Tuesday, June 28, 2022

ගෘහස්ථ ප්‍රචණ්ඩත්වයෙන් නිදහස පතන ගැහැණියකට උරුම විය හැකි ඝාතනයක තවත් කතාවක්

ඔබටත් විය හැකි කතාවක්.

මේ ඇත්ත කතාවකි. ඇය කපා කොටා මරා දැමුණේ ලෝක කාන්තා දිනයට දවස් හතරක් තිබියදී කුරුණෑගල නගරයට නුදුරු ගමකය.

එවැනි මරණයකට  ඇය ගොදුරු වූයේ අපේ සමාජයේ, නීති පද්ධතියේ සහ නීතිය ක්‍රියාත්මක කරන්නන්ගේ ඇති අසංවේදී බව සහ නොසැළකිල්ල නිසාය.

ඇය ජීවිතයට ආසා කළාය. සිය දියණියන් සමඟ සතුටින් ජීවත්වීම ඇයගේ අපේක්ෂාව විය. වසර ගණනාවක් පුරා තමන්ගේ පාඩුවේ ජීවත්වීමට ඇය නොකළ දෙයක් නැති තරම්ය.

නමුත් ඇයගේ ජීවිතය බේරා දීමට අප සමාජයට, පොලිසියට සහ අධිකරණයට බැරි විය.

ඔබ මේ කතාව ඇසිය යුත්තේ, ඇය හෙට ඔබේ හිතවතියක, සොයුරියක, දියණියක  විය හැකි නිසාය.

අප කිසිවකු කිසිවකුගෙන් ගුටිබැට කෑමට කැමැති නැත. නමුත් ඇය වසර විස්සක් පුරා සිය පුරුෂයාගේ ගුටිබැට සහ අනේකවිධ වධ බන්ධන වලට ලක්වූවාය.

බැරිම තැන ඇය පොලිසියට පැමිණිලි කළාය. අධිකරණයෙන් ඇයට පක්ෂව ගෘහස්ත හිංසනයෙන් ආරක්ෂණය ලබා දිය යුතු බවට තීන්දුවක් දුන්නේය.

ඉන් කියවුණේ ඇයට නිවස බාර දී කලහකාරී පුරුෂයා ඉවත් විය යුතු බවයි. ඒ ඇයගේ ආරක්ෂාව සහතික වනු පිණිසය.

මෙම තීන්දුවට පදනම වූයේ ගෘහස්ත ප්‍රචණ්ඩත්වයට එරෙහි නීතියයි. වචනයෙන් හෝ ක්‍රියාවෙන් ප්‍රචණ්ඩවීම වරදකි.

එනමුත් මෙම නීතිය යටතේ ගෘහස්ත ප්‍රචණ්ඩත්වය නිසා කවරකු හෝ අත්අඩංගුවට ගත නොහැනිය. පුදුම නමුත් ඇත්තය.

පුරුෂයා අඩි පහකට එහා අල්ලපු නිවසේ පදිංචි විය. එපමණක් නොව නිවසේ යතුරක්ද රැගෙන ගියේය.

නිවසේ පදංචියට ගිය ඇයටත් දියණියටත් එම පුරුෂයා දිගින් දිගටම තර්ජනය කළේය. ඔහු නිවසේ යතුරක්ද ගෙන ගොස් ඇතැයි  කියා ඇය පොලීසියට ගොස් පැමිණිලි කළේ සිය ජීවිතය ආරක්ෂා කර ගැනීමටය.

නමුත් බලය, බලය සමඟ හාද වී තිබුණි..

අලුතින්ම සාදවා ගත් පිහියක්ද ඇතිව මහ රෑ නිවසට ඇතුලූ වූ පුරුෂයා, ඇය කපා කොට ඝාතනය කළේ ඇයගේ දියණිය ඉදිරිපිටදීමය.

අනෙකා ගැන අප බැලිය යුත්තේ එසේදැයි මදක් සිතන්න.

15වන දින ඇතුගල්පුර පැවැති උද්ඝෝෂනයට සිය ගණනාවක් ස්ත්‍රීන් සහභාගි වූහ

අපේ සමාජය මෙතරම් ප්‍රචණ්ඩ ඇයි? අපේ දරුදැරියන් ඉගෙන ගන්නේ බලයට නතුවීමට මිස එකිනෙකාට ගෞරව කිරීමට නොවේ. සහකම්පනය සහ හැගීම් සංවේදී බුද්ධිය අපේ දරුදැරියනට උගන්වන්නේ නැත.  අපේ අනාගත පරපුර ගොඩ නැගෙන්නේ අධ්‍යාපනය හරහාය. පෙර පාසැල් අවධියේ සිටම මානුෂික හරයන් ලබා දෙන අධ්‍යාපන ප්‍රතිසංස්කරණ අපට අවශ්‍යය.

ගෘහස්ත ප්‍රචණ්ඩත්වය, අප සමාජයේ පැතිර පවත්නා විපතකි. ස්ත්‍රීන් මුහුණ දෙන ලිංගික අපයෝජන බහුතරය සිදු වන්නේ දන්නා හඳුනන අයකුගෙන් හෝ ඥාතියකුගෙනි.

පොදු ප්‍රවාහනය යොදා ගන්නා ස්ත්‍රීන්ගෙන් සියයට 90 ක්ම ලිංගික බලපෑම්, අනිසි ක්‍රියාවන්ට ගොදුරු වෙයි. මහා මාර්ග අනතුරු හැරුණූ විට මෙරට වැඩිම  ස්වාභාවික නොවන මරණ සිදුවන්නේ සිය දිවි නසා ගැනීම් වලිනි. ඉන් බහුතරයක හේතුව ස්ත්‍රී පුරුෂ සබඳතාය. 1/3ක් අස්වාභාවික මරණ සිදු වන්නේ සමීප සහකරුවෙකුගේ ප්‍රචණ්ඩත්වයෙනි.

මේ ඔබ අප ජීවත්වන සමාජයයි. එය වෙනස් කිරීමට ඊට එරෙහිව හඬ නැගීමට අප සූදානම් යන කාරණය මත අපේ හිතවතියන්ගේ, සහෝදරියන්ගේ සහ දියණියන්ගේ ජීවිතයේ සන්සුන්කම සහ ආරක්ෂාව රඳා පවතිනු ඇත.

හිතන්න. අපි එක්ව මෙම බිය ජනක තත්වය වෙනස් කරමු!

ඇතුගල්පුර කාන්තා එකතුව

15  මාර්තු 2022

Archive

Latest news

ගෝඨා-රනිල් ගොන් බානට කළ හැක්කේ බැරි මරගාතේ අදින කරත්තය තවතවත් මඩ ගොහොරුවේම ගිල්වීමයි. – රංජිත් හේනායක ආරච්චි

ලංකා දේශපාලනය විසින් අද රටෙහි ජනතාව රසායනාගාර මීයන් හෝ හාවුන් ලෙස ගනිමින් රට අසාර්ථක  පර්යේෂණාගාරයක් බවට පත් කොට තිබේ.   එම තත්වයට රට පත් කර...

ඉන්ධන අර්බූදාය භයානක තත්වය සහ විය හැකි හැකි බරපතල ප්‍රතිවිපාක තේරුම් ගන්න. – නීතිඥ සංගමය රජයට කියයි

ශ්‍රී ලංකා රජය  ජන ජීවිතයට අහිතකර ලෙස බලපාන වත්මන් ආර්ථික අර්බුදය සහ එහි ප්‍රතිඵලයක් ලෙස විශේෂයෙන් ඉන්ධන හිඟය පාලනය කරන ආකාරය පිළිබඳව  සිය කනස්සල්ල...

පරිහානියේ මාර්ග සිතියම : “විද්‍යාත්මක”  අයවැය – ආචාර්ය (නීතිඥ) ශානුක සෙනරත්

2022 අයවැය කරළියට පැමිණෙන්නේ ලංකාවේ ආර්ථිකය විශාල ගැටලුකාරී තත්ත්වයක් අබිමුව පවතින අවස්ථාවකයි. ලංකාව ඒ වකවානුව වන විට එක් පැත්තකින් විදෙස් සංචිත හිඟ වෙමින් යනව,...

තෙල් නැව් ලණුව කෑ රනිල්ගේ අවසානයේ ආරම්භය තෙල්, ගෑස්, විදුලි අර්බුයද? – රජිත් කීර්ති තෙන්නකෝන් 

තෙල් - ගෑස් - විදුලි අර්බුද අද සිට ජූනි 30 දක්වා මොකද වෙන්නේ? ලංකාවට දෙන්නට බැරි දෙයක්, ඉන්දියාව ඉල්ලයි.  ඉන්දු ලංකා ගිවිසුමේන් පසුව, ඉන්දියාවේ දැවැන්තම...

Related news

ගෝඨා-රනිල් ගොන් බානට කළ හැක්කේ බැරි මරගාතේ අදින කරත්තය තවතවත් මඩ ගොහොරුවේම ගිල්වීමයි. – රංජිත් හේනායක ආරච්චි

ලංකා දේශපාලනය විසින් අද රටෙහි ජනතාව රසායනාගාර මීයන් හෝ හාවුන් ලෙස ගනිමින් රට අසාර්ථක  පර්යේෂණාගාරයක් බවට පත් කොට තිබේ.   එම තත්වයට රට පත් කර...

ඉන්ධන අර්බූදාය භයානක තත්වය සහ විය හැකි හැකි බරපතල ප්‍රතිවිපාක තේරුම් ගන්න. – නීතිඥ සංගමය රජයට කියයි

ශ්‍රී ලංකා රජය  ජන ජීවිතයට අහිතකර ලෙස බලපාන වත්මන් ආර්ථික අර්බුදය සහ එහි ප්‍රතිඵලයක් ලෙස විශේෂයෙන් ඉන්ධන හිඟය පාලනය කරන ආකාරය පිළිබඳව  සිය කනස්සල්ල...

පරිහානියේ මාර්ග සිතියම : “විද්‍යාත්මක”  අයවැය – ආචාර්ය (නීතිඥ) ශානුක සෙනරත්

2022 අයවැය කරළියට පැමිණෙන්නේ ලංකාවේ ආර්ථිකය විශාල ගැටලුකාරී තත්ත්වයක් අබිමුව පවතින අවස්ථාවකයි. ලංකාව ඒ වකවානුව වන විට එක් පැත්තකින් විදෙස් සංචිත හිඟ වෙමින් යනව,...

තෙල් නැව් ලණුව කෑ රනිල්ගේ අවසානයේ ආරම්භය තෙල්, ගෑස්, විදුලි අර්බුයද? – රජිත් කීර්ති තෙන්නකෝන් 

තෙල් - ගෑස් - විදුලි අර්බුද අද සිට ජූනි 30 දක්වා මොකද වෙන්නේ? ලංකාවට දෙන්නට බැරි දෙයක්, ඉන්දියාව ඉල්ලයි.  ඉන්දු ලංකා ගිවිසුමේන් පසුව, ඉන්දියාවේ දැවැන්තම...