Friday, December 4, 2020

මැලිබන් ව්‍යාපාරයට අයත් ජොර්දානයේ ඇඟලුම් කම්හලක ලාංකික සේවක-සේවිකා 400කින් 300ට කොවිඩ්

ජොර්දානයේ  අල් දුලෙල් ප්‍රදේශයේ පිහිටි, ශ්‍රී ලංකාවේ මැලිබන් සමූහ ව්‍යාපාරයට අයත් ඇඟලුම් කම්හලක රැකියාවේ නියුතුව  සේවයේ නියුතු කම්කරුවන් 1200 න් 400 ක් පමන ශ්‍රී ලාංකිකන් වන බවත් එම 400 න් 300 ක්ම කොරෝනා රෝගයෙන් ආසාදිත වූ බව වාර්තා ලෝක සමාජවාදී වෙඩ් අඩවිය වාර්තා කරයි. මෙම කම්හලෙහි රැකියාවේ නියුතුව සිටි තරුන කම්කරුවෙකු කොරෝනා රෝගයෙන් මියගිය බව ඔක්තෝබර් 03 දා සිරස නිවුස් ෆස්ට් වාර්තා කලේය.

නිසි සෞඛ්‍යාරක්ෂන ක්‍රමවේදයන් නොමැතිව කම්හල් යලි විවෘත කිරීම හේතුවෙන්, සැප්තැම්බර් අග සිට ජෝර්දානය තුල කොවිඩ්-19 වසංගත ව්‍යාප්තියේ සීඝ්‍ර වැඩි වීමක් දක්නට ලැබෙන බව කියන ඒම වාර්තාවට අනුව පසුගිය ජූලි 31 වන විට 1193 ක් ව පැවති එරට ආසාදිතයින් සංඛ්‍යාව, ඔක්තෝබර් 10 වන විට 20,898 දක්වා ඉහල නැගීී ඇත.. එම කාල පරාසය තුල සමස්ත මරන සංඛ්‍යාව 11 සිට 181ක් දක්වා වැඩි විය. ඒ් අතර  ශ්‍රී ලාංකික කම්කරුවෝද වෙති.

ජෝර්දානයේ ශ්‍රී ලාංකික කම්කරු නවාතැන්පොලක්

එම වාර්තාව තවදුරටත් මෙසේ දක්වයි.

එම ආයතනයේ 100 ක පමන සේවක පිරිසක් මේ සිදුවීම ගැන තම අදහස් ප්‍රකාශ කරන ආකාරය අන්තර් ජාලයෙන් නැරඹිය හැක. ඔවුන්ගෙන් කෙනෙකු මෙසේ පවසයි. “මේ ඉන්නේ එක රෝ එකක (පේලියක) කොටසක් විතරයි. අපිට එලියට යන්න බෑ. කන්න බොන්න නෑ. මෙතන ඉන්න අය කොවිඩ් නෙගටිව් (ආසාදිත නොවන) හෝ පොසිටිව් (ආසාදිත) කියලා වෙන් කරලා නෑ. ඔක්කොම එක ගොඩේ ඉන්නේ. අපි හැදිච්ච (ආසාදිත) කට්ටිය, අනෙක් අයගේ කාමර වලට දානවා. එතකොට ඒ අයටත් හැදෙනවා.”

සමහර කම්කරුවන් ආසාදනයෙන් වැලකීමට කාමරවල දොරවල් වසාගෙන සිටින බවත්, තවත් සමහරු පලාගොස් ඇති බවත් කම්කරුවෝ පවසති. “මේ වීඩියෝ එක ෂෙයා වෙලා ගිහින් ජනාධිපති තුමා හරි දැකලා අපිව ලංකාවට ගෙන්නගන්න ඕනෑ. නිසි පිලිතුරක් නැතිව අපි අසරන වෙලා ඉන්නේ.” යැයි කම්කරුවෙක් පවසයි.

එවැනි කම්හලෙහි සේවක සේවිකාවන් මෙසෙද පවසා තිබේ.

වැඩපලේ තුන් දෙනෙකුට කොරෝනා වැලඳුනා. ඒත් කම්හලේ වැඩ නතරකලේ නෑ. පීසීආර් කරලා පොසිටිව් බව දැනගන්න තුරුම දිගටම වැඩ කලා. සති දෙකක සිට එම්බසි (තානාපති කාර්යාල) වලට කතා කලා. සත පහකට ගනන් ගත්තේ නෑ. ෆැක්ටරි මැනේජර් ඇතුලු නිලධාරීන්ට දැනුම් දුන්නා. ෆැක්ටරි මැනේජර් කිසිදු වගකීමක් නැතිව ෆැක්ටරියෙන් පැනලා ගියා. අපිට වැඩ කරන්න බැරි මට්ටමට වැටුනයින් පස්සේ වැඩ නොකර කාමර වල නැවතුනා.”

පාලකයො කාමර වලට ඇවිල්ලා වැඩ කලේ නැතිනම් කෑම නොදෙන බවට තර්ජනය කලා. එහෙම තර්ජනය කරලා වැඩට අරන් ගියා. එහෙම යද්දී වැඩි කොටසකට කොරෝනා වැලඳුනා. මුලු ඔක්කොටම ඔවුන් කොරෝනා බෝ කලා. අවසානයේ අපට කර කියාගන්න දෙයක් නෑ. අපේ එක්කෙනෙක් නැති උනා.”

පසුගිය පෙබරවාරි අග, හිටි අඩියේම, ආර්ථිකය වසා දමා ඇති අතර, මාස එකහමාරක් පමන මුලු කාලය පුරාම කම්කරුවන්ට ගෙවා ඇත්තේ අර්ධ මාසික වැටුපකි. වසංගතයේ ව්‍යාප්තිය ඇරඹි මුල් කාලයේ උදේ හවස උන පරීක්ෂාව සිදු කලද දැන් එය උදේට පමනක් සීමා කර තිබේ. ආරම්භයේදී මෙම ආයතනය විසින්, සේවකයින්ට මුඛ ආවරන බෙදා දී ඇති නමුත් ඒවා ප්‍රමිතියකින් තොරවූ බව කම්කරුවෝ පවසති. පසුව මුඛ ආවරන 50 ක් අඩංගු පැකට්ටුව බැගින් කම්කරුවන් අතර බෙදා දී ඒ වෙනුවෙන් එක් අයෙකුගෙන් රු 1000 බැගින් වැටුපෙන් අයකර ගෙන තිබේ.

අගුලු දැමූ මුලු කාලය පුරාම සේවා ස්ථානයෙන් පිට වීම දැඩිලෙස සීමා කර තිබේ. අවශ්‍ය දෑ මිලදීගැනීම සඳහා ආයතනයට සමීප වෙලඳසැලට වරකට 10 දෙනා බැගින් යාමට ඉඩ සලසාදී ඇත. “මේ කාලය මහත් පීඩාකාරී වුනා. ස්ත්‍රී කම්කරුවන්ගේ සනීපාරක්ෂාවට අත්‍යවශ්‍ය දේ පවා නොමැතිව ඔවුන් විශාල ගැටලු වලට මුහුන දුන්නායැයි කම්කරුවෙක් පැවසීය.

අවසර පත්‍රයක් අතැතිව පවා මහමග ගමන් කල පුද්ගලයන්, මුඛ ආවරන නොපැලඳීමේ චෝදනාව මත, ජෝර්දාන් ඩිනාර් 100 (ලංකා රුපියල් 26,000) දඩයකට යටත් කෙරුනි. එය කම්කරුවෙකුගේ මාසික වැටුපට වඩා අඩු වන්නේ යන්තමිනි.

අගුලු දැමූ කාලය තුල, තම අවශ්‍යතා සපුරාගැනීමට මහමගට පැමිනෙන්නන්, මෘග පොලිස් ප්‍රහාරයන්ට ලක් කෙරී ඇත. විශේෂයෙන් විදේශ ශ්‍රමිකයින් බිම දමා පාගා ඉතා අමානුෂික දඬුවම් වලට ලක් කරන අවස්ථා ඔවුන් ජංගම වීඩියෝ දර්ශන මගින් දැක ඇත. එවැනි වධබන්දන තුලින් අනතුරුව, ඔවුන් පොලිස් අත්අඩංගුවට පත්වීම අනිවාර්ය වේ. මුල් වරට ඇඳිරි නීතිය කඩන්නන් ජෝර්දාන් ඩිනාර් 120 ක දඩයකට යටත් කෙරෙන අතර, දෙවෙනි හා තෙවෙනි අවස්ථා වලදී එය 200 හා 300 බවට පත් වේ.

වසා දැමූ ගුවන්තොටුපලවල් මෙතෙක් විවෘත කර නොමැති අතර, කිසිම හවුහරනක් නැතිව හිරවී සිටින කම්කරුවන්ට වසංගතයෙන් දිවි ගලවාගෙන සිය රටට ඒමේ සියලු බලාපොරොත්තු සුන්ව ඇත. මෙම තතු තුල, වායු සමන පහසුකම් නොමැති නවාතැන් වල සිරවී සිටින කම්කරුවන්, උෂ්න සෘතුවේ බලගතු කායික පීඩාවන්ට ලක් වේ. සිසිල් වාතය සඳහා ඔවුනට නවාතැන් වලින් එලිමහනට පැමිනීමට බල කෙරෙන අතර, එය වසංගත ආසාදනයට රුකුලක් වෙයි.

ලෝසවෙඅ සමග කතා කල ඉර්බිඩ් නගරයේ ඇඟලුම් කම්හලක කම්කරුවන් පැවසුවේ, පසුගිය සතියේ එහි 208 දෙනෙකුට කොරෝනා වැලඳී ඇති බැව් තහවුරු වූ බවයි. ඉන් අටක් ශ්‍රී ලාංකිකයෝ වෙති. අනෙක් 200 ක පමන පිරිස වෙනත් රටවලින් පැමිනි කම්කරුවන් ය. ශ්‍රී ලාංකිකයින් අටදෙනා ඇඟලුම් කම්හලේම කාමර දෙකක නිරෝධායනය කර ඇත. ඔවුන්ට ආයතනයෙන් ලබාදෙන්නේ පැනඩෝල් සහ කොත්තමල්ලි පමනක් බව කම්කරුවෝ පැවසූහ. අවසානයේදී කම්හල වසා දමා ඇත.

www.wsws.org ඇසුරෙනි.

Archive

Latest news

වීරවංස පෙත්ත, මහර සහ දේශපාලනය – සුනන්ද දේශප්‍රිය

ඡායාරූපය: ගොනාට ඇඳිම සහ ඇන්ඳවීම යනු නූගත්කමේ දේශපාලනයේ  දෙපැත්තය. ඉස්සර තිබුණේ ගුලිය. දැන් පෙතිය. සියල්ලටම වඩා සැර පෙත්තට “වීරවංස පෙත්ත” යැයි කියනු ලැබේ. නොදන්නා දෙයක් නැති...

දැනුමේ නූතන දාන පාරමිතාව: ප්‍රියත් – සුදේශ් ද සිල්වා

Image @cfhaviland. මුළු රටම ගිනිගත් අවදියක්. අපොස උසස් පෙළ අවසන් කළ අප සවස් වන තුන හතර විට විට නිවසට ඒමට උත්සාහ කරමු. එලෙස පැමිණි පසු අප...

මහර ඝාතනයන්හෙළාදැකීමේ සිරකරු අයිතීන් සුරැකීමේ විරෝධතාවයටත් තහනම් නියෝගයක්

මහර බන්ධනාගාරයේ සිදු කරන ලද සමූළ ඝාතනයට එරෙහිව  අද දහවල් කොළඹ වැළිකඩ බන්ධනාගාරය ඉදිරිපිටදී පැවැත්වීමට සූදානම් කර තිබූ සාමකාමී විරෝධතාවය මහේස්ත්‍රාත් නියෝගයක් මගින් තහනම්...

ශ්‍රී ලංකාවේ කොවිඩ්19 භයානක මට්ටමක. සංචාරයෙන් වළකින්න – ඇමෙරිකානු අනතුරු හැඟවීමක්

ඇමරිකා එක්සත් ජනපදයේ කොව්ඩ් 19 වසංගතය සම්බන්ධයෙන් කටයුතු කරන බෝවන රෝග මර්ධන සහ පාලනය කිරිමේ මධ්‍යස්ථාන (Centers for Disease Control and Prevention –...

Related news

වීරවංස පෙත්ත, මහර සහ දේශපාලනය – සුනන්ද දේශප්‍රිය

ඡායාරූපය: ගොනාට ඇඳිම සහ ඇන්ඳවීම යනු නූගත්කමේ දේශපාලනයේ  දෙපැත්තය. ඉස්සර තිබුණේ ගුලිය. දැන් පෙතිය. සියල්ලටම වඩා සැර පෙත්තට “වීරවංස පෙත්ත” යැයි කියනු ලැබේ. නොදන්නා දෙයක් නැති...

දැනුමේ නූතන දාන පාරමිතාව: ප්‍රියත් – සුදේශ් ද සිල්වා

Image @cfhaviland. මුළු රටම ගිනිගත් අවදියක්. අපොස උසස් පෙළ අවසන් කළ අප සවස් වන තුන හතර විට විට නිවසට ඒමට උත්සාහ කරමු. එලෙස පැමිණි පසු අප...

මහර ඝාතනයන්හෙළාදැකීමේ සිරකරු අයිතීන් සුරැකීමේ විරෝධතාවයටත් තහනම් නියෝගයක්

මහර බන්ධනාගාරයේ සිදු කරන ලද සමූළ ඝාතනයට එරෙහිව  අද දහවල් කොළඹ වැළිකඩ බන්ධනාගාරය ඉදිරිපිටදී පැවැත්වීමට සූදානම් කර තිබූ සාමකාමී විරෝධතාවය මහේස්ත්‍රාත් නියෝගයක් මගින් තහනම්...

ශ්‍රී ලංකාවේ කොවිඩ්19 භයානක මට්ටමක. සංචාරයෙන් වළකින්න – ඇමෙරිකානු අනතුරු හැඟවීමක්

ඇමරිකා එක්සත් ජනපදයේ කොව්ඩ් 19 වසංගතය සම්බන්ධයෙන් කටයුතු කරන බෝවන රෝග මර්ධන සහ පාලනය කිරිමේ මධ්‍යස්ථාන (Centers for Disease Control and Prevention –...