ඡායාරූපය: මානව හිමිකම් කවුන්සිලයේ ධජ පේළියෙහි ශ්‍රී ලංකා ධජය.© සුනන්ද දේශප්‍රිය.
නව පරීක්ෂන කොමිසමක් පත්කිරීම අතුලු යෝජනා පහක් ලබන 24වන දින ජිනීවාහි ආරම්භ වන එක්සත් ජාතීන්ගේ මානව හිමිකම් කොමිසටම ඉදිරිපත් කිරීමට අද එනම් පෙබරවාරි 20දා පැවැති අමාත්‍ය මණ්ඩළ රැස්වීමේ දී තීරණය කර තිබේ.
මෙම යෝජනා මගින් කියැවෙන්නේ යුද්ධයේ අවසන් සමයේ සිදුවූ බවට කියැවෙන මානව හිමිකම් කෙළෙසීම් සම්බන්ධයෙන් සොයා බැලීමට දේශීය යාන්ත්‍රණයන් සකස් කරන බවත් ඒ සදහා මේතාක් පිහිටුවන ලද පරීක්ෂන කොමිෂන් සභාවන්හි වාර්තා පරීක්ෂා කිරීමට ශ්‍රේෂ්ඨාධිකරණ විනිසුරුවරයෙකුගෙන් සමන්විත අලුත් කොමිසමක් පිහිටුවන බවයි.
මෙම යෝජනා සම්බන්ධයෙන් අදහස් දැක් වූ මානව හිමිකම් ක්‍රියාදරයකු පැවසුවේ මෙම නව යෝජනා රාජපක්ෂවරුන්ගේ හුදු උප්පරවැට්ටියක් පමණක් බවයි. මෙයට පෙර රාජපක්ෂ ආන්ඩු විසින්ම පත් කල එවැනි කොමිෂන් සභා තීරන හමස් පෙට්ටියට යැවූ පරිදි මෙම කොමිෂන් සභා තීරණ ද කඩදාසිවලට පමණක් සීමා වනු ඇතැයි හෙතෙම වැඩිදුරටත් ප්‍රකාශ කළේ ය.
එම යෝජනා පහ පහත දැක්වේ.
