Tuesday, June 28, 2022

මැයි 09දා මංත්‍රීවරුන් 120 ඝාතනය කිරීමට සැළැස්මක් තිබුණා යැයි සනත් නිශාන්තගේ ප්‍රකාශය ගැන පරීක්ෂණයක් කරන්න – තරුණ ජනමාධ්‍යවේදියෝ

ඡායාරූපය: නීති කැඩීම සනත් නිශාන්තගේ පුරුද්දදකි.

මැයි 11 වැනිදා වන විට පාර්ලිමේන්තු මන්ත්‍රීවරුන් 120 දෙනකු පවුල් පිටින් මරා දැමීමට සැලසුමක් තිබුණේ  යැයි පොදු ජවන පෙරමුණේ මැර මංත්‍රීවරයකු වන සනත් නිශාන්ත විසින්  පසුගිය 16දා කරන ලද ප්‍රකාශය ගැන විධිමත් පරීක්ෂණයක් කරන ලෙස පොලිස්පති වික්‍රමරත්න වෙත ලිපියක් යවමින් තරුණ ජනමාධ්‍යවේදීන්ගේ සංගමය ඉල්ලා සිටී.

ඒම ලිපිය මෙසේද පවසයි: “එමෙන්ම මැයි 11 වැනිදා වන විට පාර්ලිමේන්තු මන්ත්‍රීවරුන් 120 දෙනකු පවුල් පිටින් මරා දැමීමට සැලසුමක් තිබුණේ නම් මන්ත්‍රීවරයා කළ යුත්තේ ඒ ගැන ආරක්ෂක අංශ දැනුම්වත් කිරීමය. එසේ නැතිනම් අදාල ආයතනවලට පැමිණිලි කිරීමය. එසේ නොකර මන්ත්‍රීවරයා මැර කණ්ඩායම් සමග ගෝඨාගෝගම සහ මයිනාගෝගම සාමකාමී අරගලයට කඩා පැන්නේ ජනතාව කුපිත කර රට පුරා කළබලකාරී සිදුවීම් ඇති කිරීම එම මන්ත්‍රීවරයා ප්‍රමුඛ ආණ්ඩුවේ සැලසුමක් ලෙස තිබු නිසා විය යුතුය.”

ලිපිය පහත දැක්වේ.

චන්දන වික්‍රමරත්න මහතා,
පොලිස්පති,
පොලිස් මූලස්ථානය,
කොළඹ.

පොලිස්පතිතුමනි,

ඇප ලැබුණු සනත් නිශාන්ත මන්ත්‍රීවරයා කළ බරපතල ප්‍රකාශයක් සම්බන්ධවයි

ඇප ලැබීමෙන් පසු මැයි නව වැනිදා ගිනි ගත් නිවස බැලීමට ගිය පාර්ලිමේන්තු මන්ත්‍රී සනත් නිශාන්ත මහතා කළැයි කියන ප්‍රකාශයක් ඊයේ (16) රාත්‍රී ජනමාධ්‍ය වාර්තා කළේය.

එහිදී මන්ත්‍රීවරයා ප්‍රකාශ කරන්නේ මැයි 09වැනිදා සිදුවීම (සාමකාමී අරගලයට පහරදීම) සුළු සිදුවීමක් ලෙසයි. එමෙන්ම මැයි 11 වැනිදා වන විට පාර්ලිමේන්තු මන්ත්‍රීවරුන් 120 දෙනකු ඔවුන්ගේ නිවාසවල පවුල්පිටින් මරා ගිනිබත් කරන සැලැස්මක් තිබුණු බවද සනත් නිශාන්ත මන්ත්‍රීවරයා සඳහන් කරයි. මෙය සුලුකොට තැකිය නොහැකි බරපතල ප්‍රකාශයකි.

මැයි 09 වැනිදා ආණ්ඩුව සහ පොලිසියේ පිරිසක් සැලසුම් සහගතව ගාලු මුවදොර සාමකාමී අරගලයට පහරදීමෙන් පසු රටපුරා ඇතිවූ තත්ත්වයේ වගකීම ද සාමකාමී අරගලයට පහරදුන් පිරිසම ගත යුතු බව මීට පෙර අපි ඔබට ලිඛිතව දැනුම් දුන්නෙමු. ඊට හේතුව දේශපාලන සහ ආර්ථික පීඩා හමුවේ ජීවත්වීමට පවා නොහැකිව සිටින ජනතාව ජනාධිපතිවරයා ප්‍රමුඛ ආණ්ඩුවට ඉල්ලා අස්වන ලෙස බල කරද්දී ගෝඨාගෝගම සහ මයිනාගෝගම සාමකාමී අරගලයට පහර දුනහොත් රට පුරා ජනතාව කළබල විය හැකි බව ආණ්ඩුව සහ පොලිසිය දැන සිටිය යුතුය. මීට පෙර ලිපියේද අප සඳහන් කළ පරිදි රට පුරා කළබලකාරී තත්ත්වයක් ඇති කර හදිසි නීති රෙගුලාසි පැනවීමේ වුවමනාවෙන් ගෝඨාගෝගමට සහ මයිනාගෝගමට පහර දුන්නාදැයි සාධාරණ සැකයක් ඕනෑම පුරවැසියකුට ඇතිවිය හැකිය.

ගින්නෙන් හෝ පුපුරණ ද්‍රව්‍යවලින් අනර්ථයක් සිදු කිරීම, පහරදීම, මනුෂ්‍ය ඝාතනයට උත්සාහ කිරීම වැනි බරපතල සිදුවීම් ගෝඨාගෝගම සහ මයිනාගෝගම සිදුවී තිබියදී ඒවා සුලු සිදුවීම් ලෙස ගෙන ප්‍රකාශ කිරීම නැවත වරක් ජනතාව ප්‍රකෝප කිරීමට මන්ත්‍රීවරයා කළ ප්‍රකාශයක්දැයි බරපතල සැකයක් පවතී.

එමෙන්ම මැයි 11 වැනිදා වන විට පාර්ලිමේන්තු මන්ත්‍රීවරුන් 120 දෙනකු පවුල් පිටින් මරා දැමීමට සැලසුමක් තිබුණේ නම් මන්ත්‍රීවරයා කළ යුත්තේ ඒ ගැන ආරක්ෂක අංශ දැනුම්වත් කිරීමය. එසේ නැතිනම් අදාල ආයතනවලට පැමිණිලි කිරීමය. එසේ නොකර මන්ත්‍රීවරයා මැර කණ්ඩායම් සමග ගෝඨාගෝගම සහ මයිනාගෝගම සාමකාමී අරගලයට කඩා පැන්නේ ජනතාව කුපිත කර රට පුරා කළබලකාරී සිදුවීම් ඇති කිරීම එම මන්ත්‍රීවරයා ප්‍රමුඛ ආණ්ඩුවේ සැලසුමක් ලෙස තිබු නිසා විය යුතුය.

පාර්ලිමේන්තු මන්ත්‍රීවරුන් 120 දෙනකු ඝාතනය කිරීමේ සැලසුමක් තිබුණේ නම් එය බරපතල තත්ත්වයකි. එම සැලසුම කාගේද යන්න හෙළිදරව් කිරීම මහජන ඡන්දයෙන් පාර්ලිමේන්තුවට තෝරා පත් කර යැවූ මන්ත්‍රීවරයකුගේ වගකීමකි.

එසේ හෙයින්,

1) පාර්ලිමේන්තු මන්ත්‍රීවරුන් 120 දෙනකු පවුල් පිටින් ඝාතනය කිරීමේ සැලසුම ගැන සනත් නිශාන්ත මන්ත්‍රීවරයාගෙන් ප්‍රශ්න කර විමර්ශනයක් පවත්වන ලෙසත්,

2) ගෝඨාගෝගම සහ මයිනාගෝගම සාමකාමී අරගලයට පහරදුන් විට රට පුරා කළබලකාරී තත්ත්වයක් ඇතිවිය හැකි බව දැන දැනම සහ එවැනි තත්ත්වයක් ඇති කිරීමේ වුවමනාවෙන්, එවැනි තත්ත්වයක් ඇති කිරීම සඳහා ගෝඨාගෝගමට සහ මයිනාගෝගමට පහර දුන්, පහරදීමට ආධාර අනුබල දුන් සහ සැලසුම් කළ හිටපු අගමැතිවරයා, හිටපු ඇමැතිවරුන්, දේශපාලනඥයන්, ආරක්ෂක ලේකම්, පොලිස් නිලධාරීන් ඇතුළු රාජ්‍ය නිලධාරීන්ට ද රට පුරා ඇති වූ සිදුවීම්වල අපරාධ වගකීම පැවරීමට කටයුතු කරන ලෙසත්, ජනමාධ්‍යවේදීන්ගේ සංගමය ලෙස අපි ඉල්ලා සිටිමු.

ස්තුතියි.
මෙයට,

තරුණ ජනමාධ්‍යවේදීන්ගේ සංගමය

Archive

Latest news

ගෝඨා-රනිල් ගොන් බානට කළ හැක්කේ බැරි මරගාතේ අදින කරත්තය තවතවත් මඩ ගොහොරුවේම ගිල්වීමයි. – රංජිත් හේනායක ආරච්චි

ලංකා දේශපාලනය විසින් අද රටෙහි ජනතාව රසායනාගාර මීයන් හෝ හාවුන් ලෙස ගනිමින් රට අසාර්ථක  පර්යේෂණාගාරයක් බවට පත් කොට තිබේ.   එම තත්වයට රට පත් කර...

ඉන්ධන අර්බූදාය භයානක තත්වය සහ විය හැකි හැකි බරපතල ප්‍රතිවිපාක තේරුම් ගන්න. – නීතිඥ සංගමය රජයට කියයි

ශ්‍රී ලංකා රජය  ජන ජීවිතයට අහිතකර ලෙස බලපාන වත්මන් ආර්ථික අර්බුදය සහ එහි ප්‍රතිඵලයක් ලෙස විශේෂයෙන් ඉන්ධන හිඟය පාලනය කරන ආකාරය පිළිබඳව  සිය කනස්සල්ල...

පරිහානියේ මාර්ග සිතියම : “විද්‍යාත්මක”  අයවැය – ආචාර්ය (නීතිඥ) ශානුක සෙනරත්

2022 අයවැය කරළියට පැමිණෙන්නේ ලංකාවේ ආර්ථිකය විශාල ගැටලුකාරී තත්ත්වයක් අබිමුව පවතින අවස්ථාවකයි. ලංකාව ඒ වකවානුව වන විට එක් පැත්තකින් විදෙස් සංචිත හිඟ වෙමින් යනව,...

තෙල් නැව් ලණුව කෑ රනිල්ගේ අවසානයේ ආරම්භය තෙල්, ගෑස්, විදුලි අර්බුයද? – රජිත් කීර්ති තෙන්නකෝන් 

තෙල් - ගෑස් - විදුලි අර්බුද අද සිට ජූනි 30 දක්වා මොකද වෙන්නේ? ලංකාවට දෙන්නට බැරි දෙයක්, ඉන්දියාව ඉල්ලයි.  ඉන්දු ලංකා ගිවිසුමේන් පසුව, ඉන්දියාවේ දැවැන්තම...

Related news

ගෝඨා-රනිල් ගොන් බානට කළ හැක්කේ බැරි මරගාතේ අදින කරත්තය තවතවත් මඩ ගොහොරුවේම ගිල්වීමයි. – රංජිත් හේනායක ආරච්චි

ලංකා දේශපාලනය විසින් අද රටෙහි ජනතාව රසායනාගාර මීයන් හෝ හාවුන් ලෙස ගනිමින් රට අසාර්ථක  පර්යේෂණාගාරයක් බවට පත් කොට තිබේ.   එම තත්වයට රට පත් කර...

ඉන්ධන අර්බූදාය භයානක තත්වය සහ විය හැකි හැකි බරපතල ප්‍රතිවිපාක තේරුම් ගන්න. – නීතිඥ සංගමය රජයට කියයි

ශ්‍රී ලංකා රජය  ජන ජීවිතයට අහිතකර ලෙස බලපාන වත්මන් ආර්ථික අර්බුදය සහ එහි ප්‍රතිඵලයක් ලෙස විශේෂයෙන් ඉන්ධන හිඟය පාලනය කරන ආකාරය පිළිබඳව  සිය කනස්සල්ල...

පරිහානියේ මාර්ග සිතියම : “විද්‍යාත්මක”  අයවැය – ආචාර්ය (නීතිඥ) ශානුක සෙනරත්

2022 අයවැය කරළියට පැමිණෙන්නේ ලංකාවේ ආර්ථිකය විශාල ගැටලුකාරී තත්ත්වයක් අබිමුව පවතින අවස්ථාවකයි. ලංකාව ඒ වකවානුව වන විට එක් පැත්තකින් විදෙස් සංචිත හිඟ වෙමින් යනව,...

තෙල් නැව් ලණුව කෑ රනිල්ගේ අවසානයේ ආරම්භය තෙල්, ගෑස්, විදුලි අර්බුයද? – රජිත් කීර්ති තෙන්නකෝන් 

තෙල් - ගෑස් - විදුලි අර්බුද අද සිට ජූනි 30 දක්වා මොකද වෙන්නේ? ලංකාවට දෙන්නට බැරි දෙයක්, ඉන්දියාව ඉල්ලයි.  ඉන්දු ලංකා ගිවිසුමේන් පසුව, ඉන්දියාවේ දැවැන්තම...