Tuesday, January 26, 2021

සංහිදියාවට තර්ජනය ස්මාරකය නොව එය කඩා බිඳ දැමිමයි – ජෝෂප් ස්ටාලින්, ලංකා ගුරු සංගමය

යාපනය සරසවියෙහි ඉදිකර තිබූ මුල්ලවෙයික්කාල් මියගියවුන් සිහි කිරීමේ ස්මාරකය බිදදැමුවේ එමගින් සිංහල දෙමළ අසමගිය ඇතිවන නිසා යැයි විශ්ව විද්‍යාල ප්‍රතිපාදන කොමිෂන් සභාවේ සභාපති මහාචාර්ය සම්පත් අමරතුංග ප්‍රකාශ කිරීමෙන් පසු අද යළි එම ස්මාරකය ඉදි කිරීමට යාපනය විශ්ව විද්‍යාලයේ උපකුලපති එස්. ශී‍්‍ර සත්ගුණරාජා පියවර ගැනීම තේරුම ගත හැක්කේ කෙසේදැයි නිවේදනයක් නිකුත් කරන ලංකා ගුරු සංගමය ප්‍රශ්ණ කරයි.

එහි ප්‍රධාන ලේකම් ජෝෂප් ස්ටාලින් කියා සිටින්නේ ස්මාරකය විනාශ කිරීම හෙළා දකින ලංකා ගුරු සංගමය ඒ සම්බන්ධයෙන් දැඩි අප්‍රසාදය පළ කරන බවයි.

දකුණේ විශ්ව විද්‍යාලවල ද විවිධ ස්මාරක ඉදිකර ඇති බව පෙන්වා දෙන එම නිවේදනය ස්මාරක ඉදිකිරීම, සාහිත්‍ය නිර්මාණ, මූර්ති, චිත‍්‍ර, උද්ඝෝෂණ ආදිය මගින් විවිධාකාරයෙන් තම අදහස් ප්‍රකාශ කිරීමට කටයුතු කිරීම ප්‍රජාතත්ත‍්‍රවාදී අයිතික් බව ප්‍රකාශ කරයි. යාපනය විශ්ව විද්‍යාලයේ පමණක් එම අයිතිය භාවිතා කිරීමෙන් විශේෂයෙන් ගැටලූවක් ඇති විය නොහැකි බව එය කියා සිටී.

එම නිවේදනය පහතින්:

යාපනය විශ්ව විද්‍යාලයේ ස්මාරකය විනාශ කිරීම හෙළා දකිමු !

යුද්ධයෙන් මියගිය යාපනය විශ්ව විද්‍යාලයේ සිසුන්, සේවකයින්, නිලධාරීන් සිහිපත් කිරීම වෙනුවෙන් යාපනය විශ්වවිද්‍යාල භූමියේ ඉදිකර තිබූ ස්මාරකය විනාශ කිරීම හෙළා දකින ලංකා ගුරු සංගමය ඒ සම්බන්ධයෙන් දැඩි අප්‍රසාදය පළ කර සිටී. මෙම කි‍්‍රයාව යුද්ධයේ දී තම සමීපතමයින් අහිමිව වේදනාකාරීව ජීවත් වන දෙමළ ජනතාව දැඩි කළකිරීමකට පත්කරවන කි‍්‍රයාවකි. එසේම මෙවැනි කි‍්‍රයා ජාතීන් අතර සංහිදියාවට බරපතල තර්ජනයකි.

මෙම ස්මාරකය විනාශ කිරීමට එරෙහිව යාපනය විශ්ව විද්‍යාලයේ සිසුන් මාරාන්තික උපවාසයක් ආරම්භ කිරීමෙන් පසු අද (11) දින නැවත එම ස්මාරකය ඉදිරිකිරීමට මුල්ගල් තැබීමට යාපනය විශ්ව විද්‍යාලයේ උපකුලපති එස්. ශී‍්‍ර සත්ගුණරාජා මහතා පියවර ගෙන තිබුණි. මෙම ස්මාරකය ඉවත් කිරීම සම්බන්ධයෙන් මාධ්‍ය නිවේදනයක් නිකුත් කරමින් විශ්ව විද්‍යාල ප්‍රතිපාදන කොමිෂන් සභාවේ සභාපති මහාචාර්ය සම්පත් අමරතුංග මහතා ප්‍රකශ කර සිටියේ හෙට දවසේ සිංහල දමිළ දරුවන් අතර අසමගිය ඇතිවීමට ඉඩ නොතැබීමක් ලෙස යාපනය විශ්ව විද්‍යාලයේ උපකුලපතිවරයා විසින් මෙම ස්මාරකය ඉවත් කළ බවයි. මහාචාර්ය සම්පත් අමරතුංග මහතා විසින් නිකුත් කළ මාධ්‍ය නිවේදනයේ වැඩිදුරටත් දැක්වෙන්නේ මහාචාර්ය ශී‍්‍ර සත්ගුණරාජා මහතා ලංකාවේ සිටින අතිවිශිෂ්ඨ විද්‍යාඥයෙක්, දක්ෂ පරිපාලකයෙක් හා දක්ෂතම උපකුලපතිවරයෙක් ලෙස එම ස්මාරකය අද දවසට හා හෙට දවසට නොගැළපෙන නිසා එය යාපනය විශ්වවිද්‍යාලයේ ඉවත් කිරීමට තීරණය කළ බවයි.

එවැනි තීරණයක් මත ස්මාරකය ඉවත් කළේ නම් එය ඉදිකිරීම සඳහා එම උපකුලපතිවරයාම නැවත මුල්ගල තබන්නේ කුමන පදනමකින්ද යන්න ගැටලූවකි. සිසුන් අතර සමගිය වෙනුවෙන් එවැනි කටයුත්තක් සිදුකළේ නම් මහාචාර්ය සම්පත් අරමතුංග ප්‍රකාශ කරන ආකාරයේ දක්ෂ පරිපාලකයෙකු කළ යුතුව තිබුණේ විශ්ව විද්‍යාල සිසුන් සහ විශ්ව විද්‍යාල ප‍්‍රජාව සමග සාකච්ජා කර එකඟතාවයකින් යුතුව කටයුතු කිරීම මිස මිලිටරි බලය යොදා දෙමළ ජනායගේ සිත්වේදනාවන් තවදුරටත් තීව‍්‍ර වන පරිදි කටයුතු කිරීම නොවන බව නොවැටහීම බරපතල කනගාටුදායක තත්වයකි.

දකුණේ විශ්ව විද්‍යාලවල ද විවිධ ස්මාරක ඉදිකර ඇති අතර, ස්මාරක ඉදිකිරීම, සාහිත්‍ය නිර්මාණ, මූර්ති, චිත‍්‍ර, උද්ඝෝෂණ ආදිය මගින් විවිධාකාරයෙන් තම අදහස් ප‍්‍රකාශ කිරීමට කටයුතු කිරීම ප්‍රජාතත්ත‍්‍රවාදී අයිතියකි. යාපනය විශ්ව විද්‍යාලයේ පමණක් එම අයිතිය භාවිතා කිරීමෙන් විශේෂයෙන් ගැටලූවක් ඇති නොවේ. යාපනය විශ්ව විද්‍යාලයේ වර්තමානයේ පමණක් නොව යුදමය වාතාවරණයට පෙර ද සිංහල සිසුන්, සිංහල මහාචාර්යවරු කටයුතු කළ බව වර්තමාන විශ්ව විද්‍යාල ප්‍රතිපාදන කොමිසමට අමතක වීම බරපතල ගැටලූවකි. සිංහල විෂය පිළිබඳ මහාචාර්යවරයෙකු වූ මහාචාර්ය සුචරිත ගම්ලත්, ධර්මසේන පතිරාජ ඇතුළු කළකරුවන් මෙන්ම විද්වතුන් ද එවකට යාපන විශ්ව විද්‍යාලයේ කටයුතු කළ ආකාරය සිහිපත් කරමු.

මෙවැනි ඉතිහාසක් පැවති යාපන විශ්ව විද්‍යාලයේ, යුද්ධයෙන් මියගිය අය සිහිකිරීම වෙනුවෙන් ඉදිකළ ස්මාරකයක් විනාශ කර ප්‍රජාතන්ත‍්‍ර අයිතීන් උල්ලංඝණය කරමින්, ප්‍රශ්න ඇතිවන ආකාරයෙන් කටයුතු කිරීම ලංකා ගුරු සංගමය දැඩි ලෙස හෙළා දකී.

මෙයට,

ජෝසප් ස්ටාලින්
ප්‍රධාන ලේකම්

Archive

Latest news

කොවිඩ් මරණ බලහත්කාරයෙන් අදාහනය කිරීම නතර කරන සේ එක්සත් ජාතීන්ගේ විශේෂඥයෝ ලංකාණ්ඩුවට කියති.

කොවිඩ් 19 අසාදිතව මියයන පුද්ගලයින් බලහත්කාරයෙන් ආදාහනය කිරීමේ ප්‍රතිපත්තිය අවසන් කරන ලෙස එක්සත් ජාතීන්ගේ මානව හිමිකම් විශේෂඥයින් * ඊයේ ශ්‍රී ලංකා රජයෙන් ඉල්ලා...

ජනපති රාජපක්ෂගේ අලුත් කොමිසම මානව හිමිකම් කවුන්සිලය නොමඟ යැවීමට කළ බොරුවක් – අන්තර් ජාතික නීති විශාරදයින්ගේ කොමිසම

අතීත මානව හිමිකම් සහ මානුෂීය නීති උල්ලංඝනයන් පිළිබඳ වාර්තා සමාලෝචනය කිරීම සඳහා යැයි ජනාධිපති රාජපක්ෂ විසින් අලුතින් පත් කරන ලද විමර්ශන කොමිෂන් සභාව මගින්...

ශ්‍රී ලංකාවේ යුද අපරාධ: චූදිතයින්ට සම්බාධක සහ ජත්‍යන්තර යුද අධිකරණයට යොමු කිරීමට මිෂෙල් බෂලේ යෝජනා කරයි!

ශ්‍රී ලංකාවේ යුද්ධයේ අවසන් අදියරෙහි දී “මානව හිමිකම් උල්ලංනය කිරීම් සම්බන්ධයෙන් පිළිගත හැකි චෝදනා ලැබ සිටින” අයවලුන්ට එරෙහිව සංචාරක තහනම් පනවන ලෙසත්, ඔවුන්ගේ විදෙස්...

රනිල්, සම්පන්දන්, අනුර කුමාර, මංගල, පාටලී, රවුෆ්, පොන්සේකා ඇතුළු 21 දෙනෙකුට දඩුවම් කරන සේ ජනපති කොමිසම නිර්දේශ කරයි!

ආණ්ඩුක්‍රම ව්‍යවස්ථාව උල්ලංඝනය කලේයැයි වෝදනා කොට හිටපු අගමැති රනිල් වික්‍රමසිංහ සහ තවත් 21 දෙනෙකුට දඬුවම් පැනවීම සඳහා පාර්ලිමේන්තුවට නිර්දේශ ඉදිරිපත් කිරීම සඳහා විශේෂ...

Related news

කොවිඩ් මරණ බලහත්කාරයෙන් අදාහනය කිරීම නතර කරන සේ එක්සත් ජාතීන්ගේ විශේෂඥයෝ ලංකාණ්ඩුවට කියති.

කොවිඩ් 19 අසාදිතව මියයන පුද්ගලයින් බලහත්කාරයෙන් ආදාහනය කිරීමේ ප්‍රතිපත්තිය අවසන් කරන ලෙස එක්සත් ජාතීන්ගේ මානව හිමිකම් විශේෂඥයින් * ඊයේ ශ්‍රී ලංකා රජයෙන් ඉල්ලා...

ජනපති රාජපක්ෂගේ අලුත් කොමිසම මානව හිමිකම් කවුන්සිලය නොමඟ යැවීමට කළ බොරුවක් – අන්තර් ජාතික නීති විශාරදයින්ගේ කොමිසම

අතීත මානව හිමිකම් සහ මානුෂීය නීති උල්ලංඝනයන් පිළිබඳ වාර්තා සමාලෝචනය කිරීම සඳහා යැයි ජනාධිපති රාජපක්ෂ විසින් අලුතින් පත් කරන ලද විමර්ශන කොමිෂන් සභාව මගින්...

ශ්‍රී ලංකාවේ යුද අපරාධ: චූදිතයින්ට සම්බාධක සහ ජත්‍යන්තර යුද අධිකරණයට යොමු කිරීමට මිෂෙල් බෂලේ යෝජනා කරයි!

ශ්‍රී ලංකාවේ යුද්ධයේ අවසන් අදියරෙහි දී “මානව හිමිකම් උල්ලංනය කිරීම් සම්බන්ධයෙන් පිළිගත හැකි චෝදනා ලැබ සිටින” අයවලුන්ට එරෙහිව සංචාරක තහනම් පනවන ලෙසත්, ඔවුන්ගේ විදෙස්...

රනිල්, සම්පන්දන්, අනුර කුමාර, මංගල, පාටලී, රවුෆ්, පොන්සේකා ඇතුළු 21 දෙනෙකුට දඩුවම් කරන සේ ජනපති කොමිසම නිර්දේශ කරයි!

ආණ්ඩුක්‍රම ව්‍යවස්ථාව උල්ලංඝනය කලේයැයි වෝදනා කොට හිටපු අගමැති රනිල් වික්‍රමසිංහ සහ තවත් 21 දෙනෙකුට දඬුවම් පැනවීම සඳහා පාර්ලිමේන්තුවට නිර්දේශ ඉදිරිපත් කිරීම සඳහා විශේෂ...