක ලේකම් වූ කමල් ගුණරත්නගේ නියෝගයක් පිට බවයි. එසේ කීවේ දැන් උතුරු කොලඹ බාර නියෝජ්‍ය පොලිස්පති වන රොහාන් ප්‍රේමරත්නය.
මෙම ප්‍රගති සමාලෝචන රැස්වීම පවත් වන ලද්දේ පොලිස්පතිවරයාගේ මූලිකත්වයෙනි. මෙම සිදුවීම වන විට අපරධ පරීක්ෂණ දෙපාර්තමේන්තුවෙහි ප්‍රධානියා වූයේ එවකට පොලිස් අධිකාරී වරයකු වූ රොහාන් ප්‍රේමරත්නය. පොලිසිය විසින් කරන ලද වංචා දූෂණ පරීක්ෂණයක් මගින් වරදකරු වී තිබියදීත් ඔහු එම තනතුරට පත් කරන ලද්දේ ජනාධිපති වූ ගෝඨාභය රාජපක්ෂ යටතේය.
2020 ජූනි 29 දින හෝමාගම පිටිපන ප්‍රදේශයේ දී ටී-56 ගිනි අවි 11ක් සහ ටී-81 ගිනි අවියක් පොලිස් අත් අඩංගුවට පත් විය. සංවිධානාත්මක අපරාධ කණ්ඩායමකට අයත් යැයි කියූ එම අවි තොගය සඟවා තිබුණේ තොග බඩු අලෙවි සැළකය.
මෙම අවි තොගය මාධ්‍ය ලේබලය සහිත වාහනයකින් ප්‍රවාහණය කළ බවට ප්‍රසාද් අබේවික්‍රම නම් මව්බිම පුවත් පතෙහි මාධ්‍යවේදියකු අත්අඩංගුවට ගන්නා ලදී.
එම ගිනි අවි ගෙනවිත් තිබුණේ දඹුල්ලේ සිට තාරකගේ අනුදැනුම මතයයි වාර්තා විය. හමුදාවේ කිහිප දෙනෙක් ද ඇතුළුව 20 කට වැඩි පිරිසක් වරින් වර අත්අඩංගුවට ගැණුනි. ඒ වන විට කොස්ගොඩ තාරක සිටියේ අත්අඩංගුවේය. හමුදා සොල්දාදුවන් දෙන ලද තොරතුරු මත හෙළිකරන ලද තොරතුරු මත ගිනි අවි අවි ගණන 40 ක් පමණ සොයා ගත් බව ද වාර්තා විය. ඉතිරි ගිනි අවි 32 සොයා ගැනීමට පරීක්ෂණ පැවැත්වෙමින් තිබුණි. එම ගිනි අවි මේ අවි ජාවාරමේ බොහෝ තොරතුරු හෙළි විය. ඒ තොරතුරුවලට අනුව ගිනි අවි තාරකගේ කණ්ඩායමට ලැබෙන්නේ හමුදාවට සම්බන්ධ වූවන් කිහිප දෙනෙකුගෙනි.
මෙම ගිනි අවි ලබා දීම සම්බන්ධයෙන් මේජර්වරයකු අත්අඩංගුවට ගන්නා ලදී.
මෙම පරීක්ෂණය කරගෙන යන අතරතුර ඊට සම්බන්ධ යැයි නාරාහේන්පිට අමිල නම් සංවිධානාත්මක අපරාධ සැකකරුවකු අත්අඩංගුවට පත් විය. ඔහු එවකට පොලිස් විශේෂ කාර්ය බලකායේ ප්‍රධානියා වූ නියෝජ්‍ය පොලිස්පති වරුණ ජයසුන්දරගේ පුද්ගලික ඔත්තුකරුවකු බවට සැකයක් පවතී. මෙම අමිල නම් පුද්ගලයා වරුණ ජයසුන්දර විසින් මාධයවේදීන් පිරිසකට හඳුන්වා දී තිබුණේ නාරහේනපිට පිහිටි මිල්කෝ ආයතනයේ සිදුවන දූෂණ වංචා ගැන තොරතුරු දන්නා අයකු ලෙසය.
දැන් කෙරී යන පරීක්ෂණ සොයා ගෙන ඇත්තේ එම ආයුධ තොගය ප්‍රවාහණය කළ බවට සැක පිට අත්අඩංගුවට ගත් ප්‍රසාද් අබේවික්‍රම ද එම මාධ්‍ය කණ්ඩායමෙහි සිටි බවත් ඔහු අමිල සමඟ සම්බන්ධකම් වගා කර ගත්තේ ඉන් පසුව බවත්ය.
අමිල රහස් පොලිසියට දුන් ප්‍රකාශයෙහි කියා ඇත්තේ එම ආයුධ තොගයෙන් කොටසක් තමන් බේබිලාට දුන් බවයි. එසේ දුන්නේ ඩීපී ජයසිංහ ට්‍රාන්ස්පෝට් ආයතනය හිමිකරු ජයසිංහගේ පුතා විසින් කළ ඉල්ලීමක් නිසා බවයි.
යහපාලන ආණ්ඩු සමයෙහි තොටි ගණන් ගෙවා කෘෂි කර්ම අමාත්‍යාංශයට කුලියට ගත් ගොඩනැගිල්ල අයත්වන්නේ ඔවුන්ටය. එහි හිමිකාරිය ලෙස ප්‍රසිද්ධ වූ සබීතා ප්‍රනාන්දු විවාහ වී සිටින්නේ ජයසිංහ පවුලේ පුතකු සමඟය.
මෙම ප්‍රකාශත් සමඟම වාගේ මින්නේරිය යුද හමුදා කඳවුරෙහි ප්‍රධානියා කියා සිටියේ තම කඳවුරෙන් කිසිදු අවියක් අස්ථාන ගත වී නැති බවයි.
රාජපක්ෂ ආණ්ඩු සමයන්හි පාර රාජ්‍යයේ සන්නද්ධ හමුදා ලෙස කටයුතු කළ කරුණා අම්මාන් කණ්ඩායමටත් පිල්ලෙයාන් කණ්ඩායමටත් අවි ආයුධ ලබා දුන්නේ මින්නේරිය කඳවුරෙනි. එම අයුධ ලබා දුන්නේ හෝ ලබා ගත්තේ කිසිදු ලේඛනයක සඳහන් නොකරය.
ප්‍රගීත් එක්නැළිගොඩ පැහැර ගියේ ද මින්නේරිය හමුදා කඳවුරට බවට සාක්ෂි මගින් හෙළිදරව් විය. එය පාර රාජ්‍ය ක්‍රියාකාරකම්හි කේන්ද්‍රස්ථානයක් වූ බවට චෝදනා එල්ල වී තිබේ.
සිය කඳවුරෙන් ගිනි අවි අස්ථාන ගත නොවූ බවට මින්නේරිය කඳවුර බාර නිලධාරියා කරන ලද ප්‍රකාශය දැන් සැකයට තුඩු දී තිබේ.
නීතිඥ අනෝජ් හෙට්ටිආරච්චි මගින් තරක ගේ මව ලියූ 12 දිනට පසුදද තකහනියේම තාරක ඝාතනය කරන ලද්දේ ඒවකට දේශබන්දු තෙන්නකෝන් යටතේ වූ බස්නාහිර පොලිස් අපරාධ ඒ්කකය මගිනි.
ධර්මකීර්ති තාරක විජේසේකර හෙවත් කොස්ගොඩ තාරක 2021 මැයි 13 වන දින අලුයම “ ආයුධ පෙන්වීමේ” ප්‍රොඩාව යටතේ කොළඹ බස්නාහිර අපරාධ කොට්ඨාශය විසින් මීරිගම, රේන්දපොළ ප්‍රදේශයේ දී ඝාතනය කරන ලදී. ඔහු ඝාතනය කරන ලද්දේ සිය පුත්‍රයා කොළඹ පෑලියගොඩ විශේෂ අපරාධ විමර්ශන ඒකකයට ගෙන ගොස් ඇති බැවින් ඔහුගේ ජීවිතය රැක දෙන ලෙස ඔහුගේ මව වන අගම්පොඩි ජානකී ද සොයිසා, නීතිඥ අනෝජ් හෙට්ටිආරච්චි මගින් බලධාරීන්ගෙන් ඉල්ලා සිටීමෙන් අනතුරවය. ඔහු ඝාතනය කිරීමට තිබූ හදිසි අවශ්‍යතාවය ඉන් පෙනුණි.
“කොස්ගොඩ තාරක” යුද හමුදා කොමාන්ඩෝ රෙජිමේන්තුවේ කලක් සේවය කළ සෙබලෙකි.
මේ සමඟම වාගේ හෝමාගම පිටිපන දී සහ ඉන් අනතුරුව සොයා ගත් ස්වයංක්‍රීය ගිනි අවි 40 පිළිබඳ පරීක්ෂණය නතර කරන ලදී.
අත්අඩංගුවට ගෙන සිටි මේජර්වරයා, මාධ්‍යවේදියා ඇතුලු සියලු සැකකරුවන් නිදහස් කරන ලදී. එසේ නමුත් සොයා ගත නොහැකි වූ සහ බේබිලාට දුන් බව කී ස්වයංක්‍රීය ගිනි අවි 36 සොයා ගැනීමේ පරීක්ෂණ ද නතර කරන ලදී.
එසේ පරීක්ෂණ නතර කරන ලද්දේ එවකට අරක්ෂක ලේකම් වූ ජෙනරාල් කමල් ගුණරත්නගේ නියෝගයක් අනුව ද යන්නත් එම ගිනි අවි 76 කොළඹට ගෙන එන ලද්දේ කුමන අරමුණක් සඳහා ද යන්නත් සොයා ගැනීමේ පොලිස් පරීක්ෂණ ක්‍රියාත්මක වේ.
සේ. පියවර්ධන විසිනි.
