Sunday, April 11, 2021

දේශපාලන හෙංචයියන්ට විදුහල්පති පත්වීම් දීම ආණ්ඩුවේ හෙළුව ප්‍රදර්ශනය කිරීමක් – ලංකා ගුරු සංගමය

ඡායාරූපය: ලංකා ගුරු සංගමය ගුරු අයිතිය වෙනුවෙන් ඉදිරියෙන්ම සිටින වෘත්ථීය සමිතියයි. මේ එය විසින් සංවිධානය කරන ලද උද්ඝෝෂණයක ජායාරූපයකි.(CTU FB)

තරග විභාගයක් පැවත්වීමෙන් තොරව විදුහල්පති සේවයේ 111 ශ්‍රේණියට නිලධාරීන් බඳවා ගැනීමට තීරණය කිරීම ව්‍යවස්ථා විරෝධි වන අතර ආණ්ඩුවේ හෙළුව ප්‍රදර්ශනය කිරීමක් බව ලංකා ගුරු සංගමය ප්‍රකාශ කරයි. එය තව දුරටත් පවසන්නේ මේ වන විට වැඩබලන විදුහල්පතිවරු ලෙස කටයුතු කරන්නේ විවිධ දේශපාලන හිතවත්කම් මත විදුහල්පති තනතුරුවල වැඩබලීමට පත්වීම් ලබා සිටින ගුරු සේවයේ නිලධාරීන් බවත් මෙමගින් ඔවුනට විදිහලුපති තනතුරු ප්‍රධානය කිරීමට තීරණය කර ඇති බවත්ය.

එම නිවේදනය පහත දැක්වේ.

පස්සදොරෙන් විදුහල්පති පත්වීම් දීමේ කැබිනට් තීරණයට විරෝධය

2021.03.01 දින පැවති අමාත්‍ය මණ්ඩල රැුස්වීමේදී ශී‍්‍ර ලංකා විදුහල්පති සේවයේ සේවා ව්‍යවස්ථාව උල්ලංඝණය කරමින් විදුහල්පති සේවයේ 111 ශ්‍රේණියට තරග විභාගයක් පැවත්වීමෙන් තොරව නිලධාරීන් බඳවා ගැනීමට තීරණය කර ඇත. මෙම තීරණය 1885/31 අංකයෙන් යුතු ශී‍්‍ර ලංකා විදුහල්පති සේවයේ සේවා ව්‍යවස්ථාව මුළුමනින්ම උල්ලංඝණය කිරීමකි. නීතියේ පාලනය තහවුරු කිරීමට යයි බලයට පැමිණි රජයක් විසින් මේ ආකාරයෙන් අනීතිකව කටයුතු කිරීම බරපතල කනගාටුදායක තත්වයකි.

අදාළ කැබිනට් තීරණයේ ‘‘මේ වන විට ශී‍්‍ර ලංකා විදුහල්පති සේවයේ 1, 11 සහ 111 යන ශ්‍රේණිවල පුරප්පාඩු 4,600 ක් පමණ පවතින අතර, දැනට රට තුළ පවතින කෝවිඞ් වසංගත තත්වය හමුවේ තරග විභාගයක් සහ ව්‍යුහගත සම්මුඛ පරීක්ෂණ පවත්වා විධිමත් පත්වීම් ලබා දීම සඳහා වර්ෂයකට වඩා වැඩි කාලයක් ගත වන බව නිරීක්ෂණය වී ඇත. එම කරුණු සැලකිල්ලට ගනිමින් දැනට දීර්ඝ කාලයක් තිස්සේ විදුහල්පති තනතුරුවල වැඩ බලන සහ රාජකාරි ආවරණය කරන ගුරු සේවයේ සුදුසුකම් ලත් නිලධාරීන්ට සහ සේවා ව්‍යවස්ථාව අනුව සුදුසුකම් සපුරන ගුරු සේවයේ අනෙකුත් නිලධාරීන්ට ද අවස්ථාවස්ථාව ලබාදෙමින් මේ අවස්ථාවට පමණක් සීමා වන පරිදි තරග විභාගයක් පැවැත්වීම වෙනුවට ව්‍යුහගත සම්මුඛ පරීක්ෂණයක් පවත්වා සුදුස්සන් තෝරාගෙන ශී‍්‍ර ලංකා විදුහල්පති සේවයේ 111 ශ්‍රේණියට පත් කිරීම පිණිස අවශ්‍ය පියවර ගැනීම’’ යනුවෙන් සඳහන් වේ.

උක්ත කැබිනට් තීරණයේ කෝවිඞ් වසංගත තත්වය තුළ තරග විභාගය පැවැත්වීමට වසරකට වැඩි කාලයක් ගත වන බව සඳහන් වීම බරපතල හාස්‍යයකි. කෝවිඞ් වසංගත තත්වය තුළ දිවයින පුරා උසස් පෙළ විභාගය පැවැත් වූ අතර, මේ වන විට සාමාන්‍ය පෙළ විභාගය ද මධ්‍යස්ථාන 4513 ක පැවැත්වෙන අතර එය දින 10 ක් පැවැත්වීමට නියමිතය. එවැනි ජාතික මට්ටමේ විභාග පැවැත්වීමට හැකියාව තිබියදී විදුහල්පතිවරු 4600 ක් තෝරාගැනීමට අදාළව එක් දිනක පමණක් පැවැත්වෙන තරග විභාගයක් පැවැත්වීමට වසරකට වැඩි කාලයක් ගත වනවාය යන්න ආණ්ඩුවේ කෛරාටික බව ඉතා හොඳින් ප්‍රදර්ශනය කෙරෙන ප‍්‍රකාශයකි. කෝවිඞ් 19 වසංගත තත්වයට මුවා වී සේවා ව්‍යවස්ථාව උල්ලංඝණය කරමින් පසුගිය වසරවල පැවති විදුහල්පති සේවයේ තරග විභාගවලින් තේරී පත්වීමට අසමත් වූ සුදුසුකම් රහිත වැඩබලන දේශපාලන ගැත්තන් විදුහල්පති සේවයට පත් කිරීමට කටයුතු කිරීම ආණ්ඩුවේ හෙළුව ප්‍රදර්ශනය කරන පිළිකුල් සහගත

කි‍්‍රයාවකි.

ශී‍්‍ර ලංකා විදුහල්පති සේවා ව්‍යවස්ථාවේ 7.2.4.3.1 හි පැහැදිලිව සඳහන් වන්නේ  ‘ලිඛිත පරීක්ෂණයට ලැබූ මුළු ලකුණු සංඛ්‍යාව පදනම්ව ඉහළම ලකුණු ලැබූ අනුපිළිවෙල අනුව පුරප්පාඩු සංඛ්‍යාව මෙන් දෙගුණයක් සාමාන්‍ය සම්මුඛ පරීක්ෂණයට කැඳවනු ලැබේ. එයින් සුදුසුකම් ලබන්නන් ව්‍යුහගත පරීක්ෂණයට කැඳවනු ලැබේ.’ යනුවෙනි. ඉහත කැබිනට් තීරණය මගින් සේවා ව්‍යවස්ථාවේ මෙම වගන්තියෙහි සඳහන් ක්‍රමවේදය පවා මුළුමනින්ම උල්ලංඝණය වේ. දිවයිනේ පවතින 10,174 ක් වන පාසල්වලින් අඩකට ආසන්න ප‍්‍රමාණයකට 4600 ක් පමණ විදුහල්පතිවරු මේ ආකාරයෙන් අනීතිකව පත්කිරීම අධ්‍යාපන පද්ධතිය තවදුරටත් පරිහානියකට පත් කිරීමකි.  

උක්ත කැබිනට් තීරණයේ සඳහන් වන්නේ දැනට දීර්ඝ කාලයක් තිස්සේ විදුහල්පති තනතුරුවල වැඩබලන සහ රාජකාරි ආවරණය කරන නිලධාරීන්ට අවස්ථාව ලබාදීමට මෙම තීරණය ගන්නා ලද බවයි. විදුහල්පති සේවයේ තරගය විභාගයක් අවසන් වරට පවත්වන ලද්දේ 2019 වසරේ දී ය. විදුහල්පති සේවයේ දීර්ඝ කාලයක් වැඩ බැලූ ගුරු සේවයේ නිලධාරීන්ට විභාගයට පෙනී සිට විදුහල්පති සේවයට ඇතුළත් වීමට ඒ අනුව ප්‍රමාණවත් තරම් අවස්ථාව තිබුණි.

මේ වන විට වැඩබලන විදුහල්පතිවරු ලෙස කටයුතු කරන්නේ විවිධ දේශපාලන හිතවත්කම් මත විදුහල්පති තනතුරුවල වැඩබලීමට පත්වීම් ලබා සිටින ගුරු සේවයේ නිලධාරීන්ය. අවස්ථා කිහිපයකදී ඔවුන් විදුහල්පති තනතුරුවල ස්ථානගත කිරීමට ගන්නා ලද උත්සාහයන් අසාර්ථක වීම තුළ මේ ආකාරයට විදුහල්පති සේවයේ තරග විභාගයක් පැවැත්වීමෙන් තොරව ඔවුන් පත් කර ගැනීමට උත්සාහ ගන්නා බව ඉහත කැබිනට් තීරණයෙන් මනාව පැහැදිලි වේ.

ශී‍්‍ර ලංකා විදුහල්පති සේවා ව්‍යවස්ථාව උල්ලංඝණය කරමින්, මේ ආකාරයෙන් කැබිනට් පති‍්‍රකාවක් මගින් පිළිකුල් සහගත ලෙස විදුහල්පති සේවයට පත්වීම් සිදු කිරීමට කටයුතු කිරීම වහා නතර කරන ලෙස ලංකා ගුරු සංගමය ඉල්ලා සිටී. එසේ නොකර මෙම කැබිනට් තීරණය කි‍්‍රයාත්මක කිරීමට කටයුතු කරන්නේ නම් අධ්‍යාපන ක්ෂේත‍්‍රයේ සියලූ පාර්ශව සමග එක්ව දැඩි වෘත්තීය කි‍්‍රයාමාර්ගවල නිරත වන බව ද ප්‍රකාශ කර සිටී.

මෙයට,

ජෝසප් ස්ටාලින්
්‍රධාන ලේකම්

Archive

Latest news

මාධ්‍යවේදී මලික අබේකෝන්  නිදහස් කර ඔහුට පහරදීම පරීක්ෂණයක් පැවැත්වනු – නිදහස් මාධ්‍ය ව්‍යාපාරය

ඡාායරූපය: මලික අබේකෝන් (මැක්කා) නිදහස් මාධ්‍යවේදියෙකු සහ ඡායාරූප ශිල්පියෙකු වන මලික අබේකෝන් අත්අඩංගුවට ගැනීම සහ පහර දීම පොලීසිය විසින් කරන ලද පිළිකුල් සහගත ක්‍රියාවක් ලෙස...

දේශපාලන පක්ෂ නාම පිළිබද මැතිවරණ කොමිසමේ අලුත් නීතිය නීති විරෝධියි! – ආචාර්ය ජයම්පති වික්‍රමරත්න, ජනාධිපති නීතිඥ

දේශපාලන පක්ෂ ලියාපදිංචි කරන්නේ “ජාතික” පක්ෂ ලෙස නිසා නමෙහි ජනවර්ගයක් හෝ ආගමක් සඳහන් වන පක්ෂ ලියාපදිංචි නොකිරීමට මැතිවරණ කොමිසම තීරණය කර ඇත. දැනටමත් ලියාපදිංචි...

එල්ටීටීඊ පොලිස් සමාන නිලඇදුම් පරිසර බලකායට දුන්නැයි යාපන නගරාධිපති අත්අඩංගුවට

අද උදෑසන (09.04.2021) අලුයම 2.30 ට පමණ යාපනයේ නගරාධිපති විශ්වලිංගම් මනිවන්නන්  ත්‍රස්ත විමර්ශන අංශය විසින් අත්අඩංගුවට ගන්නා ලදී. ඔහු නිතිඥයකුද වෙයි. ඔහුට විරුද්ධව නඟා ඇති චෝදනාව...

පනස් වසරකට පෙර: අප්‍රේල් කැරැල්ල විප්ලවයක්ද? මර්දනයට මුහුණ දීමක්ද? – සුනන්ද දේශප්‍රිය

අප්‍රේල් කැරැල්ලට පනස් වසරක් පිරෙන මේ අවස්ථාවේදීත් ඉන් ඉගෙන ගතයුතු පාඩම් සඳහා ඇත්ත කතා කරනු වෙනුවට අසත්‍ය සමාජ ගතකිරීම අතිශය කණගාටුවට කරුණකි. අප මෙම කරැණු...

Related news

මාධ්‍යවේදී මලික අබේකෝන්  නිදහස් කර ඔහුට පහරදීම පරීක්ෂණයක් පැවැත්වනු – නිදහස් මාධ්‍ය ව්‍යාපාරය

ඡාායරූපය: මලික අබේකෝන් (මැක්කා) නිදහස් මාධ්‍යවේදියෙකු සහ ඡායාරූප ශිල්පියෙකු වන මලික අබේකෝන් අත්අඩංගුවට ගැනීම සහ පහර දීම පොලීසිය විසින් කරන ලද පිළිකුල් සහගත ක්‍රියාවක් ලෙස...

දේශපාලන පක්ෂ නාම පිළිබද මැතිවරණ කොමිසමේ අලුත් නීතිය නීති විරෝධියි! – ආචාර්ය ජයම්පති වික්‍රමරත්න, ජනාධිපති නීතිඥ

දේශපාලන පක්ෂ ලියාපදිංචි කරන්නේ “ජාතික” පක්ෂ ලෙස නිසා නමෙහි ජනවර්ගයක් හෝ ආගමක් සඳහන් වන පක්ෂ ලියාපදිංචි නොකිරීමට මැතිවරණ කොමිසම තීරණය කර ඇත. දැනටමත් ලියාපදිංචි...

එල්ටීටීඊ පොලිස් සමාන නිලඇදුම් පරිසර බලකායට දුන්නැයි යාපන නගරාධිපති අත්අඩංගුවට

අද උදෑසන (09.04.2021) අලුයම 2.30 ට පමණ යාපනයේ නගරාධිපති විශ්වලිංගම් මනිවන්නන්  ත්‍රස්ත විමර්ශන අංශය විසින් අත්අඩංගුවට ගන්නා ලදී. ඔහු නිතිඥයකුද වෙයි. ඔහුට විරුද්ධව නඟා ඇති චෝදනාව...

පනස් වසරකට පෙර: අප්‍රේල් කැරැල්ල විප්ලවයක්ද? මර්දනයට මුහුණ දීමක්ද? – සුනන්ද දේශප්‍රිය

අප්‍රේල් කැරැල්ලට පනස් වසරක් පිරෙන මේ අවස්ථාවේදීත් ඉන් ඉගෙන ගතයුතු පාඩම් සඳහා ඇත්ත කතා කරනු වෙනුවට අසත්‍ය සමාජ ගතකිරීම අතිශය කණගාටුවට කරුණකි. අප මෙම කරැණු...