Saturday, May 21, 2022

ශවේන්ද්‍ර හමුදාපති කිරීම නිසා ශ්‍රී ලංකා යුද හමුදාව සාම සාධක මෙහෙයුම්වල යෙදවීම නවත්වයි

 ලුතිනන් ජනරාල් ශවේන්ද්‍ර සිල්වා මහතා යුද හමුදාපති ධුරයට පත් කිරීම මුල් කරගනිමින් ශ්‍රී ලංකා යුද හමුදාව මින් ඉදිරියට එක්සත් ජාතීන්ගේ සාම සාධක මෙහෙයුම්වල යෙදවීම නැවැත්වීමට තීරණය කර ඇතැයි වාර්තා වේ.

ශවේන්ද්‍ර සිල්වාට එරෙහිව පිළිගත හැකි  බරපතල  මානව හිමිකම් ‌කෙලෙසීම් විශ්වසනීය ‌චෝදනා ඇතැයි ඔශු යුද හමුදාපති ‌ ලෙස පත්කිරිම හෙළා දකිමින් මානව හිමිකම් මහ කොමසාරිස්වරිය ප්‍රකාශයක් පවා නිකුත් කළා ය.

එක්සත් ජාතීන්ගේ මාධ්‍ය ප්‍රකාශකවරයකු උපුටා දක්වමින් ඇමෙරිකා එක්සත් ජනපදයේ ‘ෆොරින් පොලිසි’ සඟරාව ‌ ‌මෙම තීරණය වාර්තා කර තිබේ.

ඒ අනුව අත්‍යවශ්‍ය නොවන ශ්‍රී ලංකා යුද හමුදාවේ බළකා එක්සත් ජාතීන්ගේ සාම සාධක මෙහෙයුම්වල යෙදවීම නැවැත්වීමට එක්සත් ජාතීන්ගේ සාම සාධක දෙපාර්තමේන්තුව තීරණය කර ඇතැයි වාර්තා වේ. ඉන් අදහස් වන්නේ ශ්‍රී ලංකා යුද හමුදා පිරිස් මින් ඉදිරියට ඒජා සාම සාධක හුමුදාවට ‌ෙනොකැඳවන බවයි.

ලුතිනන් ජනරාල් ශවේන්ද්‍ර සිල්වා මහතා යුද හමුදාපති ධුරයට පත් කිරීම සම්බන්ධයෙන් ඇමෙරිකා එක්සත් ජනපදය, යුරෝපා සංගමය මෙන්ම එක්සත් ජාතීන්ගේ මානව හිමිකම් කවුන්සිලය ද විරෝධය පළකර තිබිණි.

මෙහෙයුම් සාර්ථක කරගැනීමට ශ්‍රී ලංකා හමුදාවල සහභාගීත්වය අත්‍යවශ්‍ය නොවන්නේ නම් මින් ඉදිරියට අලුතෙන් ශ්‍රී ලංකා හමුදා එක්සත් ජාතීන්ගේ මෙහෙයුම්වලට සම්බන්ධ කර නොගන්නා බව ද එක්සත් ජාතීන්ගේ ප්‍රකාශකයා ‘ෆොරින් පොලිසි’ සඟරාවට පවසා ඇත. එක්සත් ජාතීන්ගේ සාම සාධක හමුදාවලට ශ්‍රී ලංකාව ලබා දී තිබෙන දායකත්වය සම්බන්ධයෙන් කෘතඥ වන නමුත් ශවේන්ද්‍ර සිල්වා මහතා යුද හමුදාපති ධුරයට පත් කිරීම කනගාටුදායක හා ප්‍රශ්නකාරී බව මේ සම්බන්ධයෙන් ‘ෆොරින් පොලිසි’ සඟරාවට අදහස් දක්වමින් එක්සත් ජාතීන්ගේ මහ ලේකම් ඇන්තෝනියෝ ගුටරෙස්ගේ නියෝජ්‍ය මාධ්‍ය ප්‍රකාශක ෆර්හාන් හක් සඳහන් කර ඇත.

“එක්සත් ජාතීන්ගේ සාම සාධක හමුදා සමග දැනට සිටින ශ්‍රී ලංකා හමුදාවේ නිලධාරීන් හා සෙබළුන් නැවත එරටට යවනවා. ඒ වගේම ලබන මාසයේ දී අලුත් කිරීමක් සිදුවෙනවා. මෙම තීරණයත් සමග එය සිදුවෙන්නේ නැහැ. අලුතෙන් ශ්‍රී ලංකා හමුදා හෝ නිලධාරීන් හෝ එක්සත් ජාතීන්ගේ සාම සාධක හමුදාවලට සම්බන්ධ කරගන්නේ නැහැ.

ශවේන්ද්‍ර සිල්වා මහතා හමුදාපති ධුරයට පත් කිරීම සම්බන්ධයෙන් අපි ශ්‍රී ලංකා රජයට අපගේ විමසිලිමත් බව දන්වා සිටියා. ජාත්‍යන්තර මානුෂීය නීතිය සහ මානව හිමිකම් නීතිය දරුණු ලෙස කඩකළ බවට ශවේන්ද්‍ර සිල්වා මහතාට චෝදනා එල්ලවී තිබෙනවා. ඒ සම්බන්ධයෙන් ලිපිලේඛන තිබෙනවා. ඒනිසා ශ්‍රී ලංකා හමුදාව මින් ඉදිරියට සාම සාධක මෙහෙයුම් සඳහා සම්බන්ධ කරගන්නේ නැහැ. එය එක්සත් ජාතීන්ගේ මෙහෙයුම් අනතුරේ දැමීමක්” යැයි ෆර්හාන් හක් පවසා ඇත.

ශවේන්ද්‍ර සිල්වා මහතා යුද හමුදාපති ධුරයට පත් කිරීම සම්බන්ධයෙන් එක්සත් ජාතීන්ගේ මානව හිමිකම් කවුන්සිලයේ මහ කොමසාරිස් මිචෙල් බැචලේ මහත්මිය පසුගිය මාසයේ දී සිය කනස්සල්ල පළ කර තිබිණි.

සාම සාධක හමුදාවන්ට සහභාගි වූ ශ්‍රී ලංකා ‌සෙබළුනට ඉතා ආකර්ශණිය වැටුප් ලැබුණූ අතර ලංකාන්ඩුවට විදේශ විනිමය ලැබුණි. දැන් ඒ් සියල්ල නවතිනු ඇත.

(ලංකාදීප පුවත් ද ඇසුරිණි.)

Archive

Latest news

ගෝටා- බැසිල්, සිය අගමැති වික්‍රමසිංහ පුකෙන් යවයි!

ජායාරූපය: සිරිසේන-රනිල් ආණෟඩුව විසින් රැපියල් මිලියන 200ක් වංචා කරන ලදැයි අත්අඩංඟුවට ගෙන නඩු පවරණ ලද  සහ තමා බැසිල් වෙනුවෙන් එල්ටීඊයට මුදල් ලබා දුන් බව...

වික්‍රමසිංහ රාජපක්ෂ පවුලට සහ පොහොට්ටුවට ඇති හොඳම විසඳුමයි – ජාතික ජන බලවේගය, රනිල්ට පිළිතුරු දෙයි.

කාටූනය: දාස හපුවලාන, ලංකාදීප. 2022 මැයි 16 වැනි දින ජාතිය අමතමින් අග්‍රාමාත්‍ය රනිල් වික්‍රමසිංහ මහතා ඉදිරි මාස කිහිපය තුළ රටට මුහුණදීමට සිදුවන ගැටලු කිහිපයක් ගෙනහැර...

දුර කතන උදුරා ගත් පාර්ලිම්න්තු චන්ඩි : කතානායකගේ අවනීතිය සහ ගෝටාගේ අගමැති!

ඡායාරූපය: බලහත්කාරයට ලක් කල මාධ්‍යවේදීන් දෙදෙනා ප්‍රගීත් සහ කසුන් (බීබීසී සිංහල) ගෝටා - රනිල් ආණ්ඩුවේ මංත්‍රීවරුන් තිදෙනෙකු විසින් පාර්ලිමේන්තු වාර්තාකරුවන් දෙදෙනෙකුගේ දුරකතන උදුරා ගැනීම සම්බන්ධයෙන්...

ගෝටාගේ අගමැති වික්‍රමසිංහ ජාත්‍යන්තරයට කී -රාජපක්ෂලාට දඩුවම් නැති ගෝටා ඉවත් නෙකරන –  අපූරු කතා

ගෝඨාභය රාජපක්ෂ විස්න් පත් කරන ලද අගමැත වන රනිල් වික්‍රමසිංහ ඊයේ  බ්‍රිතාන්‍යයේ  මුල්පෙල රූපවාහිනි නාලිකාවක් සමඟ සාකච්ඡාවකට සහභාගි විය. එම වීඩියෝව මෙම ලිපිය අවසානයේ...

Related news

ගෝටා- බැසිල්, සිය අගමැති වික්‍රමසිංහ පුකෙන් යවයි!

ජායාරූපය: සිරිසේන-රනිල් ආණෟඩුව විසින් රැපියල් මිලියන 200ක් වංචා කරන ලදැයි අත්අඩංඟුවට ගෙන නඩු පවරණ ලද  සහ තමා බැසිල් වෙනුවෙන් එල්ටීඊයට මුදල් ලබා දුන් බව...

වික්‍රමසිංහ රාජපක්ෂ පවුලට සහ පොහොට්ටුවට ඇති හොඳම විසඳුමයි – ජාතික ජන බලවේගය, රනිල්ට පිළිතුරු දෙයි.

කාටූනය: දාස හපුවලාන, ලංකාදීප. 2022 මැයි 16 වැනි දින ජාතිය අමතමින් අග්‍රාමාත්‍ය රනිල් වික්‍රමසිංහ මහතා ඉදිරි මාස කිහිපය තුළ රටට මුහුණදීමට සිදුවන ගැටලු කිහිපයක් ගෙනහැර...

දුර කතන උදුරා ගත් පාර්ලිම්න්තු චන්ඩි : කතානායකගේ අවනීතිය සහ ගෝටාගේ අගමැති!

ඡායාරූපය: බලහත්කාරයට ලක් කල මාධ්‍යවේදීන් දෙදෙනා ප්‍රගීත් සහ කසුන් (බීබීසී සිංහල) ගෝටා - රනිල් ආණ්ඩුවේ මංත්‍රීවරුන් තිදෙනෙකු විසින් පාර්ලිමේන්තු වාර්තාකරුවන් දෙදෙනෙකුගේ දුරකතන උදුරා ගැනීම සම්බන්ධයෙන්...

ගෝටාගේ අගමැති වික්‍රමසිංහ ජාත්‍යන්තරයට කී -රාජපක්ෂලාට දඩුවම් නැති ගෝටා ඉවත් නෙකරන –  අපූරු කතා

ගෝඨාභය රාජපක්ෂ විස්න් පත් කරන ලද අගමැත වන රනිල් වික්‍රමසිංහ ඊයේ  බ්‍රිතාන්‍යයේ  මුල්පෙල රූපවාහිනි නාලිකාවක් සමඟ සාකච්ඡාවකට සහභාගි විය. එම වීඩියෝව මෙම ලිපිය අවසානයේ...