Image courtesy of Al Jazeera/[Thilo Schmuelgen/Reuters]
නව කොරොන වයිරස් COVID-19 කලාපය පුරා වේගයෙන් ව්‍යාප්ත වෙමින් පවතින බැවින් යුරෝපීය රටවල් සිටින්නේ දැඩි අවධානයකිනි.
රෝග පාලනය හා වැළැක්වීමේ යුරෝපීය මධ්‍යස්ථානය විසින් යුරෝපයේ නව කොරෝනා වයිරස තත්වය පිළිබඳ අවදානම් තක්සේරුවක් ප්‍රකාශයට පත් කර තිබේ.
ඉදිරි සතිවලදී යුරෝපා සංගමයේ සහ එක්සත් රාජධානියේ COVID-19 පුළුල් ලෙස සම්ප්‍රේෂණය වීමේ අවදානම මධ්‍යස්ථ මට්ටමේ සිට ඉහළ මට්ටමකට නැග ඇත.
පැය 24 ක් තුළ තවත් 28 දෙනෙකු මිය ගිය තත්වය යටතේ 15 වන දින දක්වා සියලුම පාසල් හා විශ්ව විද්‍යාල වසා දැමීමට ඉතාලි රජය අද නියෝග කර තිබේ.
ජර්මනියේ සෞඛ්‍ය ඇමති ජෙන්ස් ස්පාන් නව කොරෝනා වෛරසය වසංගත තත්වයකට පත්ව ඇති බව ප්‍රකාශ කර තිබේ.
නවතම සංඛ්‍යාලේඛන ට අනුව නව කොරෝනා වයිරස් සඳහා වන ගෝලීය මරණ අනුපාතය 3.4% ක් වන අතර එය කලින් ගණනය කිරීම වූ 2% ට වඩා ඉහළ අගයක් ගනී.
ඊට වෙනස්ව, සෘතුමය උණ හෙම්බිරිස්සාව ආසාදනය වූවන්ගෙන් ම්ය යන්නේ 0.1% කි.
COVID-19 වලින් රෝගියෙකුගේ මරණ අවදානම වයස සහ පුද්ලයාගේ සෞඛ්‍ය තත්වයන් අනුව වෙනස් වේ.
නවතම සංඛ්‍යා මගින් මරණ අනුපාතය ඉහළ යාමක් සනිටුහන් වුවද, තහවුරු කරන ලද රෝගීන්ගේ සංඛ්‍යාව ඉහළ යන විට COVID-19 හි මාරක අනුපාතය අඩු විය හැකි බව විශේෂ විශේෂඥයෝ අනාවැකි පළ කරති.
චීනයේ වුහාන් හි ආරම්භ වූ COVID-19 නමින් හදුන්වනු ලබන කිරීටක වෛරස් රෝගයෙන් පුද්ගලයින් මේ වන විට 3,100 කට වැඩි පිරිසක් මිය ගොස් ඇති අතර 03දා අඟහරුවාදා වන විට 93,000 කට ආසන්න සංඛ්‍යාවකට ආසාදනය වී තිබුණි.
මාධ්‍ය හමුවකදී අදහස් දක්වමින් ලෝක සෞඛ්‍ය සංවිධානයේ අධ්‍යක්ෂ ජනරාල් ටෙඩ්‍රොස් අද්නාම් ගෙබ්‍රෙයිසස් සඳහන් කළේ මරණ අනුපාතය සෘතුමය උණ හෙම්බිරිස්සාව රෝගයට වඩා බෙහෙවින් වැඩි බවයි.
COVID-19 මෟදුව වැළදෙන රෝගීන් හඳුනාගත නොහැකි බැවින් සැබෑ මරණ අනුපාතය තවදුරටත් පහළ යනු ඇතැයි විශේෂ විශ්ෂඥයන් අනාවැකි පළ කරති.
“එය අද්විතීය ලක්ෂණ සහිත අද්විතීය වෛරසයකි“
නව කොරෝනා වයිරස් සහ MERS, SARS සහ හෙම්බිරිස්සාව වැනි බෝවන රෝග අතර වෙනස්කම් තිබේ. COVID-19 හෙම්බිරිස්සා උණ තරම් ඉක්මණින් බොවන්නේ නැත.
කෙසේවෙතත්, COVID-19 සෘතුමය උණ හෙම්බිරිස්සාවට වඩා “දරුණු රෝගයක්” ඇති කර තිබේ, කාලයත් සමඟ ලොව පුරා ජනයා උණ හෛම්බිරිස්සාව සඳහා ප්‍රතිශක්තියක් ගොඩනඟා ඇති ඇත. නමුත් COVID-19 සඳහා ප්‍රතිශක්තියක් ඇතිවීමට කල් ගතවිය හැකි ය.්.
“එය අද්විතීය ලක්ෂණ සහිත අද්විතීය වෛරසයකි,” ඔහු පවසා තිබේ.
ටෙඩ්‍රොස් කියා සිටින්නේ රෝගියෙකුගේ රෝග විනිශ්චය ලබාගෙන ප්‍රතිකාර ලබා ගන්නා ස්ථානය අනුව රෝගයේ මරණ අනුපාතයද වෙනස් විය හැකි බවයි. මෙම රෝගයේ මෘදු රෝගීන් සති දෙකකින් පමණ සුවය ලබා ඇති නමුත් දරුණු රෝගීන් සුවය ලැබීමට සති තුනක් හෝ හයක් ගතවනු ඇතැයි ඔහු පැවසීය.
[title]වැඩිහිටි රෝගීන් වැඩිම අවදානමකට මුහුණ දෙයි[/title]
COVID-19 වලින් රෝගියෙකු මියයාමේ අවදානම වෙනස් වන්නේ සාධක කිහිපයක් මත පදනම්ව ය. ඒවාට ප්‍රතිකාර කරනු ලබන්නේ කොතැනද, ඔවුන්ගේ වයස සහ කලින් පවතින සෞඛ්‍ය තත්වයන් ය.
COVID-19 රෝගීන් අවම වශයෙන් රටවල් 76 ක වාර්තා වී ඇති අතර ඉන් අතිමහත් බහුතරයක් ඇත්තේ චීනයේ ය.
රෝග පාලනය හා වැළැක්වීමේ චීන මධ්‍යස්ථානයෙන් පසුගිය මාසයේ කරන ලද අධ්‍යයනයකින් හෙළි වූයේ වයිරසය ඒ වනවිටත් සෞඛ්‍යමය දුර්වලතා තිබූ වයස්ගත පුද්ගලයින්ට වඩාත්ම බරපතල ලෙස බලපා ඇති බවයි. දත්ත අනුව පුද්ගලයෙකු රෝගයෙන් මියයාමේ සම්භාවිතාව වයස අනුව වැඩි වේ.
වයස අවුරුදු 10 ත් 19 ත් අතර රෝගීන්ට ඇති අවදානම වයස අවුරුදු 20 ත් 30 ත් අතර රෝගීන්ට සමාන බව පර්යේෂණයෙන් හෙළි වී තිබේ. වයස අවුරුදු 50 සහ ඊට වැඩි පුද්ගලයින්ට මෙම රෝගය වඩාත් ඇතිකරන අවධානම වඩා මාරාන්තික බව එම සමීක්ෂනය පෙන්වයි..
COVID-19 රෝගීන්ගෙන් 80% ක් පමණ මෘදු අසාදනකට ලක්වන අතර එවැනි බොහෝ අය ප්‍රතිකාර සඳහා වෛද්‍යවරයා හෝ රෝහල් වෙත නොයන නිසා බොහෝ මෘදු අවස්ථා වාර්තා වී නොමැති බවයි.
2019 දෙසැම්බර් 31 සිට 2020 මාර්තු 4 වන විට වාර්තා වී ඇති COVID-19 රෝගීන් 93 076 කි (බලපෑමට ලක් වූ රටවල අදාළ සිද්ධි අර්ථ දැක්වීම් වලට අනුකූලව).
සමස්ත මරණ අතර මරණ 3 202 කි: චීනය (2 983), ඉතාලිය (80), ඉරානය (77), දකුණු කොරියාව (32), ඇමරිකා එක්සත් ජනපදය (9), ජපානය (6), ජපානය (6), ජපානය ( 6), ප්‍රංශය (4), ඕස්ට්‍රේලියාව (1), පිලිපීනය (1), සැන් මරිනෝ (1), තායිවානය (1) සහ තායිලන්තය (1).
පහත සඳහන් මහාද්වීපවල සිද්ධීන් වාර්තා වී ඇත:
අප්‍රිකාව: ඇල්ජීරියාව (5), ඊජිප්තුව (2), මොරොක්කෝව (1), නයිජීරියාව (1), සෙනෙගල් (1) සහ ටියුනීසියාව (1).
ආසියාව: චීනය (80 380), දකුණු කොරියාව (5 328), ඉරානය (2 336), ජපානය (268), සිංගප්පූරුව (110), කුවේට් (56), බහරේන් (49), තායිලන්තය (43), තායිවානය (42) , මැලේසියාව (36), එක්සත් අරාබි එමීර් රාජ්යය (27), ඉරාකය (26), වියට්නාමය (16), ලෙබනනය (13), ඊස්රායලය (10), කටාර් (8), ඕමාන් (7), ඉන්දියාව (6), පාකිස්තානය ( 5), පිලිපීනය (3), ඉන්දුනීසියාව (2), ඇෆ්ගනිස්ථානය (1), කාම්බෝජය (1), ජෝර්දානය (1), නේපාලය (1), සෞදි අරාබිය (1) සහ ශ්‍රී ලංකාව (1).
ඇමරිකාව: ඇමරිකා එක්සත් ජනපදය (125), කැනඩාව (30), ඉක්වදෝරය (7), මෙක්සිකෝව (5), බ්‍රසීලය (2), ආර්ජන්ටිනාව (1), චිලී (1) සහ ඩොමිනිකන් ජනරජය (1).
යුරෝපය: ඉතාලිය (2 502), ප්‍රංශය (212), ජර්මනිය (196), ස්පා Spain ් (ය (151), එක්සත් රාජධානිය (51), ස්විට්සර්ලන්තය (37), නෝර්වේ (33), නෙදර්ලන්තය (28), ඔස්ට්‍රියාව (24), ස්වීඩනය (24), අයිස්ලන්තය (16), බෙල්ජියම (13), සැන් මරිනෝ (10), ක්‍රොඒෂියාව (9), ඩෙන්මාර්කය (8), ෆින්ලන්තය (7), ග්‍රීසිය (7), චෙක් ජනරජය (5), බෙලාරුස් (4) , පෘතුගාලය (4), රුමේනියාව (4), රුසියාව (4), අසර්බයිජානය (3), ජෝර්ජියා (3), එස්තෝනියාව (2), අයර්ලන්තය (2), ඇන්ඩෝරා (1), ආර්මේනියාව (1), ලැට්වියාව (1) , ලිතුවේනියාව (1), ලක්සම්බර්ග් (1), මොනාකෝ (1), උතුරු මැසිඩෝනියාව (1), පෝලන්තය (1) සහ යුක්‍රේනය (1)
( විදෙස් ජනමාධ්‍ය වාර්තා ඇසුරිනි)