Thursday, April 25, 2024

“පළිගැනීම් කොමිසමේ” කොමසාරිස්වරුන්ට එරෙහිව තදබල පියවර ගන්නා ලෙස විපක්ෂ මංත්‍රීන් 40කගෙන් ශ්‍රේෂ්ඨාධිකරණයට ලිපියක්

අගවිනිසුරු ඇතුළු ශ්‍රේෂ්ඨාධිකරණයෙහි සියලූම විනසුරුවරුන් සහ විනිසුරුවරියන් වෙත ලිපයක් යවන විපක්ෂ මංත්‍රීවරු සහ මංත්‍රීවරියන් හතලිස් දෙනෙකු දේශපාලන පළිගැනීම් පිළිබද විමර්ශණය කරන ජනාධිපති කොමිසමේ කටයුතු කළ කොමසාරිස්වරුන් තිදෙනාට විරුද්ධව පියවර ගන්නා ලෙස ඉල්ලීමක් කර තිබේ මෙම පියවර අතර අධිකරණ අපහාසය වෙනුවෙන් නඩු පැවරීමද ඇතුළත්ය.

දේශපාලන පළිගැනීම් පිළිබද විමර්ශණය හිංසා පීඩා කිරීම පිළිබඳව විමර්ශනය කිරීම සහ වාර්තා කිරීම සඳහා කොමිසම පත් කරනු ලැබුවද, කොමිෂන් සභාව සිය වරමෙහි අතිශය උලංළංඝනය කරමින් නීතියේ ආධිපත්‍යය, ප්‍රජාතන්ත්‍රවාදී පාලනය, අධිකරණය කෙරෙහි අහිතකර හා අහිතකර ලෙස බලපාන නිර්දේශ ගණනාවක් ඉදිරිපත් කර ඇති බව එම ලිපිය පෙන්වා දෙයි.

මෙම කොමසාරිස්වරුන් දෙදනාගෙන් එක් අයෙක් වන හිටපු පොලිස්පති චන්ද්‍රා ප්‍රනාන්දු වර්ථමානයෙහි ජාතික පොලිස් කොමිසමෙහි සභාපතිවරයා වන අතර හිටපු  ශ්‍රේෂ්ඨාධිකරන විනිසුරුවරයකු වූ උපාලි අබේරත්න අතුරුදහන් වූ පුද්ලයින් පිළිබඳ කාර්යාලයේ සභාපති වේ.

පෞද්ගලික පුද්ගලයින් විසින් කරනු ලබන පැමිණිලි සම්බන්ධයෙන් කොමිසමට අධිකරණ බලයක් නොමැති බව ගරු නීතිපතිවරයා විසින් 2020 ජුනි 22 දින ලිඛිත ප්‍රකාශයක් මගින් කොමිසමට දැනුම් දෙන ලදී. නීතිපති විසින් යවන ලද ලිපිය පදනම් කරගෙන කරුණු ඉදිරිපත් කිරීම සඳහා කොමිෂන් සභාවේ අවසරය ඉල්ලා සිටි නියෝජ්‍ය සොලිසිටර් ජෙනරාල්වරුන් වන විකුම් ද අබ්රූ සහ රොහාන්ත අබේසූරියගේ ඉදිරිපත් කිරීම් පවා විභාග කිරීම කොමිසමේ සාමාජිකයින් අහංකාර ලෙස ප්‍රතික්ෂේප කරන ලද බවත් එම ලිපිය තව දුරටත් පෙන්වා දෙයි.

නීතිපති විසින් ලියන ලද එම ලිපිය පිළිබඳ තීන්දුවක් ලබා දී අදාළ විමර්ශනය බාධාවකින් තොරව ඉදිරියට ගෙන ගොස් ඇත. නීතිපති දෙපාර්තමේන්තුවේ නිලධාරීන් දෙදෙනා නීතිපති විසින් යවන ලද ලිපියට කරුණු ඉදිරිපත් කිරීමට උත්සාහ කරන විට ප්‍රසිද්ධියේ අවමානයට ලක් කර තර්ජනය කර නිහකර කරන ලද බවත් මෙය භයානක, බියජනක හා පෙර නොවූ විරූ දෙයක් බවත් එම ලිපියට අත්සන් කරන විපක්ෂ මංත්‍රීවරු සහ මංත්‍රීවරියන් සඳහන් කරති.

කොමිසම විසින් සිය අත්ඉතනෝමතික නිගමන උඩ   ඉදිරිපත් කර ඇති  නිර්දේශයන්ට අනුව,

  • නඩු විභාගයකට මුහුණ දී සිටින චූදිතයන් මහේස්ත්‍රාත් අධිකරණයේ නඩු විභාගයෙන් නිදොස් කොට නිදහස් කළ යුතුය.
  • මහාධිකරණයේ හෝ විශේෂ මහාධිකරණ නඩු විභාගයකට මුහුණ දී සිටින චූදිතයන් නිදොස් කොට නිදහස් කළ යුතුය. නැත්නම් එම නඩු නීතිපතිවරයා විසින් ඉල්ලා අස්කර ගත යුතුය.
  • මෙම චූදිතයන්ට එරෙහිව නඩු පැවරූ නීතිපති දෙපාර්තමේන්තුවේ නිලධාරීන්ට, මෙම කරුණු සම්බන්ධයෙන් තම අදහස් ප්‍රකාශ කළ වෙනත් නීතිවරුන්ට දණ්ඩ නීති සංග්‍රහයේ 189 වන වගන්තිය යටතේ ව්‍යාජ සාක්ෂි ගොතන ලදැයි චෝදනා කර විමර්ශන කොමිෂන් සභාවට වාර්තා කළ යුතුය. අල්ලස් හෝ දූෂණ විමර්ශන කොමිසමට එම නිලධාරීන් පිළිබඳව වාර්තා කළ යුතුය.
  • දණ්ඩ නීති සංග්‍රහයේ 189 වන වගන්තිය යටතේ ව්‍යාජ සාක්ෂි සැකසීම සම්බන්ධයෙන් පරීක්ෂණ පැවැත්වූ පොලිස් නිලධාරීන්ට එරෙහිව චෝදනා ගොනු කොට දූෂණ චෝදනා ලැබීමට අල්ලස් හා දූෂණ කොමිසමට වාර්තා කළ යුතුය.
  • නීතිපතිවරයා විසින් නඩුව නැවත විවෘත කර විත්තිකරු නිදහස් කිරීමට පියවර ගන්නා ලෙස නිර්දේශ කර ඇත.
  • අදාළ චූදිතයන්ට ශ්‍රී ලංකා රජය විසින් ප්‍රමාණවත් වන්දි ගෙවීම.

නීති වරුන් වන උපලි අබයරත්න සහ චන්ද්‍රසිරි ජයතිලක යන කොමසාරිස්වරුන් දෙදෙනා නීති වෘත්තිය නීතිවිරෝධී හා නින්දිත අයුරින් අවමානයට ලක් කර ඇතැයි ද එම ලිපිය සඳහන් කරයි. නීතියින්ගේ කාර්යභාරය පැහැර ැරීම සම්බන්ධයෙන් එම දෙදනොට ශ්‍රී ලංකාවේ නීතිසංගමය විසින් නිදහසට කරුණු ඉදිරිපත් කිරීමට අවස්ථාවක් ලබා දිය යුතුය. ඔවුන් නිදහසට කරුණු ඉදිරිපත් කිරීමට අපොහොසත් වූව හොත්, ඔවුන්ගේ නම් නීතිවරුන්ගේ කාර්යභාරයෙන් ඉවත් කිරීම සඳහා ශ්‍රේෂ් ශේෂ්ධිකරණයට වාර්තා කළ යුතුය.

ශ්‍රී ලංකා ආන්ඩු ක්‍රම ව්‍යවස්ථාවෙහි 111 වගන්තිය අනුවඅධිකරණ කටයුතුවලට අයුතු ලෙස මැදිහත් වීමේ කොමසාරිස්වරුන් කරදක් කර ඇති බවද එම ලිපිය සදහන් කරයි.

ශ්‍රී ලංකා ප්‍රජාතාන්ත්‍රික සමාජවාදී ජනරජයේ ආණ්ඩුක්‍රම ව්‍යවස්ථාව එම වගන්ති මෙසේය,

111 . (1) අධිකරණ බලතල හෝ කාර්ය නැතහොත් මෙම පරිච්ඡේදය යටතේ වූ කාර්ය නැතහොත් පාර්ලිමේන්තුව විසින් පනවන ලද යම් නීතියක් යටතේ ඒ හා සමාන කාර්ය පැවරී ඇති සෑම විනිශ්චයකාරවරයකු ම, මූලාසනාරූඪ නිලධරයකු ම, රජයේ නිලධරයකු ම හෝ වෙනත් සෑම තැනැත්තකු ම තමන්ට පැවරී ඇති බලතල ක්‍රියාත්මක කිරීමේ දී හා කර්තව්‍ය ඉටු කිරීමේ දී තමන්ට විධානයක් කිරීමට හෝ තමන් අධීක්ෂණය කිරීමට හෝ නීතියෙන් හිමිකම් ඇති ජ්‍යෙෂ්ඨ අධිකරණයක, විනිශ්චය අධිකාරයක, ආයතනයක හෝ එසේ ම හිමිකම් ඇති වෙනත් තැනැත්තකුගේ හෝ විධානයකට නැතහොත් බලපෑමකට හැර වෙනත් කිසිම තැනැත්තකුගේ විධානයකට නැතහොත් බලපෑමකට යටත් නොවිය යුත්තේ ය.

111 බලතල ක්‍රියාත්මක කිරීමේ දී හෝ කර්තව්‍ය ඉටු කිරීමේ දී හෝ ඒ විනිශ්චයකාරවරයා, මූලාසනාරූඪ නිලධරයා, රජයේ නිලධරයා හෝ නිලධරයා කෙරෙහි නීත්‍යනුකූල බලයක් නොමැතිව යම්කිසි බලපෑමක් කරන හෝ බලපෑමක් කිරීමට තැත් කරන සෑම තැනැත්තෙක් ම වරදක් කරන අතර, මහාධිකරණය විසින් ජූරි සභාවක් නොමැතිව පවත්වනු ලබන නඩු විභාගයකින් පසු වරදකරු කරනු ලැබූ විට එක් අවුරුද්දක් දක්වා දීර්ඝ විය හැකි කාල සීමාවකට දෙයාකාරයෙන් එක් ආකාරයක බන්ධනාගාරගත කිරීමකට හෝ දඩයකට හෝ ඒ බන්ධනාගාරගත කිරීම හා දඩය යන දඬුවම් දෙකට ම හෝ යටත් වන්නේ ය. ඊට අමතරව එසේ වරදකරු කරනු ලැබූ දින සිට ඒ තැනැත්තා, අවුරුදු හතක් නොඉක්මවන කාලයකට, ඡන්ද හිමියකු වීමට ද ජනමත විචාරණයක දී හෝ ශ්‍රී ලංකා ජනරජයේ ජනාධිපතිවරයා තෝරා පත් කර ගැනීමේ ඡන්ද විමසීමක දී හෝ පාර්ලිමේන්තු මන්ත්‍රීවරයකු තෝරා පත් කර ගැනීමේ මැතිවරණයක දී හෝ පළාත් පාලන ආයතනයක සභිකයන් තෝරා පත් කර ගැනීමේ ඡන්ද විමසීමක දී හෝ ඡන්දය දීමට හෝ රජයේ කවර වූ හෝ ධුරයක් දැරීමට නැතහොත් රජයේ නිලධරයකු වශයෙන් සේවයෙහි නියුක්ත කරනු ලැබීමට ද නුසුදුස්සකු කරනු ලැබිය හැක්කේ ය.

කොමිෂන් සභාවක කොමසාරිස්වරුන් ලෙස කටයුතු කළ එම පුද්ගලයින් තිදෙනා ව්‍යවස්ථාවෙහි එම වගන්තිය උලංඝනය කර ඇතැයි ප්‍රකාශ කරන විපක්ෂ මංත්‍රීවරු ඔවුන්ට එරෙහිව නඩු පැවරීය යුතු බව ප්‍රකාශ කරයි.

මෙම තත්වයන් යටතේ, එම මංත්‍රීවරු හතලිස් දෙනා   ශ්‍රේෂ්ඨාධිකරණයෙන් මෙසේ ඉල්ලා සිටී.

() ශ්‍රී ලංකා ආණ්ඩුක්‍රම ව්‍යවස්ථාවේ 105 (3) ව්‍යවස්ථාව යටතේ අධිකරණයට අපහාස කිරීම උඩ එම උපාලි අබේරත්න, චන්ද්‍රසිරි ජයතිලක සහ චන්ද්‍ර ප්‍රනාන්දු සම්බන්ධයෙන් පියවර ගන්න.

() ශ්‍රී ලංකාවේ ශ්‍රේෂ්ඨාධිකරණයේ නීතියේ නීතියින්ගේ ලැයිස්තුවෙන් උපාලි අබේරත්න සහ චන්ද්‍රසිරි ජයතිලකගේ නම් ඉවත් කිරීමට නියෝග කරන්න.

() ශ්‍රී ලංකා ආණ්ඩුක්‍රම ව්‍යවස්ථාවේ 111 () වගන්තිය යටතේ එම උපාලි අබයරත්න, චන්ද්‍ර ජයතිලකේ සහ චන්ද්‍ර ප්‍රනාන්දු යන අයට එරෙහිව නඩු පැවරීමට නීතිපතිවරයාට දන්වන්න.

ඉංග්‍රිසි ලිපියෙහි සිංහලානුවාදය ශ්‍රී ලංකා බ්‍රිෆ් විසිනි. නිල පරිවර්ථනයක් නොවන බව සළකන්න. මුල් ලිපිය මෙහි දැක්වේ.

Archive

Latest news

Related news