Wednesday, August 10, 2022

සාධාරණ සමාජයක් සඳහා වන ජාතික ව්‍යාපාරය අර්බූදය විසඳීමට යෝජනා තුනක් ඉදිරිපත් කරයි

ප්‍රායෝගික නොවන බලලෝභී ඉල්ලීම් ප්‍රතික්ෂේප කරමින් රට වෙනුවෙන් වූ අවම පොදු වැඩ පිළිවෙලක් සහිත එකඟත්වයකට යොමුවීම සියළුම දේශෙපාලන පක්ෂවල වගකීමය

වර්තමානයේ රට මුහුණ දෙමින් සිටින දැවැන්ත අර්බුදයට විසඳුම ලෙස තම ආණ්ඩුවට එක්වන ලෙස ගරු ජනාධිපතිතුමා විපක්ෂයේ සියළුම දේශපාලන පක්ෂවලට ඇරයුම් කර තිබේ. රට මුහුණ දී ඇති අර්බුදයේ දැවැන්ත ගැඹුර සැලකීමේදීත්, රටේ ජනතාව එක හඬින් ඉල්ලා සිටින ප්‍රධානතම කරුණ ගැන අවධානය යොමු කිරීමේදීත් එය සැලකිය හැක්කේ පළදායක නොවන බලලෝභී ඉල්ලීමක් ලෙසටය.

එබැවින් සාධාරණ සමාජයක් සඳහා වන  ජාතික ව්‍යාපාරය මේ මොහොතේ ගරු ජනාධිපතිතුමාගෙන් ඉල්ලා සිටින්නේ අන් සියල්ලටම පෙර මේ රටේ සාතිශය බහුතර ජනතාවගේ ඉල්ලීමට සාවධානව ඇහුම්කන් දෙන ලෙසටය. එමෙන්ම පාර්ලිමේන්තුව නියෝජනය කරන සියළුම පක්ෂ නායකයන්ගෙන් සහ පාර්ලිමේන්තුවේ ගරු මන්ත්‍රීවරුන්ගෙන් ඉල්ලා සිටින්නේ රට මුහුණ දෙමින් සිටින අර්බුදයේ ගැඹුර මැනවින් තේරුම් ගනිමින් එම තත්ත්වය හමුවේ රට අරාජික වීම වැලැක්වීම සඳහා නොපමාව පොදු සම්මුතියකට එළඹෙන ලෙසටය. එකී සම්මුතිය හුදු සර්වපාක්ෂික ආණ්ඩුවක් වෙනුවෙන් හෝ මේ රටේ එක්තරා සීමිත පවුල් කණ්ඩායමක පාලනයක් වෙනුවෙන් නොවිය යුතුය. පළමුව රට මුහුණ දෙමින් සිටින දැවැන්ත අර්බුදය සමහන් කරගනිමින් ඒ සමඟම නොපමාවම රාජ්‍යයේ හා ආණ්ඩුකරනයේ මූලික ප්‍රතිසංස්කරණ  සඳහා වන වැඩපිළිවෙලක් වෙනුවෙන් එකී සම්මුති ගත වීම සිදුවිය යුතුව ඇතැයි යන්න අපගේ බලවත් විශ්වාසයයි.

ඒ අනුව අපගේ ප්‍රථම යෝජනාව වන්නේ පාර්ලිමේන්තුව නියෝජනය කරන සියළුම දේශපාලන පක්ෂ වල සහභාගිත්වයෙන් හෝ එකඟත්වයෙන් තාවකාලික භාරකාර ආණ්ඩුවක් පිහිටවා ගැනීම මැනවැයි යන්නය. එම භාරකාර රජයේ ප්‍රථම කාර්යය විය යුත්තේ රටේ ව්‍යාවස්ථාදායකය දුර්වල කරමින් හා අකර්මණ්‍ය කරමින් එක් පුද්ගලයෙක් වෙත අසීමිත බලතල කේන්ද්‍ර කරගෙන ඇති 20වන ආණ්ඩුක්‍රම ව්‍යවස්ථා සංශෝධනය අහෝසි කිරීමය.  එමෙන්ම 19වන ආණ්ඩුක්‍රම ව්‍යාවස්ථා සංශෝධනයෙහි හඳුනාගෙන ඇති දුර්වලතා ඉවත් කරමින් එහි මූලික පදනම මත ගොඩනැගෙන 21වන ආණ්ඩුක්‍රම ව්‍යවස්ථා සංශෝධනයකට යොමු වීමය.

අනතුරුව සිදුවිය යුතු කඩිනම් පියවර විය යුත්තේ රට මුහුණ දී ඇති ගෙවුම්ශේෂ අර්බුදය හා එය හේතුවක් ද කරගනිමින් පැන නැගී ඇති ආර්ථික අර්බුදයෙන් රට මුදා ගැනීම සඳහා දේශීය හා විදේශීය විශේෂඥ  වරුන්ගේ හා  විශේෂඥ  ආයතනයන්හි  සහයෝගය ලබා ගනිමින් නිසි විසදුම් සපයා ගැනීමය. පැහැදිළිවම ඒ සඳහා යොදාගත යුතුව ඇති නිශ්චිත වැඩ පිළිවෙල හා කාලරාමුව රට හමුවේ ප්‍රකාශ කිරීම එහිදී අතිශයින්ම වැදගත්ය.

එහි තෙවන පියවර විය යුත්තේ භාරකාර රජය බලයට පත්වීමෙන් මාස 18ක කාලයක් සම්පූර්ණ වීමට පෙර රටේ ආණ්ඩුක්‍රම ප්‍රතිසංස්කරණ උදෙසා යොමු වීමය. එහිදී මූලික වගකීම වනු ඇත්තේ අසීමිත හා අත්තනෝමතික විධායක බලතල සහිත ජනාධිපති ක්‍රමය පදනම් කරගත් ආණ්ඩුක්‍රම ව්‍යවස්ථාව වෙනුවට ජනතා පරමාධිපත්‍යය, රටේ ස්වාධිපත්‍යය, භෞමික අඛණ්ඩතාවය හා ජනතාවගේ මූලික අයිතීන් ආරක්ෂා කෙරෙන නව ආණ්ඩුක්‍රම ව්‍යවස්ථාවක් සම්මත කර ගැනීමය. භාරකාර රජයේ මූලික වගකීම හා කාර්යභාරය එපමණකට සීමාවිය යුතුව ඇතැයි යන්න අප සංවිධානයේ ස්ථාවරය වන අතර, එය සම්පූර්ණ කිරීමත් සමඟ නව රජයක් බිහිකර ගැනීම උදෙසා රටේ පුරවැසියන්ට අවස්ථාව ලබාදෙමින් වහාම මහ මැතිවරණයකට යොමු විය යුතුව තිබේ.

මෙකී තෙවදෑරුම් යෝජනා අප විසින් රටේ සියලුම දේශපාලන පක්ෂ වලට හා සමස්ත මහජනතාව වෙත යොමු කරන්නේ ඉතාමත්ම සද්භාවයෙනි. එමගින් අප අපේක්ෂා කරන්නේ රටේ ජනතාව මුහුණ දෙමින් සිටින අනේකවිධ දුෂ්කරතාවලින් ඔවුන් මුදවා ගැනීම සඳහා වන මාවතකට යොමු වීම මෙන්ම රටේ යහපැවැත්ම උදෙසා අත්‍යවශ්‍යයෙන්ම සිදු කළ යුතුව ඇති දේශපාලන ප්‍රතිසංස්කරණ සඳහා  අවම වැඩපිළිවෙලක් සහිත පොදු එකඟත්වයක් ඇති කර ගැනීමටය. එමෙන්ම මෙම යෝජනාවට පදනම් වූ කරුණු මුල් කරගනිමින් ඒ ඒ දේශපාලන පක්ෂ යෝජනා කරන අදහස් හා යෝජනා ද රටට ඉදිරිපත් කරමින් මේ රටට ආදරය කරන, රටේ මතු අනාගත පරපුරේ යහපත හා ආරක්ෂාව ප්‍රාර්ථනා කරන සියළුම බලවේග නොපමාව පෙරට ආ යුතුව ඇතැයි යන්න අපගේ ඒකායන අපේක්ෂාවය.

දේශබන්ධු කරු ජයසූරිය. සභාපති, සාධාරණ සමාජයක් සඳහා වන ජාතික ව්‍යාපාරය

Archive

Latest news

ජනමත සමික්ෂනයක්: හදිසි නීතියට 65% විරුද්ධයි; අරගලයට 80%කට වැඩි සහයෝගයක්; රට නැවීමට අනුරට පළමු තැන.

වත්මන් ආර්ථික අර්බුදයේ මහජන අත්දැකීම් නමින් කොළඹ රාජ්‍ය නොවන සංවිධානයක් වන විකල්ප ප්‍රතිපත්ති කේන්ද්‍රය මගින් සමීක්ෂනයක ප්‍රතිපළ ප්‍රකාශයට පත් කර තිබේ. එය හැදින්වෙන්නේ ශ්‍රී...

එක්සත් ජාතීන්ගේ මානව හිමිකම් විශේෂඥයෝ විරෝධතා මර්දනය කිරීම සඳහා ලංකාණ්ඩුව හදිසි නීතිය නැවත නැවත භාවිතා කිරීම හෙළා දකිති!

ජිනීවා (8 අගෝස්තු 2022) - එක්සත් ජාතීන්ගේ මානව හිමිකම් විශේෂඥ‍යෝ  ආර්ථික කඩාවැටීමක් මධ්‍යයේ සාමකාමී විරෝධතාකරුවන් මර්දනය කිරීමට සහ ඔවුන්ගේ දුක්ගැනවිලි ප්‍රකාශ කිරීම වැළැක්වීම සඳහා...

කබල් දූශිත දේශපාලකයින් වීරයන් කරවන ක්‍රමවේදය වෙනුවට විශිෂ්ඨ දූර දර්ශී රාජ්‍ය තාන්ත්‍රිකයින් බිහිකරන මාර්ගයක්

සෑම මාසයකම නව වෙනිදිනට නියමිත දේශපාලනික පෙරළියකට මාන බලමින් අරගල භූමියේ සිදුවිය හැකි ‍නවග්‍රහ පුජාව කුමක්ද යන කුතුහලයෙන් අපහසුවෙන් ජීවිතය ගැටගසා ගැනීමට ශ්‍රී ලාංකේයන්ට...

ජූලි 08 ඇදිරි නීතිය නීති විරෝධියි; තරුණ ජනමාධ්‍යවේදියෝ පොලිස්පතිට එරෙහිව ශ්‍රේෂ්ඨාධිකරණයට යති.

නීතියේ ප්‍රතිපාදනවලින් බැහැරව පොලිස්පතිවරයා විසින් පසුගිය ජූලි 08 වැනිදා පොලිස් ඇඳිරිනීතිය පැනවීමෙන් මූලික අයිතිවාසිකම් කඩවූ බවට ප්‍රකාශ කරන්නැයි ඉල්ලා තරුණ ජනමාධ්‍යවේදීන්ගේ සංගමය නියෝජනය කරමින්...

Related news

ජනමත සමික්ෂනයක්: හදිසි නීතියට 65% විරුද්ධයි; අරගලයට 80%කට වැඩි සහයෝගයක්; රට නැවීමට අනුරට පළමු තැන.

වත්මන් ආර්ථික අර්බුදයේ මහජන අත්දැකීම් නමින් කොළඹ රාජ්‍ය නොවන සංවිධානයක් වන විකල්ප ප්‍රතිපත්ති කේන්ද්‍රය මගින් සමීක්ෂනයක ප්‍රතිපළ ප්‍රකාශයට පත් කර තිබේ. එය හැදින්වෙන්නේ ශ්‍රී...

එක්සත් ජාතීන්ගේ මානව හිමිකම් විශේෂඥයෝ විරෝධතා මර්දනය කිරීම සඳහා ලංකාණ්ඩුව හදිසි නීතිය නැවත නැවත භාවිතා කිරීම හෙළා දකිති!

ජිනීවා (8 අගෝස්තු 2022) - එක්සත් ජාතීන්ගේ මානව හිමිකම් විශේෂඥ‍යෝ  ආර්ථික කඩාවැටීමක් මධ්‍යයේ සාමකාමී විරෝධතාකරුවන් මර්දනය කිරීමට සහ ඔවුන්ගේ දුක්ගැනවිලි ප්‍රකාශ කිරීම වැළැක්වීම සඳහා...

කබල් දූශිත දේශපාලකයින් වීරයන් කරවන ක්‍රමවේදය වෙනුවට විශිෂ්ඨ දූර දර්ශී රාජ්‍ය තාන්ත්‍රිකයින් බිහිකරන මාර්ගයක්

සෑම මාසයකම නව වෙනිදිනට නියමිත දේශපාලනික පෙරළියකට මාන බලමින් අරගල භූමියේ සිදුවිය හැකි ‍නවග්‍රහ පුජාව කුමක්ද යන කුතුහලයෙන් අපහසුවෙන් ජීවිතය ගැටගසා ගැනීමට ශ්‍රී ලාංකේයන්ට...

ජූලි 08 ඇදිරි නීතිය නීති විරෝධියි; තරුණ ජනමාධ්‍යවේදියෝ පොලිස්පතිට එරෙහිව ශ්‍රේෂ්ඨාධිකරණයට යති.

නීතියේ ප්‍රතිපාදනවලින් බැහැරව පොලිස්පතිවරයා විසින් පසුගිය ජූලි 08 වැනිදා පොලිස් ඇඳිරිනීතිය පැනවීමෙන් මූලික අයිතිවාසිකම් කඩවූ බවට ප්‍රකාශ කරන්නැයි ඉල්ලා තරුණ ජනමාධ්‍යවේදීන්ගේ සංගමය නියෝජනය කරමින්...