මන්නාරම මාන්තෙයි බටහිර ප්‍රාදේශීය ලේකම් කොට්ඨාශයේ ආට්කට්ටිවේලි මහවිරු සුසාණ භූමියක ඉදිකොට තිබූ ප්‍රධාන පහන්සිලුව ඊයේ (19) දිනකඩා විනාශ තිබේ.
දෙමළ මාධ්‍ය පවසන්නේ මෙම කඩා බිඳදමන ලද්දේ මර්දනකාරී ක්‍රියාවක් ලෙස බවයි.
මෙම සැමරුම් කුලුණ ඉදිකොට තිබුණේ දෙමළ සටන්කාමීන් සිය ගණනකගේ සිරුරු තැන්පත් කර තිබූ සුසාන භූමියකය.
විශේෂයෙන්ම සෑම වසරකම නොවැම්බර් 27 දිනට යෙදෙන මහ විරු දිනය වෙනුවෙන් මෙය ගොඩ නගා ඇත්තේ විනාශ කරන ලද සොහොන් කොත්වල සුන්බුන් වලිනි.
මෙම මාසයේ සමරු උත්සව තහනම් කිරීමට දැනටමත් අධිකරණ නියෝග ලබා දී ඇත.
විනාශයට වගකිවයුත්තන් කවුරුන්ද යන්න මෙතෙක් අනාවරණය වී නැතත් සුසාන භූමියට ඇතුළු වන ස්ථානයේ සිට මීටර කිහිපයක් එපිටින් හමුදා කඳවුරක් පිහිටා ඇති බව ප්‍රදේශවාසීහු ප්‍රකාශ කරති.
දෙමළ මහවිරු සංවිධාන කමිටු සාමාජිකයින් විසින් මෙම ක්‍රියාව කිසියම් කඩාකප්පල්කාරී ක්‍රියාවක් හෙයින් දැඩිලෙස හෙලා දකින බවටද පවසා තිබේ.