දිලිත් ජයවිරගේ අනුරාධපුර නායකයා අල්ලස් ගැනීමට 16 වසරකට හිරේ!
උතුරු මැද පළාත් හිටපු ප්‍රධාන අමාත්‍ය එස්.එම්. රංජිත් සහ ඔහුගේ පෞද්ගලික ලේකම් ශාන්ති චන්ද්‍රසේන යන දෙදෙනාට කොළඹ මහාධිකරණය විසින් වසර 16 ක බරපතල වැඩ සහිත සිර දඬුවම් නියම කර තිබේ. ඔවුන්ගේ හිමිකම් ඉක්මවා ඉන්ධන දීමනා වංචනික ලෙස ලබා ගැනීමෙන් මහජන මුදල් අවභාවිත කිරීම සම්බන්ධයෙන් ඔවුන්ට වසර 16 ක සිර දඬුවම් නියම කර තිබේ.
මාධ්‍ය ක්ෂේත්‍රයේ ප්‍රමුඛයෙකු වන දිලිත් ජයවීරගේ සර්ව ජනබලය දේශපාලන පක්ෂයේ අනුරාධපුර දිස්ත්‍රික් නායකයා වන්නේ එස්.එම්. රංජිත් ය. “අද දෙරණ” වැනි ඔහුගේ මාධ්‍ය තවමත් නඩුව වාර්තා කර නොමැත.
එස්.එම්.රංජිත් යනු රනිල්වාදී සහ හිටපු අමාත්‍ය එස්.එම්. චන්ද්‍රසේනගේ සහෝදරයා වන අතර ශාන්තිනි, චන්ද්‍රසේනගේ බිරිඳ වේ.
උතුරු මැද පළාතේ හිටපු මුල්ම ඇමති එස්.එම්. රංජිත් සහ ඔහුගේ පුද්ගලික ලේකම් ශාන්ති චන්ද්‍රසේන යන දෙදෙනා රජයේ මුදල් අනිසි ලෙස භාවිතා කිරීමේ චෝදනාව මත වසර 16ක බරපතල වඩ සහිත දඩුවම් ලබා දී ඇත.
ප්‍රධාන කරුණු:
-
චෝදනා: 2012 සිට 2014 දක්වා රංජිත් මුල්ම ඇමතිව සිටියදී, ලීටර් 16,784ක (රු. ලක්ෂ 26) ඉන්ධන අනවසරයෙන් ලබා ගැනීමේ චෝදනාවට ඔප්පු විය.
-
අතිරේක දඩය: දෙදෙනාටම රු. ලක්ෂ 2ක දඩයක් නියම කර ඇති අතර, එය නොගෙවන්නේ නම් තවත් වසර 2ක සිරදඬුවම ලබා දීමට නියම කර ඇත.
-
උසාවි තීන්දුව: අල්ලස් කටයුතු රටේ ආර්ථිකයට හානි කරන බව අවධාරණය කරමින්, රාජ්‍ය නිලධාරීන්ට දැඩි දඬුවම් ලබා දිය යුතු බව විනිසුරුවරයා පැහැදිළි කළේය.
-
අභියාචනා කිරීමේ අයිතිය: චෝදිතයින්ට මෙම තීන්දුවට එරෙහිව උසාවියේ අභියාචනා කළ හැකිය.
මෙම නඩුව ශ්‍රී ලංකාවේ දූෂණ විරෝධී ප්‍රයත්නවල කොටසක් වන අතර, රාජ්‍ය නිලධාරීන්ගේ වගකීම් සහ පාරදූෂණයේ බරපතල ප්‍රතිවිපාක පෙන්වා දෙයි.
බීබීසී සිංහල සේවය මෙසේ ද සඳහන් කරයි.
තීන්දුව ප්‍රකාශයට පත් කරමින් කොළඹ මහාධිකරණ විනිසුරු ආදිත්‍ය පටබැඳිගේ කියා සිටියේ විත්තිකරුවන්ට එරෙහිව අල්ලස් පනත යටතේ චෝදනා හයක් ගොනුකර තිබූ බවයි.
ඉන් චෝදනා දෙකකට විත්තිකරුවන් වරදකරු කරන බව විනිසුරුවරයා සඳහන් කළේය.
දඬුවම් නියම කිරීමට පෙර අධිකරණය හමුවේ කරුණු දැක්වූ අල්ලස් කොමිසම වෙනුවෙන් පෙනී සිටි නීතිඥවරිය මෙම නඩුවේ පළමු වන විත්තිකාර හිටපු ප්‍රධාන අමාත්‍යවරයා මහජන ඡන්දයෙන් උතුරු මැද පළාත් සභාවට තේරී පත් වූ පුද්ගලයකු බව සඳහන් කළාය.
” මොහු මහජන ඡන්දයෙන් තේරී පත් වුණේ අනුරාධපුර දිස්ත්‍රික්කයෙන්. අනුරාධපුර දිස්ත්‍රික්කය කියන්නේ තරමක දුෂ්කර දිස්ත්‍රික්කයක්. එහි වැඩි වශයෙන් වාසය කරන්නේ ගොවීන්. මෙසේ දුෂ්කර ජනතාවක් ජීවත් වන ප්‍රදේශයක මහජන නියෝජිතයින් වශයෙන් තේරී පත් වී මහජන මුදල් අවභාවිතා කරමින් විත්තිකරුවන් මෙම දූෂණ ක්‍රියාවේ නිරත ව තිබෙනවා. 2012 වසරේ ඔහු විසින් අවභාවිතා කළ මුදල්වල වටිනාකම රුපියල් ලක්ෂ 26 කට අධිකයි. එම මුදල්වල වර්තමාන වටිනාකම ඊටත් වඩා වැඩියි” යනුවෙන් සඳහන් කළ එම නීතිඥවරිය මෙම චෝදනාවල බරපතලභාවය සැලකිල්ලට ගෙන විත්තිකරුවන්ට නිසි දඬුවම් ලබා දෙන ලෙසත් ඇය අධිකරණයෙන් ඉල්ලා සිටියා ය.
විත්තිය වෙනුවෙන් පෙනී සිටි නීතිඥවරයා අධිකරණය හමුවේ කරුණු දක්වමින් මෙය 2012 වසරේ සිදුවූ වරදක් බවත් විත්තිකරුවන් නඩුව කඩිනමින් අවසන් කිරීමට පූර්ණ සහාය ලබාදී ඇති බවත් සඳහන් කළේය.
මෙම තත්ත්වය සැලකිල්ලට ගෙන තම සේවාදායකයින්ට ලිහිල් දඬුවමක් ලබා දෙන ලෙසත් ඔහු අධිකරණයෙන් ඉල්ලා සිටියේ ය.
ඉන් අනතුරුව තීන්දුව ප්‍රකාශයට පත් කළ මහාධිකරණ විනිසුරුවරයා “වෙනත් අපරාධ සම්බන්ධයෙන් දඬුවම් නියම කිරීමේදී අනුගමනය කරන ක්‍රියා පටිපාටිය මෙම සිද්ධියේදී අනුගමනය කිරීමට හැකියාවක් නැහැ. මෙම නඩුකරය තුළින් අනාවරණය වන්නේ ආර්ථික අපරාධයක්. පළමු වන විත්තිකරු මහජන නියෝජිතයකු වශයෙන් තේරී පත්වූ අයෙකු වන අතර ඔහු මහජනතාවට වගකිව යුතු ආකාරයෙන් කටයුතු කිරීමට බැඳී සිටිනවා. දූෂණ ක්‍රියා නිසා රටේ ආර්ථිකයටත් අහිතකර බලපෑම් එල්ල වෙනවා. පසුගිය කාලයේ අපේ රට දැඩි ආර්ථික අර්බුදයකට මුහුණ දුන්නා. මේ නිසා අපේ රටේ ජනතාව දැඩි ලෙස පීඩාවට පත්වුණා. මෙවැනි ආර්ථික අර්බුදවලට රට තුළ සිදුවන දූෂණ ක්‍රියාත් බලපානවා. එම නිසා මෙවැනි චෝදනා එල්ල වන මහජන නියෝජිතයින්, රජයේ නිලධාරීන් හා අධිකරණ නිලධාරීන් සම්බන්ධයෙන් ලිහිල්ව කටයුතු කිරීමට හැකියාවක් නැහැ. ඔවුන්ට නීතියෙන් ලබා දිය හැකි උපරිම දඬුවම් ලබාදීමට සිදුවෙනවා” යනුවෙන් සඳහන් කළ විනිසුරුවරයා අනතුරුව මෙම තීන්දුව ප්‍රකාශයට පත් කළේය.
