Sri Lanka Brief
පුවත්නිලනිවසක ජීවත්වීම පිළිබඳ චෝදනාවට අදාළ කරුණු සම්පන්දන් පැහැදිලි කරයි!

නිලනිවසක ජීවත්වීම පිළිබඳ චෝදනාවට අදාළ කරුණු සම්පන්දන් පැහැදිලි කරයි!

by

විපක්ෂ නායකගේ බංගලාව හා ඒ හා සම්බන්ධ වෙනත් කරුණු සම්බන්ධයෙන් හදිසි මහජන වැදගත්කමක් ප්‍රකාශ කිරීම.
ප්‍රිය ගරු. කථානායකතුමනි,
2015 සැප්තැම්බර් මාසයේ දී ශ්‍රී ලංකා පාර්ලිමේන්තුවේ විපක්ෂ නායකවරයා ලෙස ඔබ මාව පිළි ගත්තේ ය.

ඒ වන විට, වසර විස්සකට වැඩි කාලයක්, පාර්ලිමේන්තු මන්ත්‍රීවරයකු වශයෙන්, මම සමුළු මහල් නිවාස 2 ඩී හි වාසය කර තිබූ අතර, එහිදී මම මහල් නිවාසයට ඇතුළු වන විට හෝ මහල් නිවාසයෙන් පිටවන සෑම අවස්ථාවකම පියවර 60-70ක් නගින්ට හෝ බසින්නට තිබුණි. මගේ වයස අනුව, මට වයස අවුරුදු අසූව (80) ඉක්මවා ඇත, මෙය ඉතා අපහසු සහ දුෂ්කර වූ නමුත් මම එය ඉවසා සිටියෙමි.

මට විපක්ෂ නායකවරයා සඳහා බංගලාව ලබා දුන්නේ 2017 සැප්තැම්බර් මාසයේදී පමණි, මා විපක්ෂ නායකයා බවට පත්වී වසර දෙකකට පසුව, මට විපක්ෂ නායක බංගලාවට යාමට හැකි වූයේ 2017 සැප්තැම්බර් මාසයේදී පමණි.

ඔවුන් මා වෙනුවෙන් බංගලාවක් සොයමින් සිටියදී හිටපු ජනාධිපතිවරයා මට යෝජනා කළේ මම බංගලාවක් කුලියට ගන්නා ලෙසයි. මට අධික වියදමක් දැරීමට සිදුවීම නිසා එය කිරීමට මට අවශ්‍ය නොවීය.

විපක්ෂ නායක ලෙස මට ලබා දී ඇති අනෙකුත් පහසුකම් බංගලාවට සහ කාර්ය මණ්ඩලයට අනුයුක්ත කර ඇත.

මම ගරු. කථානායක කරු ජයසූරිය මහතා හෝ ගරු. අග්‍රාමාත්‍ය රනිල් විකර්මසිංහ මහතා, විපක්ෂ නායක බංගලාවෙහි දිගටම රැදී මට අවසර දෙන ලෙස ඉල්ලා සිට නැත. ඔවුන් කුමන ක්‍රියාමාර්ගයක් ගත්තද, ඔවුන් කළේ ඔවුන්ගේ අභිමතය පරිදි ය. අඛණ්ඩව පවත්වාගෙන ගොස් ඇති අනෙකුත් පහසුකම් ද එම තීරණයට අනුව ය.

2018 ඔක්තෝබර් ආණ්ඩුක්‍රම ව්‍යවස්ථා අර්බුදයෙන් පසුව එවකට අග්‍රාමාත්‍ය ගරු. මහින්ද රාජපක්ෂ සහ එවකට විපක්ෂ නායක ගරු. රනිල් විකර්මසිංහ ස්ථාන හුවමාරු කර ගත් අතර එය එකවරම සිදුවිය.

විපක්ෂ නායකවරයා ලෙස මා ඉවත් කිරීම ද ඒ සමගම සිදුවිය.

මෙතෙක් සඳහන් කර නොමැති අනෙක් පහසුකම වන්නේ බෙන්ස් මෝටර් රථයක් වන CAT 1094 නම් වාහන අංකයයි. වාහනය 2017/1/30 දින මට භාර දෙන ලදී. මම වාහනය නව විපක්ෂ නායකවරයා වෙත 7/1/2019 දින යැව්වෙමි.
වාහනය මා සන්තකයේ තිබූ වසර දෙක තුළ එය කර ඇත්තේ කිලෝමීටර් 2082 ක් පමණි.

ප්‍රචාරය වන දේ ගැන මම කනගාටු වෙමි. මෙම නරක තත්වය දිගටම පැවතිය යුතු නැත.

ආර්. සම්පන්දන්
පාර්ලිමේන්තු මන්ත්‍රී
පාර්ලිමේන්තු කණ්ඩායම් නායක – ඉලන්කායි දෙමළ අරසු කඩ්චි (ITAK)
21/01/2020
(ඉංග්‍රිසි මුල් ලිපියේ සිංහලානුවාදය ශ්‍රී ලංකා බ්‍රීෆ් මගිනි)

Back to Top